2 Corintios 7:4 - Táurinakene máechejiriruwa’i ema Viya tikaijare

⁴ Ichape eta nukasiñawaira'i eta eye'e, nukunacha'e'i eta ekurisamurechiranu'i. Tayanapane'inéni ichape eta nukatajiwaira'i, tétavikawa'isera eta étumechiranu'i ekurisamurechiranu'i.

Ignaciano

⁴ Ichape eta nucasi­ña­vairahi eta eyehe, nucuna­chahehi eta ecuri­sa­mu­re­chi­ranuhi. Tayana­pa­ne­hinéni ichape eta nucata­ji­vairahi, tétavi­ca­va­hisera eta étume­chi­ranuhi ecuri­sa­mu­re­chi­ranuhi.

2 Corintios 7:4 ပူးပေါင်းရင်းမြစ်များ

Hechos 5:41

Taka'e, tiúchukanapa ena apústuleana te náurujisiawa'i ena tuparairukana, tiúrisamureanapaichucha eta nakaestaira'i, ema Viya máimararaka'i eta vikamichira'i tamutu eta náimikatsiriasira'avi'i táichavene eta vé'isira'i ema Jesús.

Romanos 5:3

Te tatiari'inapuka eta vikatajiwairayare, viwapinawachucha eta vikamichira'i; taicha vecha'i eta vikatajiwaira'i tétumecha'aviya eta vímiyanirawa vé'ika,

1 Corintios 1:4

Nuti nu'asulupayachaparaka ema Viya táichavene eta majapanuira'eipa, eta iáwa'asira'i ema Jesucristo, ichapeine'i eta iúrikakarewa'i.

2 Corintios 1:14

eti, ímatiekene'apaipa eta nímiturapiana, puiti nuwara'a esamayarewa eta nechejiriruwana apaesa wákutikaka viwapinakaka vítijikaka te jena sache te machawapa ema Viákenu Jesucristo.

2 Corintios 1:4

Puiti ema, tikurisamurereka'avi'i taye'e tamutu eta viátajiwana, apaesa virata'a'iwaréni víti apanawa vikurisamurechawaka nákani tikatajiwana'iware, takuti'i eta makurisamurechira'avi'i víti ema Viya.

2 Corintios 10:8

Náimijachaipapuka wa'i nétupikawa'i nuti eta nupamisira'e'i eta esuapiranu'i. Wá'isera nutsiri'a'ini, taicha yátupi'i nutupara'aichu'i eta náwakure. Taicha ema Cristo mawara'a'i nétumecha'eyare eta é'isira'i ema. Tájina wa'i nukamitiekene'a'ema'i.

2 Corintios 11:21

Tétavikawa'i eta nutsiri'a'i náka'e'ini. Te ímijacha'ipuka tiúri'i tamutu eta juka náichira'e'i. Ena nani tikunachawana'i eta náuriwa'i. Nuti apanawa núri'a eta nukunachirawayare'i, tayanapane ímijachanupuka máurishinu'i.

2 Corintios 2:14

Puiti, ichape eta nu'asulupayachira'i ema Viya eta majaneasira'aviparaka, tíjaraka'avi'iware eta máitupajijiasirawa eta virata'aira'i vikanara tamutu, táichavene'i eta máwa'asira'avi'i ema Jesucristo. Tituparaka'aviware vikametarairuyare'i eta máimiturapiana, mawaraira'i tiúriyare'i eta nasamiraya namutu ena achaneana takuti eta najiusira jákani táijiyekeneana.

2 Corintios 3:12

Étavene'i eta vikasiñawaira'i víma'ayare eta juka sache vikuchapakene'i, viti matupararuana vétumechawa'i eta vikametarairuirana.

2 Corintios 7:14

Wá'ichu támapuruji'ini eta nukunachira'e'i maye'e ema Tito, eta núrisamurewa'i ícha eti. Puítipa, ímereuchawapa yátupi'i eta ekunachakarewa'i.

