2 Juan 1:8 - Táurinakene máechejiriruwa’i ema Viya tikaijare

⁸ Tási'a, ekaunewayare taye'e eta nawayuarapiana, échapawachucha eti, machu nakamitisika'e taye'e eta íkuchi'i ématanewacha'i, nuwara'a ejakapayare tamutu.

Ignaciano

⁸ Tásiha, ecaune­vayare tayehe eta navayua­rapiana. Échapa­vachucha éti, machu nacami­ti­sicahe tayehe eta ícuchihi émata­ne­vachahi. Nuvaraha ejaca­payare tamutu.

2 Juan 1:8 ပူးပေါင်းရင်းမြစ်များ

San Mateo 24:4

Ema Jesús majikapapa: –Ekuneuchawa, apaesa nakuija nakuwayuaka'e.

Marcos 13:23

¡Ekuneuchawaya! Numetaka'ewane eti apaesa échaipa.

Marcos 13:9

“Etijiwayare ekuneuchawayare, taicha tikarataka'eanainapa tiáma'eanainapa naye'e ena tuparairukana, téstaka'eanainapa te peti náurujisirarewa ena juriyuana. Ena tiáma'eanainapa te namira'u ena akenukana, té'eware te namira'u ena reyeana, táichavene'i eta é'isiranu'i, taka'e ekamapurawainapa échejisianuyare eta nuye'e te namira'u ena.

San Lucas 19:19

Éneichuware ema maka majikapawarepa: ‘Piti nunakaviyare akenukaviya taye'e eta sinkukeneana awasareana.’

San Lucas 21:8

Ema Jesús majikapapa: “Ekuneuchawa, apaesa nakuija nakuwayuaka'e, taicha nárajapayare ena tépiyakawanayarepa'i tímiwasichawana nuye'e. Naka'enapa ‘Nútipa’ ‘Puiti táitekapakenepa eta sache.’ Étisera wa'i ekue'ikawaka.

San Juan 4:36

Ema Tata tíjaraka'eya eta íkuchiyare te ímikatakanu eta vikurujisira ena nani achaneana apaesa náuchuku'a, máichekuarakire eta náitaresira. Tási'a, tétavikawaya eta viúrisamurewa vimutu viti, nútipa.

1 Corintios 15:8

Tási'a, te táekenewarepa eta júkana, tiápechawapa tímerekawa nuye'e, nútipawapa níma'a'i ema, ichape eta táramikarewa'i nuye'e eta máichuiranu'i nuti nékenereru'i maye'enuyare'i apústule, nukuti'ipa ema amuya naujure.

1 Corintios 3:14

Te tiúri'i eta vémataneana'i, ema Viya tíjaraka'aviya eta táitsiwayare eta vématanerepi'i.

1 Corintios 3:8

Nuti, émapa ema Apolo, vikutikaka'i vínuna'i eta vikaematanera'i, vitupara'apachu'isera, ema Viya tíjaraka'aviya eta víkuchianapachu, te tiúri'i eta vikáematanerana.

Gálatas 3:4

¿Tamapurujinapapuka eta máimikatasira'e'i ema Machanewa Viya? ¡Németeakasera nuti wicha'a émepururekawaima'i!

Gálatas 4:11

¡Ichape eta néñamirawa'i eye'e tájurikati támapurujipa'i eta juka nímitusira'e'i!

Filipenses 3:16

Étasera wara'akare, eta wámutu viti ve'ika eta vikapayaruipa etanainaichupa eta vipanerecha.

Hebreo 10:32

Németeakasera ímiyanawayare eti tauri eta é'isira'i. Échaichu'i eta ítaresira'i kape juka, te épanawainapa eta ejakapira'i eta juka tajara'ikene máechejiriruwa ema Viya. Ichapemuri'i eta ekatajiwaira'i naicha ena tikatianaka'eana'i, ekamicha'isera eti.

Hebreo 10:35

Puiti, wa'i ekuyakuji. Étumechawa eta ímitusira'i eta máechejiriruwa ema Viya. Eta tiúricha'eyare, ejakapayare eta mawachachira'eyare ichapekeneya.

Hebreo 12:15

Ejaneakawaicha yátupina. Wa'i ekuimipananajikawa eta esemirana. Machu tapareakawaka ena echamuriana eta ewínarajiwana, takuti jákani sukureka máurira'ana, tapareakayare eta apana sukureka táurinakene'i, táimikapakapa.

Apocalipsis 3:11

Tiáne'ipa eta nuchaviraya. Petumechawaya eta pé'isira'i, machu pémepurureka pijakapirayare eta píkuchi'i.