2 Pedro 1:4 - Táurinakene máechejiriruwa’i ema Viya tikaijare

⁴ Taye'e te juka vima'akeneana'i taurinakeneana eta taka'e tíjaraka'avipa eta vikuchi'i, taicha taetaviure'i eta, maitupajijiasirawa, tetavikawaware eta tasiwachawa'i, apaesa visiapa taye'e eta mawasa ema Viya, apaesa wa'ipa vikuima'a eta tamaurikeneana, tajamurachakeneana eta viake'e te juka apake'e.

Ignaciano

⁴ Tíjara­ca­va­ri­pavare éma táetaviu­chayare eta viúrica­ca­re­va­nayare maicha te jena sácheyare, tijamu­ra­cha­ca­reanahi tamutu. Muracahi eta vicasi­ña­vairahi eta máitauchi­rayare tamutu eta júcana, taicha tétavi­cavahi eta máurivahi étapa eta majaraivahi. Táichavenehi eta ecasi­ña­vairahi mayehe, tinaca­sa­mu­re­chahehi eta ecasa­mu­re­ra­yarehi étachucha eta táuri­queneana, ecutiyare éma eta macasa­mu­rerahi eta táuriqueneana. Vaipa tivayua­ca­hemahi eta tajamu­ra­cha­que­neanahi eta iáqueheana, taicha tétavi­cavahi eta tamaepe­ra­ji­chi­rahehi eta cape juca eta ítare­sirana.

2 Pedro 1:4 ပူးပေါင်းရင်းမြစ်များ

Romanos 9:4

Taicha manerejiruana'i ema Viya, máichavene'i ema náchukaekeneni Israel, mawaraira'i ema Viya machichanaveanayare'i. Ichapemuri'i eta makachanerawaka'i, máimechira'i eta majaraiwa. Máijarakawaka eta matratune eta majaneasirawakayare. Máimimaticha'iware eta mawanairipiana.

2 Corintios 1:20

máichavene'i ema, títauchawa'i tamutu eta mapanereruana'i ema Viya. Víti, te visamawaipa eta máijararuwana'i ema Viya, vijiraucha'i ema. Vika'e'i: ¡Amén! Vikasiñawa maye'e ema Cristo Jesús.

2 Corintios 3:18

Taka'e, vimutu viti vé'ikana'i ema Viákenu vikuti'ipa eta espejo eta tarapepesira'i eta tajaraiwa'i eta sache, víti, yátupi'i vímereka'i eta máuriwa'i ema Viákenu, waipa vikaepakamira'ini, eta taka'e, víti puiti tiápajukawainapaipa eta vikutirayare ema Viákenu taicha tiápajukawa'i eta majaraiwa'i te visamureana. Étavene'iware eta máwa'asira'avi'i ema Machanewa Viya máijararu'i ema Viákenu.

2 Corintios 6:17

Taicha akane makawanairipipa ema Viya, ani maka'e'i: “Érajikawa eta te namuri ena, wa'i nuchaneranaina; machu napareaka'e eta namaeperajiwana ena. Taka'e eti nujakapa'eyare'i.

Gálatas 3:16

Ene maka'e'i ema Viya eta makaejasira'i eta maechejiriruwa maye'e ema Abraham enapa ena mamairiekeneana. Eta Ajureka taechejisi'a ema “Mamairiekene”, émanarichu'i ema mámariekene'i ema táimijarechakene'i eta makaejasira'i eta maechejiriruwa, wa'i námutu'ini ena nasimutuwakeneanayare'i mámariékeneanayare'i ema Abraham”, éma'i ema tikaijare'i Cristo.

Gálatas 6:8

Te icha eta tájiparakana tawara'akeneana'i eta iáke'eana, étaichu'i tikamitiekene'a'eyare eta ítaresirana, tímikuñaka'eyarewa, té'esera icha eta táurikeneana mawara'akeneana'i ema Machanewa Viya, yátupina táurina eta ítaresira. Íma'ayarewa eta iúchukuiraya, máichekuarakirenapa eta iúrikakarewaya.

