2 Pedro 1:3 - Táurinakene máechejiriruwa’i ema Viya tikaijare

³ Ema Viya tetavikawa eta maitupajijiasirawa'i, tijaraka'avi'i tamutu eta vikamunukeneana te juka vitaresirapa, etapa eta, maimimatichira'avipa ema Viakenu Jesucristo, mawaraira'i vitaucha eta mawara'akene vicha, ema tichu'a'avi'i taichavene eta maitupajijiasirawa'i, etapa eta maemataneana tiaramikareana vima'akeneana'i.

Ignaciano

³ Táichavenehi eta vímatirahi ema Viya, tétavi­cavahi eta máitupa­ji­jia­si­ravahi eta macaema­ta­nea­si­ra­havihi eta vítare­sirana, mavarairahi vétaviu­chahini eta viúrivahi, vicuti­yarehi éma eta masantuvahi. Étahi eta mapane­reruhi eta máichuira­havihi. Tásiha, visuapa­vanepa taicha vímahapa eta majaraivahi, vímaha­varepa tétavi­cavahi eta máurivahi taicha camuri­quenehi eta táuriqueneana máichaque­neanahi.

2 Pedro 1:3 ပူးပေါင်းရင်းမြစ်များ

San Mateo 28:18

Ema Jesús témeña'awapa naye'e ena, tási'a máichawakapa: –Ema Viya tijarakanu'i eta tuparairukanuya'i taye'e eta anuma, tási'a étapa eta apake'e.

Romanos 8:32

Eta majapanuira'avi'i ema Viya, wa'i mawayuaka'ini máijararekapa ema Machicha eta nakapasira'i víchavene'i vimutu víti. Tási'a, mavetijinapa eta makatiuchira'aviyare puiti te tamutu eta jákani víchawakenewana.

Romanos 9:24

Wa'i wákarichu'ini viti juriyuana manerejika'avi'ini, éneichu'i eti apawasana manerejiru'e'iware.

1 Corintios 1:9

Ema Viya wa'i ma'apapikaima'i eta mapanereruana'i, yátupi eta máitauchirayare'i eta máichuira'e'i, mawara'a'i iúrujikawayare ekachanenapa ema Machicha Jesucristo ema Viákenu.

2 Corintios 12:9

émasera ema Viya, ánipa máichanu'i: “Wicha'a nukanarakavima'i. Nujapanuvisera, níjarakaviyare ichape eta pitumewaya, tayanapane eta pimaitupajijiasirawa'i, taicha nuwara'a náimatiyare'i ena achaneana eta nítupajijiasirawa'i piye'e.” Eta taka'e, núrisamureichucha puiti eta tamajinaira'i eta nítupajijiasirawaina'ini apaesa máimerekawa'ini ema Cristo eta máijarasiranu'i eta máitupajijiasirawa'i.

Efesios 4:1

Yátupi nuti témeratakanu'i puiti táichavene'i eta né'isira'i ema Viákenu, eta taka'e, nutuparaka'eya, takuija íchirawaina eta ítaresira te mamira'u ema Viya, taicha eti máichu'akene'eichu'i ema, mawaraira'i machanera'eyare.

Efesios 4:4

Émanaichuware ema tiáwa'aka'e, émaipa ema Machanewa Viya, etanaichuwa eta viake'e takuija íchirawaina eta iúrujisirawa'i, etanainaichu'i eta epanereruana, taicha ema Viya tíchu'a'e'i, puiti ekuchapa'i eta iápechirawayare ítareka.

