2 Pedro 1:1 - Táurinakene máechejiriruwa’i ema Viya tikaijare

¹ Nuti Simón Pedro, mawanaranu'i ema Jesucristo. Maye'enu'i apústule. Nukajure'e eti nuchamuriana, taicha tétavikawa'i eta ewapinairawa'i eta juka vé'iru'i. Puiti eti apanawa ejakapakare'iware me Viya, ekaikuchipaware eta iúchukuiraya maicha ema Viákenu Jesucristo.

Ignaciano

¹ Nuti Simón Pedro, mavana­ranuhi ema Jesucristo. Manere­ji­ru­nu­hivare mayehenuhi apóstole. Nucajurehe eta juca nucartane eti nuchamuriana taicha tétavi­cavahi eta evapi­nai­ravahi eta juca véhiruhi. Puiti éti apanava ejaca­pa­ca­re­hivare me Viya, ecaicu­chi­ri­pavare eta iúchucuiraya maicha ema Viáquenu Jesucristo.

2 Pedro 1:1 ပူးပေါင်းရင်းမြစ်များ

San Mateo 10:2

Eta juka, eta naíjareana ena dóseana apústuleana: Ema tínapuika ema Simón Pedro, émapa ema maparapeichu Andrés, ema Santiago émapa ema maparapeichu Juan, machichanaveana ema Zebedeo,

San Mateo 4:18

Taka'e, eta mapaisirapa'i ema Jesús te tachausi eta Kákiure te Galilea, máima'awakapa ena apinana kaparapekakana: Ema émana tikaijare'i Simón Pedro émapa ema Andrés. Eta náematanerepi ena titukawara'iana eta jima, nákijiereka'i eta naye'e yuta'e te une.

San Lucas 1:47

taicha tétavikawapa eta táurisamurewa eta nusamure ñicha eñi Viya tikatiura'ikene eta nuye'e.

San Lucas 11:49

“Eta taka'e ema Viya eta maitupajijiasirawa'i, maka'e'i: ‘Nuwanekayare ena profetana, tási'a éneichuwa nuwanekayarewa ena apústuleana. Tási'a nakapakayarepa'i, napanajirikawakainapa ena apamuriana.’

San Juan 1:42

Taka'e, ema Andrés mámapa ema Simón te mávi'a'i ema Jesús, te máima'apa ema Jesús máichapa: –Piti Simón, machicha ema Juan, nútisera nítsiwachaya eta píjare, níjarechaviya Cefas eta (taechejiriruwa: Pedro).

San Juan 12:26

Éneichuware mákani tiwara'ayare tikaemataneakanu, yátupiyare eta máe'isiranu, tási'a, nuti nukaejakayare ema te néjasi'ayare nuti, ema maka, tétavikawayare eta makunachirayare ema Tata.

San Juan 20:21

Tási'a, máicha'avipa: –¡Icharakawa eti! Takuti'i eta mawanesiranu'i ema Tata núkupaikayare te juka apake'e, nímituka'eyare'i eti. Puiti nuwaneka'eyare nuti ímitukawakayare'i ena achaneana, apaesa náe'ikanu'ini ena apanawa.

Hechos 15:14

Ema Simón Pedro timetaka'avipa te tépanawainapa majakapawakainapa ema Viya ena apawasana machaneranayare'i ema.

Romanos 1:1

Nuti Pablo, mawanaranu'i ema Viákenu Jesucristo, manerejirunu'iware eta maye'enuyare'i apústule, tituparakanu'i eta nukametarairuirayare eta mapanerechira'i ema Viya eta mawaraira'i makuchuku'aya namutu ena tikasiñawanaya maye'e ema Machicha.

Romanos 1:12

eti apanawa ímikatakanu'ini wakutikaka'ini, vétumejirikaka'ini eta vikasiñawaira eta vé'isira'i ema Viákenu.

Romanos 1:17

Taicha eta Arairu maechejiriruwa timecha'avi eta taichararakawa'i eta makatiuchira'avi'i eta vitápirawanaini: taichavene'e eta vikasiñawaira'i etachuchasera eta vikasiñawaira'i me Viya. Eta taka'e'i eta taechejiriruwa eta Takapika'ukene Ajureka: “Ema matapiraware eta makasiñawaira'i me Viya eta tikaitarekaya.”

