2 Corintios 7:13 - Táurinakene máechejiriruwa’i ema Viya tikaijare

¹³ Eta taka'e, tétavikawaine'i eta étumechiranu'i nuti eta nusamairisira'e'i eta esuapiranuipa. Tavetijipa eta núrisamurewapa eta táuriwa'i eta ejakapira'i ema Tito. Tétavikawa'i eta máurisamurewapa'i ícha eti eta ésamirisirawaipa.

Ignaciano

¹³ Eta tacahe, tétavi­ca­vainehi eta étume­chi­ranuhi núti eta nusamai­ri­si­rahehi eta esuapi­ranuipa. Tavetijipa eta núrisa­mu­revapa eta táurivahi eta ejaca­pirahi ema Tito. Tétavi­cavahi eta máurisa­mu­re­vapahi ícha éti eta ésami­ri­si­ravaipa.

2 Corintios 7:13 ပူးပေါင်းရင်းမြစ်များ

Romanos 12:15

Te tatiari'inapuka jákani tiúrisamurekare naye'e nákani, eti apanawa iúrisamureyarewa. Té'esera te tatiari'inapuka eta tikatisamurekare'i naye'e nákani, ejapanuwakayare ena, íya'ayarewa eti apana.

Romanos 15:32

Eyaseaka'iwaréni ema Viya máisapanu'ini eta núrisamurewaina'ini eta nítekapauchira'eya, ímikatasiranu'íni eta nítujisirawaina nukachane'e.

1 Corintios 12:26

Étaipa te tatiari'ipuka eta táichawakenewa'i eta táunawa'i eta viáke'e, támairiaka'i tikati eta viáke'e. Té'esera tatiari'ipuka eta táurisamurewa'i taicha eta táitupajijiasirawana'i, tamutuyare'i eta viáke'e tiúrisamure.

1 Corintios 16:13

Ekuneuchawa yátupina. Túme'ena'i taye'e eta juka vé'iru'i. Yátupina eta éjairawawakaina. Wa'i ekupika eta vikatajiwairana'i.

1 Corintios 16:18

técharara'aine'i eta nusamure, túmenuine'i eta nusamirawa'i. Ene eka'eyare eti eta táetumechirawayare eta esamureana, eta ímairaina'i ena nani te nachawapa eta eye'e.

2 Corintios 2:13

Nímijacha'i nuchimapa'ini ema nuparape Tito. Tétavikawa eta néñamirawa'i, nuwaraira'i néchayare'i tája'apuka eta íchararakawa'i eti. Eta taka'e nukametawapa naye'e ena, nuyanapa ánaki te awasare tikaijare Macedonia.

2 Corintios 2:3

Taka'e, eta táitsiwa'i eta néjirapanaira'e, nukajure'epa eta táinapuiru najure, nuwaraira'i ésamirikawayare, apaesa waipa nukatisamurewaima'i icha eti. Nuwara'a'isera núrisamure'ini ícha. Taka'e, németeaka étipa iúrisamure'iwareni ámutu eta nuye'e,

2 Corintios 7:14

Wá'ichu támapuruji'ini eta nukunachira'e'i maye'e ema Tito, eta núrisamurewa'i ícha eti. Puítipa, ímereuchawapa yátupi'i eta ekunachakarewa'i.

2 Corintios 7:15

Ema, tiápajukawapaipa eta máemunasira'e'i eti. Máecharairika'i eta táuriwa'i eta ejakapira'i ema, esuapaine'iware, táichavene'i eta emansuirawa'i étapa eta epikauchira'i ichape ema Viákenu.

2 Corintios 7:6

Émasera ema Viya, tétavikawa'i eta máetumeraiwa'i naye'e nákani tikainajiruwanaipa'i, nútiipa nétumechawaine'i maicha ema, eta nímairapa máitekapauchiranu'i ema Tito;

Filipenses 2:28

Eta taka'e, nuyayaucha puiti néwataka ema, apaesa eta ímairaina'ini eti, iúrisamurewarepaini, te néchapa eta iúrisamurewa'i, étapa takaepa'a eta néñamawa'i eye'e.

2 Timoteo 1:16

Nuyaseaka'isera ema Viya majapanuiraina ena machichanaveana ema Onesíforo, ticha ema ichape eta maitatiranu'i makurisamurechiranu'i, wa'i maimitsiri'a'ini eta taichavenena'ini eta navi'aira'i te juka nukaerataiya'i.

Filemón 1:20

Tiuri nuparape, pikatajikanucha'a pikurisamurechanu eta juka nuyasearuvi'i eta maemunasira'avi ema Viákenu Cristo.

Filemón 1:7

Ichape eta núrisamurewa'i picha piti nuparape, tijara'ine'i picha te nusamure eta nusamairika eta pímiyanirawa'i pémunakawaka yátupi ena vichamuriana, étapa eta pikurisamurechirawaka'i ichape ena te'ikana ema Viya.

1 Pedro 3:8

Ámutu eti, ákutikaka'i eta epanereruana, ejapanukaka, émunakakaware naye'e namutu ena echamuriana, ekajira'i, mánsu'ena'i.