2 Corintios 8:24

Nuwara'a'i ímerekawayare eta naye'e ena nani apinana vichamuriana eta yátupira'i eta émunaraiwa'i, apaesa ekurisamurecha namutu ena vichamuriana te nasamairikapa, náimatirayare wa'i támapuruji eta nukunachira'e'i.

Filipenses 1:14

Takutikene, eta náimairanu'i eta nukaerataira'i, ena kamurikeneana nuchamuriana táetumechawakaine'i eta nakametarairuira eta máechajiriruwa ema Viya, waipa napika'ini taicha ichape eta nakasiñawaira'i maye'e ema Viákenu Jesucristo.

Filipenses 1:20

Nuti, ichape eta nuwaraira'i wá'ini nukutsiri'aini, nuwara'a nuwapinawa eta nímiyanirawa nukasiñawaya maye'e ema Cristo eta majaneasiranu'i apaesa náimati'ini ena achaneana eta yátupira'i eta makasiñakarewa'i ema Cristo, tájina wa'i nupikakawa'ini eta náimikatichiranu'ipuka, táimikapakanupuka.

Filipenses 1:26

Taka'e napechawayarecha'a nutiari'iya eye'e, apaesa nimikataka'e eta tapajusirawaina eta esiñavira me Viakenu Jesucristo.

Filipenses 2:17

Nímikuticha'e eta esuapajiraiwa'i taye'e eta ekaemataneasira'i ema Viya, takuti'i eta iámawa'u'i maye'e, nuti, tijurikati táimikapakanupuka eta nukametarairuira'i eta eye'e, eta népenirainapukaini takutiyarewa eta námawa'u'i maye'e ema Viya, takachane eta iámawa'u'i eti, nuti nuwapinawa'i eta níjarasirawa'i népena, núrisamure'iware eta nukamawa'uira'i me Viya.

Colosenses 1:24

Puiti, nurisamure'i eta nukatajiwaira'i ichavene'i eti eta nukatupara'aira'i nukametarairu eye'e eti. Eta juka nukatajiwaira'i, tákuti'ini eta makatajiwaira'i ema Viakenu. Nukatajiwanumapaipa'i íchavene'i eti machichanaveana, eti vichamuriana'i.

1 Tesalonicenses 2:19

Véñamawa'i víti eta eye'e taicha viwara'a'i tánasi'ini eta iúriwa eta machimapira'eya eta machaviraya ema Viákenu Jesucristo.

1 Tesalonicenses 2:2

Échaichu'i tamutu eta náichira'avi'i ena achaneana, tímikuñaka'aviana'i ánaki te awasare Filipos, wá'isera wákatsimawa'ini te vítekapaucha'epa ani, vímiyanawarichucha vikametarairu taicha tétumecha'avi'ichucha ema Viya eta vímitusira'e'i eta máechajiriruwa.

2 Tesalonicenses 1:4

Tájina tákuti eta vikajamuraira'e'i naye'e ena vichamuriana te viúrujisirawana. Vimetakawakapa'i eta táimiyanirawa'i eta é'isira'i, ekamichira'iware tamutu eta nakatianasira'e'i ena achaneana étapa eta ekatajiwairana, táichavene eta é'isira'i ema Viya.

Filemón 1:7

Ichape eta núrisamurewa'i picha piti nuparape, tijara'ine'i picha te nusamure eta nusamairika eta pímiyanirawa'i pémunakawaka yátupi ena vichamuriana, étapa eta pikurisamurechirawaka'i ichape ena te'ikana ema Viya.

Santiago 1:2

Nuparapenaveana nemunaruana, eti nuwara'a nechejirika'eya, te tatiari'inapuka eta ekatajiwairana puiti juka ítaresira'i, wa'i ekukainajiruwa, ekaurisamurechawachucha, ewapinawaya, taicha iúripanayare eta iúchukuirayare.