1 Corintios 1:30

Puítisera eti, majakapakeneanaripa ema Viya. Máwa'aru'ewarepa ema Jesucristo maicha ema Maiya. Taka'e, ichapeipa eta échemaraiwa'i máicha, santu'eipa máicha, ekutipaipa eta masantuwa'i ema. Iuchukurepaipa'i taye'e eta tikaviurekarewana.

1 Corintios 15:9

Ichapemuri'inéni eta némepuruirawa'i nuti naye'e ena apamuriana apústuleana, wá'iware táurika'ini apústulenuina'ini eta nímairawa'i, taicha ichapemuri'i eta nupanajirisirawaka'i ena náinapureana'i machanerana'i ema Viya.

1 Corintios 9:1

Nuti, nájina nákenuina'ini te juka apake'e, yátupi apústulenu'i maye'enu'i ema Viákenu Jesucristo. Nukutinasiwaka'i eta náwakure'i naye'e ena apamuriana apústuleana, taicha níma'akene'i ema Viákenu Jesús, tási'a etipa etupiruwa'i esuapanu eta nímitusira'e'i, eta tímereuchanu'i eta táuriwa'i eta nukaemataneasira'i ema Viákenu.

2 Corintios 4:13

Eta Takapika'ukene Ajureka, ani taka'e'i: “Nuti nukasiñawa'i maye'e ema Viya, tási'a wa'i nupikakarakawa'ini eta néchejisirayare maye'e.” Éneichu'i vika'e'i víti puiti. Vikasiñawa'i maye'e eta makatiuchira'aviyare.

2 Corintios 5:21

Ema Cristo, tájina mapekaturaina'ini. Étasera mawaraira'i ema Viya viúchuku'ayare víti, émapa ema Cristo tamuriaka'i eta vipekaturana. Puiti, tájinasarepa víchirawaima'i, tájinawarepa viviurewaina te mamira'u ema Viya vimutu viti viúrujiaruana'i ema Cristo.

Gálatas 2:8

Émaichu'i ema Viya tiwaneka'i ema Pedro apústuleyare'i naye'e ena israelitana, taka'e nuti tiwanekanupa apústulenuyare'i naye'e ena apawasana.

Efesios 3:5

Eta juka tayumururewaini'i mapanereru'i ema Viya, nájina náimatiekene'a'ini kape juka tásinekene'i. Puítisera, ema Machanewa Viya tímecha'avipa viti maye'eana santu apústuleana énapa ena profetana.

Efesios 4:11

Maichuware tinaka'i ena apústuleana'i ena apamuriana Profetana'iware, tási'a ena apamuriana kametarairura'iana eta maechejiriruwa ema Viya, ena apamuriana Maíjarakapa eta najaneasiraya ena machanerana, ena apamuriana Maíjarakapa eta naitusirayare eta naimituresirayare.

Efesios 4:5

Émanaichu'i ema Viákenu, etanaichuware eta vikasiñawaira me Viya, etanaichu'iware eta vikaikachasira eta viúrujiasira ema.

Filipenses 1:1

Nuti Pablo émapa ema Timoteo, mawanara'avi'i ema Viákenu Jesucristo, vímiamareka puiti eta juka viajure eye'e emutu eti vichamuriana'i, ekawasana'i te Filipos, énaipa ena najupa'ana. Taicha eti machanerana'i ema Viya, eti itati'i ema Jesucristo.

Filipenses 1:29

Eti, iúrikakare'i maicha ema Viya eta ejákapakarewa'i maye'e, táichavene'i eta ekasiñawaira'i me Cristo, takamunu'isera eta ekatajiwairayare táichavene'i eta é'isira'i ema.

Filipenses 3:9

puiti eta náwa'asira'i ema; wa'i étaina'ini eta táuriwa'i eta né'isira'i eta viye'erepiana. Ema Viya tijakapanupa táichavene'i eta nukasiñawaira'i me Cristo. Taicha namutu ena tikasiñawana'i ema, tijakapakareanaya me Viya.

