2 Pedro 1:7 - Táurinakene máechejiriruwa’i ema Viya tikaijare

⁷ Epamikawa'iwareni iápajukaya eta émunaraiwa'i naye'e ena echamuriana, ekajirayare, epamikawa'iwareni eta émunaraiwa'i naye'e ena apamuriana achaneana, tayanapane wa'i náe'ika'avi'ini.

Ignaciano

⁷ Epami­ca­va­hi­vareni iápajucaya eta émuna­raivahi nayehe ena echamuriana, ecaji­rayare. Epami­ca­va­hi­vareni eta émuna­raivahi nayehe ena apamuriana achaneana, tayanapane vahi náehica­ha­vihini.

2 Pedro 1:7 ပူးပေါင်းရင်းမြစ်များ

Romanos 12:10

Tiápajukawainapa eta émunajirisirakakaina eta echamurikakaira'i. Yátupina eta epikauchirakaka'i.

Gálatas 6:10

Táitusiawa, te tatiari'inapuka eta vikamunukarewana naye'e ena achaneana, te víma'a'ipuka eta nakamunuirawa'i, vítijiwayare víchayare eta táurikeneana naye'e. Tavetijipa te éna'ipuka tipaucha'aviana'i ena vichamuriana'i taye'e eta juka vé'iru'i, vikajiyare'i ena.

Colosenses 3:14

Tamutu eta juka numetaru'eana'i, ítauchayare, énerichuware tiápajukawayare eta émunaraiwayare, taicha te vémunajirikaka'i, tétavikawayare'i eta viúrikakarewaya eta viúrujiasirakaka'i.

1 Tesalonicenses 3:12

Énerichuware makajuruka'ini ichape ema Viya eta émunaraiwaina naye'e ena echamuriana, énapa ena apamuriana achaneana, tákuti'ini eta vémunasira'e'i víti.

1 Tesalonicenses 5:15

Échapawayare, tijurikati natiari'ina nawara'a titupiaka'eana, wa'i ekujikapa. Wá'isera ekuitsikawa. Ímerekayaresera eta iúriwaya naye'e ena echamuriana, énapa namutu ena apamuriana achaneana.

Hebreo 13:1

Wa'i ekukainajiruwa eta émunajirisirakaka'i eta echamurikakaira'i táichavene'i eta eparapekakaira'i, te mawa'uana ema Viya.

1 Pedro 1:22

Puiti tipachinaipa eta iáchanewana táichavene'i eta esuapira'i eta yátupikene máimiturapiana ema Jesucristo. Eta taka'e, ímerekawainapa puiti yátupina eta émunasirakaka'i naye'e ena echamuriana. Ewapinawaware eta te esamureana eta émunasirakakaira'i.

1 Pedro 2:17

Epikaura'iyare naye'e namutu ena achaneana. Émunajirikakayare naye'e ena vichamuriana. Ímereka eta epikauchira'i ema Viya. Epikauchayare'iware ema rey.

1 Pedro 3:8

Ámutu eti, ákutikaka'i eta epanereruana, ejapanukaka, émunakakaware naye'e namutu ena echamuriana, ekajira'i, mánsu'ena'i.

1 Juan 3:14

Víti vécha'i, te táekeneraya eta vépeniraya. Vikaiju'enapa eta vítaresiraya máichekuarakireya. Vécha'i eta juka, táichavene'i eta vémunasira'i ena vichamuriana. Énasera ena wa'i náemunaka'ini ena nachamuriana, nanasi'ichu. Wa'i tiúchuku'anaima'i eta náepenira.

1 Juan 3:16

Ema Jesucristo tímecha'avi'i eta máemunasira'avi'i, taicha tíjarakawa'i tépena vítivene'i, tási'a víti, te jákani táichararakawa, tituparaka'avi víjarakawayare vépena énavene ena vichamuriana, vímechiraya eta vémunasirakaka'i.

1 Juan 4:21

Eta juka eta mawanairipi'i viye'e ema viákenu Jesucristo: ema temunaka'i ema Viya, éneichuware maemunakayare ena machamuriana.