2 Corintios 7:11 - Táurinakene máechejiriruwa’i ema Viya tikaijare

¹¹ Eta ekatisamurerawa'i maicha ema Viya, ¡íma'apa eta taichararakawa'i! Taka'e puiti ímatiekene'apa, taicha nuti tajina nuyurewaina'ini, taka'e puiti katiuchanuanapa, tisemanaine'i, tási'a tipikanaine'i eta naichararakawaina'ini.

Ignaciano

¹¹ Étisera, ¡tétavi­cavahi eta iúrivahi tásiha­quenehi eta ecati­sa­mu­re­vairahi! Eneva­ne­rinehi ínajicahi eta éjeca­pi­ravahi taicha evarahahi ímiyanava ecuri­sa­murecha ema Viya. Ichape­rinehi eta nucuna­chi­rahehi taicha epicau­chainehi ema Viya tayehe eta juca íchava­que­névahi. Evara­hainehi níjahú­cha­vahini nítecahini eta eyehe nímica­ta­ca­hehini. Étisera enevanepa ecuru­ji­cacahi taicha eta esema­nevahi maicha ema téjeca­pavahi te etaracu. Enevanepa émecha­recapa éma. Ímere­cavahi eta tamaji­nairahi éjeca­pi­ra­vai­nahini éti.

2 Corintios 7:11 ပူးပေါင်းရင်းမြစ်များ

Marcos 3:5

Taka'e ema Jesús máesenimuri'apa ena tichayakana'i, tisemaine'i, katisamurewaine'i taicha eta namúrakasamurewa'i ena achaneana, maichapa ema achane. –Pikánukecha eta piwa'u. Ema achane énewanepa makanukecha'i eta mawa'u, tási'a tinarakapa.

San Juan 2:17

Taka'e, ena máimitureana, enewaneine'i naéchapa eta táechejiriruwa eta Ajureka take'e'i: “Máetaviuchira'i eta máimipikauchira'i eta, mapena.”

Hechos 17:16

Eta makuchapirawaka'i eta náitekapiraya ema Silas, ema Timoteo, waipa máitukakare'ini ema Pablo eta máimairawaka'i ena achaneana naye'e'earaka'i eta nasiñarajiana.

Romanos 11:20

Taka'e, échapawa eti apanawa, machu ákutiriana ena nujaneanana, ena eta nákipaisirawa'i tímikutijirika'i tikaechuana'i, táichavene'i eta namakasiñawaira'i me Viya, puiti étipa náitsiwa'i ena eta ekasiñawaira'i maye'e, wá'isera ekukasiñawawaika, ekuneuchawa eti apanawa, epikaucha ema Viya.

Romanos 14:18

Mákani títati'i ema Cristo, tétavikawa'i eta ekurisamurechira'i ema Viya, tási'a ekunachakare'iware naye'e ena achaneana.

Romanos 3:5

Etasera eta vichira eta tamáurikeneana taimerekaya eta te mamira'u ema Viya taicha ema titaura'i'i, taka'e najakapainapa eta maikuñaraki, ¿taja'ainapapuka vikayemaya viti? ¿Ema Viya wa'i tetupikawa eta maichakene'i eta tikuñakavi? (Nitupiruwa eta vechejisira.)

1 Corintios 12:25

Eta taka'e, te vikaematane, tamutu eta viáke'e tiyamurika'i, tímikatajirikaka'i, ichape'i eta táejiasirakaka'i, wa'i táiputsiakaka'ini.

1 Corintios 5:13

Étisera, écha'i ena echamuriana'i. Eti eyaserejirikakayare étijikakaya. Eta taka'e, ekaevuisi'ayare ema mákara téjekapawa'i te emuri.

1 Corintios 5:2

Esapi'aichucha eti, ¡tétavikawa'i eta ekasiñawawaisira'i! ¡Iúri'aipa etsiri'apaini, táichavene'i eta máichakene'i ema echamuri! ¡Iúri'aipaware étupirika'ini ema maka! Taicha tituparaka'avi vikuchukayare te vimuri nákani téjekapawana'i.

2 Corintios 13:7

Viti, ichape eta viyujarauchira'e'i, viyaseaka'i ema Viya eta étupirisirawayare'i apaesa takuija eviurewaina maye'e. Ichape eta nuwaraira'i ícha'ini eta táurikeneana. Tayanapaneine'ipuka náepurunu'ini, nuwara'asera ímiyanawayare eti íchayare eta táurikeneana.

2 Corintios 2:6

Wá'isera táurika viwayuchawa eta vémecharesira ema. Puiti, tarata'aipa eta ekuchusira'i te emuri eti.

2 Corintios 6:4

Eta taka'e, ichape eta néchapirawa'i te nímitureka. Nímerekawa'i yátupi eta mawanaranuira'i ema Viya. Ichapemuri nukamichira'i eta nukatajiwairana, étapa eta takajerawana eta nítatijirisirawa,

2 Corintios 7:1

Taka'e, némunarukeneana nuparapenaveana, wa'i táwara'a'ini vínajikawa'ini taye'e eta juka vikuchapakene'i puiti. Taka'e, vépachinachayare'i tamutu eta viáke'e étapa eta viáchanewa. Víjarakawayare'i tamutu te visamureana me Viya taicha eta vipikauchira'i ema.