2 Timoteo 1:5

Taicha némechawa'i yátupi'i eta pímiyanirawa'i pisuapa ema Viákenu. Pikápayayarakawakaine'i eta susuapira'i yátupi esu piátse Loida ésupa esu pena Eunice. Ichapeine'i pémechanu'i eta naye'e ena. Eta taka'e puiti, wa'i néñamawa'ini eta piye'e.

Tito 1:1

Eta najure nuti Pablo, mawanaranu ema Viya apústulenu'iware maye ema Viákenu Jesucristo, mawanerunu'i ema, apasea ena manerejiruana'i ema Viya naimatiekene'a eta yátupikene'i makasiñakarewa ema Viya, eta juka tiavi'a'i te juka viawapairu'i,

Tito 1:4

Piti Tito yátupikenevi, nichavi'i taye'e eta vikasiñawaira'i me Viya, taicha eta vimatikenepa'i viti apina'avi. Émainapa ema Tata Viákenu Jesucristo tikatiura'ikene viye'e viti achaneana taetaviucha'ini eta piuriwayare te mamira'u.

Tito 2:13

Tási'a, vikunewainapa eta machavirayare ema Viákenu Jesucristo, ema Makatiura'ikene'i viye'e. Eta máitesiraya mámayarepa'i eta tapachinakene majaraiwa.

Santiago 1:1

Nuti Santiago, mawanaranu'i ema Viya, emapa ema Viákenu Jesucristo. Nuwara'a nukaitekapa eta juka néchejiriruwa eye'e emutu eti nujaneanana israelítana éjanerepairuana'i te tamutu awasareana.

1 Pedro 1:1

Nuti Pedro, maye'enu apústule ema Viákenu Jesucristo. Nukajure'e eta juka eti nuchamuriana éjanerepairuana'i ekakijikeneana'i taye'e eta apana awasareana, eti iávi'ana'i te Tinapaika te Ponto, eti iávi'ana'i te Galacia, eti iávi'ana'i te Capadocia, eti iávi'ana'i te Asia, étipa eti iávi'ana'i te Bitinia,

1 Pedro 1:7

Ema Viya máisapa'i eta juka ekatajiwairana, mawaraira'i ímereuchawayare eta yátupikene'i eta ekasiñawaira'i eta maye'e. Ekutiyare eta uru te nakaitsamaraji te yuku te yátupi'ipuka étakene'i. Étisera étaviviriaka'i eta tatumewa eta uru, taicha eta uru títawayare'i, témitiakayare'i. Te wa'i ekainajiruwa eta ekasiñawaira'i maye'e ema Viákenu, tétavikawayare eta ekunachakarewayare'i maye'e ema eta machimapira'eyare te machawa.

1 Pedro 2:7

Eti, esuapana ema Viya, eta juka mari tetavikawa'i eta tasiwachawa'i eye'e eti; enasera ena masuapajiraira'ana titauchawainapa eta takayemakene eta Takapika'ukene Ajureka: “Eta juka mari naepurukene'i ena tepiyarekara'iana eta templo, Eta juka mari etapa tikunachakare'i tetavikawa'i eta tatumewa'i tasiwachawa'i.”

1 Pedro 5:1

Nuwara'a nechejirika'eya emutu eti pastoreana ejaneakana'i ena vichamuriana. Nuti éneichuware pastulerunu'i. Éneichuware nitametaka'eya eta nímararasira'i eta makatajiwaira'i ema Cristo. Esuapanuyare puiti eta nechejirapi, taicha vikutikakayare eta vikatupara'airaya viávi'ayare te majaraiwa ema Cristo te táitekapa eta machaviraya.

2 Pedro 1:4

Taye'e te juka vima'akeneana'i taurinakeneana eta taka'e tíjaraka'avipa eta vikuchi'i, taicha taetaviure'i eta, maitupajijiasirawa, tetavikawaware eta tasiwachawa'i, apaesa visiapa taye'e eta mawasa ema Viya, apaesa wa'ipa vikuima'a eta tamaurikeneana, tajamurachakeneana eta viake'e te juka apake'e.

San Judas 1:1

Nuti Judas mawanara ema Jesucristo, maparapenuware ema Santiago, néchejika'ewaka emutu eti maichu'akene'i maemunaruana ema Tata Viya, taicha tetavikawa'i eta majaneasira'e'i ema Jesucristo.