Filipenses 3:8

Taka'e, eta nímaira'i, wá'ineni étaparakaina'ini taye'e eta viúchukuiraya. Puiti nínajikapa tamutu eta júkana, taicha ti'apapikanu'i eta né'isirayare'i ema Cristo, táichaware wa'i tákuti'ini eta táetaviuchirawa'i eta táuriwa'i eta né'isira'i ema Nákenu Jesucristo. Puíticha tamutupa némitisika. Emachucha nukaemataneaka'i

Filipenses 4:8

Títekapa, nuparapenaveana, epanerechinawayare taye'e tamutu eta yátupikeneana, taye'e tamutu eta tipikauchakareana, taye'e tamutu eta ítauraiwaya takuija taviucha'e, taye'e tamutu eta tikatajika'eyare eta íchira'i eta táurikeneana. Epanerechayarewa taye'e tamutu eta ekurisamurechira'i ema Viya, taye'eware tamutu eta tikunachakareana. Ekasamure tamutu jákani táurikeneana apaesa tikunachakareyare tamutu eta íchakeneanaya.

Colosenses 1:16

Ema, mawana'i'i me Maiya eta máepiyasira'i tamutu eta víma'akeneana'i puiti, te anuma, étapa te juka apake'e, tamutu eta vima'akeneana étapa eta vimarata'akeneanapa víma'a, enapa ena ángeleana tikawakureana, enapa ena ichapekeneana eta naitupajijiasirawa eta nakawakurera'i. Namutu'isera ena maepiyaruana'i ema, taicha mawana'i'i ema Machicha maye'eyare'i ema Cristo.

1 Tesalonicenses 2:12

Vékatiaka'e'i ichape eta iúriwaina eti, ímerekaya eta makáchichaira'eipa ema Viya, taicha íchuarekasiwaipa maye'e eta ekachaneraya ema taye'e eta máwasa te anuma, te távi'a'i eta majaraiwa.

1 Tesalonicenses 4:7

Taicha víti máichu'akeneanaipa ema Viya, mawara'a tiúrinayare eta vítaresiraya, waipa víchaima'i eta juka tamaurikeneana.

2 Tesalonicenses 2:14

Ema tikuchuku'a'eyare, taicha ímiyanawa'i esuapa eta Arairu maechejiriruwa, yátupikeneana máimiturapiana ema Cristo. Tási'a, ítujikawainapa esiapa taye'e eta mávi'a'i ema Viákenu Jesucristo, íma'ainapa eta majaraiwa.

1 Timoteo 4:8

Takuti eta náimikarawa'uchirawa ena tijunapana chururira'iana te tijunapana, nawaraira'i náetumecha eta náke'eana, takamunu'isera nápepejirikawa te sácheana, píti, wa'i takuechuki'a eta pikarawa'uira'i, te yátupi'i vikarawa'u viúritaresiraya maye'e ema Viya, tétavikawaya eta viúriwaya te taunawa eta sacheana.

2 Timoteo 1:9

Ema Viya tiámawa'i eta máemunasira'avi'i akane te tépanawainapa tamutu. Tijapanu'avi'i máichavene'i ema Machicha Jesucristo. Eta taka'e máichuira'aviyare vimutu viti vé'ikanayare ema Machicha, mawaraira'i tikuchuku'a'aviyare, wá'ineni viámawa'ini viúri'ini eta vítaresira'i. Puítisera ema Viya mawara'a mapekaturare'aviya te mamira'u.

Hebreo 1:3

Ema tikaye'e'i eta majaraiwa'i máijararu'i ema Maiya. Eta máukupaisira'i eta viye'e, tímimaticha'avipa eta máuriwa'i ema Maiya. Tási'a, te tamutupa eta makaepa'aira'i eta vipekaturana, tichawapa te anuma. Ánaki ema Maiya makaejakapa te maejasi'ayare te mawaure,

1 Pedro 1:15

Puítisera, santu'enapa eta ítaresirayare. Taicha ema tíchu'a'e'i, tétavikawa'i eta masantuwa'i;

1 Pedro 1:5

Puítisera, tétavikawa'i eta máitupajijiasirawa'i ema Viya eta majaneasira'e'i, táichavene'i eta ekasiñawaira'i maye'e. Taicha mawara'a tikuchuku'a'eyare te jena sache táepanirawayare eta viúritaresiraya.