2 Corintios 7:7

tavetijipa eta mametasiranupa ema eta ekurisamurechira'i ema. Timetakanuware ichape eta éñamirawa'i eta nuye'e; ewarairaipaicha íma'anu, tási'a timetaka'avipa ichararakawa'i epanereresira'i ichape etapa eta echarairisiranu'i; tamutu eta juka nechira'i, tétavikawaine'i eta ekurisamurechiranu'i.

2 Corintios 7:9

Puítisera, tétavikawaine'i eta núrisamurewa'i ícha, eta táetaviasira'eipa'i eta ekatisamurewa'i. Eta núrisamurewa'i, wa'i étaina'ini taicha eta ekatisamurewa'i, nuti eta núrisamurewa'i taicha títsiwachawaipa'i eta táuriwaipa'i eta epanereruana, ewaraira'i ekurisamurecha ema Viya. Eta taka'e, víti tájinapa wákayema'ini eta eye'e;

2 Corintios 9:2

Ichapemuri'i eta nukunachira'e'i naye'e ena vichamuriana tikawasana'i te juka Macedonia. Numetakawaka'i eta ewapinairawa'i eta épanirawa'i enakikawa kapekeneipa'i te apana'i añu. Taka'e, eta nasamairisira'i eta ewapinairawa'i eti, ena apanawa tiwapinawanawarepa ichape.

Efesios 4:26

Te tatiari'ipuka eta táimiyusemaka'e, ejaneakawaicha machu ekapekatura; te esemapuka, wa'i takunasi eye'e. Énewanena ajapanu.

Efesios 5:11

Ejaneakawa eti, machu iápechawa ícha eta tamaurikeneana náichakeneasa'i ena achaneana te timapiku. Étisera emíkauchayare eta naichakeneana'i tamauriwana.

Filipenses 2:12

Nuti nukunacha'e'i, eti nuparapenaveana némunarukeneana'i, taicha tétavikawa'i eta esuapiranu'i te nutiari'icha'a te echakaya. Puítisera nuwara'a tápajukawa'ini eta esuapiranuyare, puiti eta nuyere'ira'e'i;

1 Tesalonicenses 4:6

Nakuija nakuve'a esu mayena ema mákani echamuri. Taicha ema Viya, yátupi eta máikuñasirayare nákani ena tíchana'i eta juka. Étaichu'i eta vímiturapiana'i eye'e kape juka te vítekainapa eta ara eye'e.

1 Timoteo 5:20

Té'esera yátupikene'ipuka eta máejekapirawa'i, pikajachayare muraka te namira'u ena machamuriana'i náiyakarana, apaesa nátsiri'a napika ena apamuriana, waipa nakukicha eta juka.

2 Timoteo 2:15

Yátupina tauri picha eta pikaematanera'i ema Viya. Tájinasarepa piáwamira'uima'i taicha tamutu'i tiuri eta pémataneana. Tatupiruwayare'i eta pímituresira'i eta yátupikeneana'i máechejiriruwa ema Viya.

Tito 3:8

Etasera eta juka yátupikene'i tasuapakarewa eta juka vímitukasiwa'i, eta juka néchejisi'akeneana'i puiti, nuwara'a pímitukayare tamutu sácheana apaesa náimiyanawa naicha eta táurikeneana ena vikutikeneana tisuapajira'iana me Viya. Tétavikawa'i táuriwa eta vímiturapiana, tájina táichirawaina, taicha eta juka tíjarakara'i eta náuriwaya naye'e namutu ena achaneana.

Hebreo 4:1

Taka'e puiti, vikasiñawayare me Viya apaesa vítujikawa vinaraka maye'e. Tikamunukare'isera eta ejaneasirawayare muraka machu émepururekawa eti, tijurikati wa'i ekuitujikawa esiapa.

Santiago 3:17

narari'isera ena yátupikene'i eta náechemaraiwa, tási'akene'i me Viya. Tikatiura'iana'iware naye'e ena apamuriana, tijapanura'ianaware. Eta náichira'i eta táurikeneana, tikajira'iana'i, nájina nanerejiruina. Tatupiruwa'i eta náechejirisirawana.

1 Pedro 1:17

Te eyujarasirana eti, “Tata Vikaiyakene” eka'e'i maye'e ema Viya. Ímatiyare yátupi ema eta nájinaira'i manerejiruina, takutikene eta máemecharesira'i ena téjekapawana, máitsiwachawaka'iware nákani tíchana'i eta táurikeneana. Taka'e, yátupina eta epikauchiraina ema tamutu sácheana puiti juka ítaresiraicha'a te juka apake'e.

1 Pedro 2:2

Ákuti ena amuyana nauchusirawana ichape eta nawaraira eta terana eta leche tipachiama tiurinama, apaesa eta tikajurukayare'i tauri eta najurusira nauchuku'a.

San Judas 1:23

Ena apamuriana, ekatiucha taye'e eta taijurekene yuku, ejapanuyare nákani, ekuneuchawasera, machu napareaka'e eta náejekapirawana, taicha tétavikawa'i eta tamauriwa.

Apocalipsis 3:19

Nuti netupirikaya eta napanereruana namutu ena némunaruana te náejekapawa. Éñauchawaware, apaesa takuija ekuichirawaina.