Efesios 4:13

apaesa yátupina wákuti wámutu eta máuriwa'i ema Machicha ema Viya; táitekapawanewareni eta sache eta viúrujisirawaya, tájinapa ta'apapika'avima'i eta vé'isira'i; vítamuturukaripa'ini tamutu eta vítukakeneana'i tási'akeneana'i me Cristo. Wákutipaini ema tamutu eta máitupajijiasirawa'i.

Colosenses 3:10

puíticha, amairi'apa arairupa eta juka ítaresira'i machicha'eipa ema Viya: tajurukapaipaini eta ekutirayare ema eta masantuwa'i étapa eta máuriwa'i ema.

Hebreo 12:10

Ena tikachicha'aviana, ánipichu eta náimitusira'avi'i jákani eta nawaraira'i ena viúriyare'i naye'e ena achaneana, emasera ema Viya, tiúripana'i eta vímitukasiwa'i maye'e, eta tiápajukawa tiúricha'aviyare, tépachinacha'aviyare'iware eta, mawara'a'i vikutiyare'i eta masantuwa'i ema.

Hebreo 9:15

Puíticha ema Cristo, ema yátupikene'i viye'e abogado, téchejiuruka'avi'i taye'e eta táekenereru'i matratune'i ema Viya. Eta máepenira'i ema Cristo, mawachacharipa'i tamutu eta vipekaturanaini viti máichu'akeneana'i ema, viti, énapa ena náinapureanaini tijakapana'i eta táinapureni'i matratune ema Viya. Tási'a, yátupi'i eta makuchukuira'aviya, máijaraka'avi eta vítaresiraya máitawakakayare'i.

Santiago 1:27

Vítisera, eta vítauchira'i eta yátupikene té'ikakare, te viwara'a tájina véchejisiakarewaina te mamira'u ema Tata Vikaiyakene: tatuparaka'i vijapanuyare vítatiyare ena amaperuana wáchachichana énapa ena náepenaimakeneana taye'e eta nakamunuirawana'i, tituparaka'avi'iware wa'i víchaima'i eta pekatuana te juka apake'e.

2 Pedro 1:1

Nuti Simón Pedro, mawanaranu'i ema Jesucristo. Maye'enu'i apústule. Nukajure'e eti nuchamuriana, taicha tétavikawa'i eta ewapinairawa'i eta juka vé'iru'i. Puiti eti apanawa ejakapakare'iware me Viya, ekaikuchipaware eta iúchukuiraya maicha ema Viákenu Jesucristo.

2 Pedro 3:13

Taicha viti vikuchapainapa eta arairu anuma étapa eta arairu apake'e, víkuchi'i maye'e ema Viya. Tájinainapa eta pekatuana, waipa ti'apapika'avima'i. Tétavikawayare'i eta táuriwa.

2 Pedro 3:9

Ema Viya, manaka'i eta tayerewa'i, mawaraira'i makuchapa ena achaneana eta náeñauchirawayare maye'e. Ichapemuri eta makamichira'avi'i, eta viye'e, mamawaraira'i wámutu'ichaini vémitiekene'ini. Narari'i ena achaneana tejekapawana'i te napanereruana. Eta naimaira'i eta mayerewa'i ema Viya eta maikuñasirawakayare'i, naimijachaipa'i waipa marata'aima'i maikuñaka eta juka apake'e.

1 Juan 2:25

Eta'i eta juka máikure'avi'i ema Viakenu Jesucristo, tíjaraka'aviya máichekuarakirenapa eta vítaresira.

1 Juan 3:2

Nuparapenaveana némunarukeneana, machicha'avipa ema Viya. Vuícha'asera tímecha'avi ema eta viúriwayare. Véchaipasare eta vikutirayare ema Jesucristo eta te machawa. Taicha víma'ayare eta máima'ikene ema.