1 Pedro 2:21

Taicha ema Viya, eta máichuira'e'i, mawara'a'i ekutiyare'i ema Cristo eta makamichira'i tamutu eta mátajiwana'i íchavene'i eti, mawaraira'i ekarawa'u eta máuriwa'i, ekutiyare'i ema.

1 Pedro 2:9

Étisera manerejiru'eipa ema Viya, machicha'eipa. Tachicha'eipaware eta máwasa. Tituparaka'eipaware ema eyaseuchinawakayare ena achaneana eta maye'e. Majupa'a'e'iware ema Rey. Puiti émapa makarichu'i técha'e'i, taicha maveku'akene'eipa taye'e eta timapiku, tímisiapa'eipa taye'e eta táurikakarekene majaraiwa ema.

1 Pedro 3:9

Tijurikati natupiaka'epuka, náume'a'e, wá'isera ekujikapa, eyaseakachucha ema Viya eta náurikakarewaina, taicha mawara'a ema Viya vijapanura'iyare'i víti, vikutiyare ema eta majapanuraiwa'i, tatiari'iyare táitsiwayare viye'e máicha.

1 Pedro 5:10

Ema Viya, tíchu'a'avi'i, mawara'a'i visiapa te máwasa, táichavene'i eta vé'isira'i ema Jesucristo. Ánipinesera eta ekatajiwairaya puiti juka sácheana. Émasera ema Viya, tétavikawa'i eta majapanuraiwa'i. Ema, tímararaka'e'i eta ekamichira'i; tási'a ema, tíjaraka'enapa eta ewayuchirawaya eta etúmewaya.

2 Pedro 1:10

Étisera, eti nuparapenaveana, nuwara'a échawa'ini eta máichuira'e'i ema Viya, manerejisira'e'i, epamikawa'ini eta ímeresira'i yátupi eta machicha'era'i, eta ímiyanirawa'i eta ekarawa'uira eta juka néchejisi'akeneana'i, jé'esare, tájinapa tímiakipaika'ema'i.

2 Pedro 1:2

Puiti, nuwara'a tajuruka'ini eta ekaikutiaraira eta máemunasira'e'i ema Viya, tási'akene'i eta ímatiekene'airapaipa'i eta mapanereruana ema, émapa ema Viákenu Jesucristo, tájinaware ta'apapirika'ini eta táuriwa'i eta epanereruana.

2 Pedro 1:5

Eta taka'e, akamesawa etumechawa eta ímiyanirawa'na eta ekasiñawairaina me Viya, eta tauriwaina eta itaresira, etapa eta itukakeneanaina,

2 Pedro 1:6

eta epanerechira, étapa ekaratakawa eta ichiraina eta tamauirikenana, eta ekaratasirawa eta ichira eta tamaurikeneana, eta ekamichira, eta ekamichira étapa eta éjarasira eta itesira me Viya.

2 Pedro 1:8

Eta ímatira'i ema viákenu Jesucristo, ichayare eta taurikeneana, étumechawayare eta tapajuriwayare eta ichirayare eta taurikeneana, taka'e eta itaresirayare etachucha ichayare eta taurikeneana te namira'u ena achaneana.

2 Pedro 2:20

Takutikene nákani tínajikawana'i eta náe'isira'i ema Viákenu Jesucristo, tichawanapa taye'e eta tamaeperajiwa'i eta náitaresirana te juka apake'e, ena, tiápajupanawanapa eta nakaikuñairayare, taicha eta naviurewa'i.

2 Pedro 3:18

Tajurukapaichuchaini eta ímatiraina, eta máemunasira'e'i ema tikatiucha'avi'i ema Viákenu Jesucristo. Tétavikawa'ini eta vijirauchira, te vinarasirana, te véjamisirana ¡vímiyanawayare! ¡Amén!