2 Pedro 1:2 - Táurinakene máechejiriruwa’i ema Viya tikaijare

² Puiti, nuwara'a tajuruka'ini eta ekaikutiaraira eta máemunasira'e'i ema Viya, tási'akene'i eta ímatiekene'airapaipa'i eta mapanereruana ema, émapa ema Viákenu Jesucristo, tájinaware ta'apapirika'ini eta táuriwa'i eta epanereruana.

Ignaciano

² Puiti, nuvaraha tajurucaini eta ecaicu­tiaraira eta máemuna­si­rahehi ema Viya, tásiha­quenehi eta ímatie­que­ne­hai­ra­paipahi eta mapane­reruana éma, émapa ema Viáquenu Jesucristo. Tájinavare tahapa­pi­ri­cahini eta táurivahi eta epane­reruana.

2 Pedro 1:2 ပူးပေါင်းရင်းမြစ်များ

San Lucas 10:22

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.”

San Juan 17:3

Níjarakayare eta náitaresirayare máichekuarakireyare, ena píjararunuanayare apaesa náimativi, piti Tata pikarichu yátupikenevi'i Viya, nútipa nuti Jesucristo, nuti piwanerunu'i te juka apake'e.

Romanos 1:7

Emutu eti ekawasana te Roma, maemunarukene ema Viya manerejiru'ekene'i machaneranayare'i santuana: Nu'asulupayacha ema Tata vikaiyakene eta iuriwaina eta itaresira te maijare ema Viakenu Jesucristo.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

Filipenses 3:8

Taka'e, eta nímaira'i, wá'ineni étaparakaina'ini taye'e eta viúchukuiraya. Puiti nínajikapa tamutu eta júkana, taicha ti'apapikanu'i eta né'isirayare'i ema Cristo, táichaware wa'i tákuti'ini eta táetaviuchirawa'i eta táuriwa'i eta né'isira'i ema Nákenu Jesucristo. Puíticha tamutupa némitisika. Emachucha nukaemataneaka'i

1 Pedro 1:2

emutu eti, yátupikene'i eta manerejisira'e'i ema Tata Vikaiyakene taicha taka'e'i eta mapanereru'i akane eta táepanirawa'i. Émaipa ema Machanewa Viya, tiáwa'aka'eipa máepachiasira'e'i eta epekaturana eta te máitine ema Jesucristo. Apaesa ejachapa ichapemurikene eta majapanuraiwa etapa eta viuriwayare.

2 Pedro 1:3

Ema Viya tetavikawa eta maitupajijiasirawa'i, tijaraka'avi'i tamutu eta vikamunukeneana te juka vitaresirapa, etapa eta, maimimatichira'avipa ema Viakenu Jesucristo, mawaraira'i vitaucha eta mawara'akene vicha, ema tichu'a'avi'i taichavene eta maitupajijiasirawa'i, etapa eta maemataneana tiaramikareana vima'akeneana'i.

2 Pedro 1:5

Eta taka'e, akamesawa etumechawa eta ímiyanirawa'na eta ekasiñawairaina me Viya, eta tauriwaina eta itaresira, etapa eta itukakeneanaina,

2 Pedro 1:8

Eta ímatira'i ema viákenu Jesucristo, ichayare eta taurikeneana, étumechawayare eta tapajuriwayare eta ichirayare eta taurikeneana, taka'e eta itaresirayare etachucha ichayare eta taurikeneana te namira'u ena achaneana.

2 Pedro 2:20

Takutikene nákani tínajikawana'i eta náe'isira'i ema Viákenu Jesucristo, tichawanapa taye'e eta tamaeperajiwa'i eta náitaresirana te juka apake'e, ena, tiápajupanawanapa eta nakaikuñairayare, taicha eta naviurewa'i.

2 Pedro 3:18

Tajurukapaichuchaini eta ímatiraina, eta máemunasira'e'i ema tikatiucha'avi'i ema Viákenu Jesucristo. Tétavikawa'ini eta vijirauchira, te vinarasirana, te véjamisirana ¡vímiyanawayare! ¡Amén!

San Judas 1:2

Puiti, nuwara'a tajuruka'ini eta ewapinairawaka'i eta máemunasira'e'i ema Viya, étapa eta majapanuira'e'i; tájinaware ta'apapirika'ini eta táuriwa eta epanereruana.

Apocalipsis 1:4

Nuti Juan nukajure'e eti siétemuriana nuchamuriana'i éjanereruana'i taye'e eta tinapaika te Asia. Nuwara'a makatajika'e'ini ichape ema Tata Vikaiyakene, émapa ema Jesucristo. Táuri'iwareni eta epanereruana. Te tamira'u eta máejasi'a'i trono, natiari'i ena siétekeneana maye'eana arcángeleana,