2 Corintios 7:7 - Táurinakene máechejiriruwa’i ema Viya tikaijare

⁷ tavetijipa eta mametasiranupa ema eta ekurisamurechira'i ema. Timetakanuware ichape eta éñamirawa'i eta nuye'e; ewarairaipaicha íma'anu, tási'a timetaka'avipa ichararakawa'i epanereresira'i ichape etapa eta echarairisiranu'i; tamutu eta juka nechira'i, tétavikawaine'i eta ekurisamurechiranu'i.

Ignaciano

⁷ Tavetijipa eta mameta­si­ranupa ema Tito eta ecuri­sa­mu­re­chi­ra­rinehi éma. Timeta­ca­nuvare ichape eta éñami­ravahi eta nuyehe; evarai­raipaicha ímahanu; ichapevare eta evarairahi esuapanu eta étupi­ri­sirahi ema maca achane téjeca­pavahi. ¡Eta juca, tétavi­ca­vainehi eta ecuri­sa­mu­re­chi­ranuhi!

2 Corintios 7:7 ပူးပေါင်းရင်းမြစ်များ

San Mateo 26:75

tási'a ema Pedro máechapa eta máichira'i ema Jesús: “Te tamira'uinapaicha'a eta táechejisirayare eta warayu, píti mapa'eyare eta péñauchiranuya.” Taka'e tiuchukapa ema Pedro tíya'apa eta makatisamurewa'i.

San Mateo 5:4

“Tétavikawa eta náurikakarewaya ena tikatajiwana'i, taicha ema Viya makurisamurechawakayare.

San Lucas 22:44

Ichape eta máeñamirawa'i eta mayujarasira'i. Témirikapa eta máepatsure murakakama eta taemirisira'i te apake'e, takasirikiamapa'i eta máitine.]

Hechos 11:23

Taka'e, te títekapapa ema Bernabé te Antioquía, máima'apa eta máimikatasirawaka'i ema Viya. Tiúrisamureine'i, maechejirikawakapa namutu ena, eta náetumechirakakaina eta náe'isira'i ema Viákenu.

Romanos 1:12

eti apanawa ímikatakanu'ini wakutikaka'ini, vétumejirikaka'ini eta vikasiñawaira eta vé'isira'i ema Viákenu.

1 Corintios 5:2

Esapi'aichucha eti, ¡tétavikawa'i eta ekasiñawawaisira'i! ¡Iúri'aipa etsiri'apaini, táichavene'i eta máichakene'i ema echamuri! ¡Iúri'aipaware étupirika'ini ema maka! Taicha tituparaka'avi vikuchukayare te vimuri nákani téjekapawana'i.

2 Corintios 1:14

eti, ímatiekene'apaipa eta nímiturapiana, puiti nuwara'a esamayarewa eta nechejiriruwana apaesa wákutikaka viwapinakaka vítijikaka te jena sache te machawapa ema Viákenu Jesucristo.

2 Corintios 1:4

Puiti ema, tikurisamurereka'avi'i taye'e tamutu eta viátajiwana, apaesa virata'a'iwaréni víti apanawa vikurisamurechawaka nákani tikatajiwana'iware, takuti'i eta makurisamurechira'avi'i víti ema Viya.

2 Corintios 2:9

Eta taka'e, nukajure'i kape juka, nuwaraira'iware nukaikutiara'e te esuapayarepuka eta nuwanairipiana'i.

2 Corintios 5:2

Puiti, tétavikawa'i eta takatajiwaira'i eta viáke'e, tamutu'i tasama. Eta taka'e, viwara'aine'i táija'uchawa'ini takaitsiwa'ini eta viáke'eyare te anuma;

2 Corintios 7:6

Émasera ema Viya, tétavikawa'i eta máetumeraiwa'i naye'e nákani tikainajiruwanaipa'i, nútiipa nétumechawaine'i maicha ema, eta nímairapa máitekapauchiranu'i ema Tito;

2 Corintios 7:8

Ichape'inéni eta táimipanereresira'e'i eta nukajure'era'i, nútiipa, ichaperine'iware eta táimipanereresiranu'i nukatisamurewa'i te nukajurepa. Némitisikapasera puiti, taicha ánipi eta táimipanereresira'e'i.

2 Corintios 8:16

Nu'asulupayacha'i ema Viya eta manakasamurechira'i ema Tito máeñamirawa'i eta eye'e, takuti'i eta nusamure néñamirawa'i eta eye'e.

Filipenses 1:20

Nuti, ichape eta nuwaraira'i wá'ini nukutsiri'aini, nuwara'a nuwapinawa eta nímiyanirawa nukasiñawaya maye'e ema Cristo eta majaneasiranu'i apaesa náimati'ini ena achaneana eta yátupira'i eta makasiñakarewa'i ema Cristo, tájina wa'i nupikakawa'ini eta náimikatichiranu'ipuka, táimikapakanupuka.

Colosenses 2:5

Tayanapane viyere'ikaka'i, wa'i víma'akaka'ini, núrisamure'isera tikuti'ine'i étaina'ini návi'a'ini eta ara eye'e, néchira'i eta tamajinaira'i íchirawaina'ini, yátupi'i esuapa eta é'isira'i ema Cristo.

1 Tesalonicenses 3:6

Puítisera eta machaviraipa ema Timoteo, mási'aira'i eta ara eye'e, timetaka'avipa tájinaira'i íchirawaina'ini eta é'isira'i ema Viákenu Jesucristo, étapa eta émunasirakaka'i. Timetaka'aviware eta echarairisira'ávi'i émunasira'avi'i víti, ewaraira'i íja'uchawa'ini íma'a'avi, vikutikaka'i eta viwaraira'i víma'a'e víti.

1 Tesalonicenses 3:8

Eta visamairisira'e'i eti takamitiakaine eta véñamirawa'i, étumecha'avirine'i eta vikatajiwairana, tichawaine'i eta viúrisamurewa.

Hebreo 2:1

Eta taka'e, tituparaka'e yátupina eta ekarawa'uiraya eta ímitukasikeneana'i, machu émitisika, machu étaina taviucha'e eta iuchukuiraina.

Santiago 5:17

Ema profeta Elías émaichu vikutikene'i viti achaneana, te tiyujarakapa ema, tiyaseserekapa wa'i takukiwa, tisamakare'i ema, waipa takiwa'ini, mápana añu, y medio.

2 Juan 1:4

Núrisamureine'i eta néchira'i, eta nanerejisirawa'i ena pichichanaveana, tiúri'i eta náe'isira'i, yátupikeneana'i, tímiyanawanaware eta nasuapira'i eta mawanairipiana eta viye'e ema Tata Vikaiyakene, taicha ene vika'eyare'i.

San Judas 1:3

Tiuri nuparapenaveana, ichape eta nuwaraira'i nukajure'e emutu eti taka'e eta viuchukuiraya te apana vitaresira vimutu viti, tási'a puiti nima'apá eta vikamunukeneana nuyaseaka'ewa ímiyanawa étumechawa eta esuapajiraiwaina eta mawanairipiana.