2 Corintios 6:4 - Táurinakene máechejiriruwa’i ema Viya tikaijare

⁴ Eta taka'e, ichape eta néchapirawa'i te nímitureka. Nímerekawa'i yátupi eta mawanaranuira'i ema Viya. Ichapemuri nukamichira'i eta nukatajiwairana, étapa eta takajerawana eta nítatijirisirawa,

Ignaciano

⁴ Eta tacahe, ichape eta néchapi­ravahi te nímitureca. Nímere­cavahi yátupi eta mavana­rai­ranuhi ema Viya. Ichapemuri eta nucami­chirahi eta nucata­ji­vairana, eta néchuria­sirana, étapa eta tacaje­ravana eta nítáti­ji­rí­sirava.

2 Corintios 6:4 ပူးပေါင်းရင်းမြစ်များ

San Lucas 21:19

¡Ekamichawachucha, apaesa ítujikawa eta iuchukuiraina!

San Juan 16:33

Numetaka'eware tamutu eta juka apaesa etupiaka eta iuriwaina nuye'e apaesa takuija ekuichirawaina. Tayanapane ekatajiwayare muraka te juka apake'e, étumechawasera eta nuye'e, taicha nuti máijararunu'i ema Tata eta nukapakemuri'airayare namutu ena nánarana'i.

Hechos 2:22

“Esamacha'a puiti, eti israelitana, eta juka nukayemaya: Emutu eti écha'i eta taichararakawa'i, ema Viya maimereucha'i te emira'u eti, eta émaira'i técha'e ema Jesús Nazareno, máitauchiraya eta maye'e ema eta taurinakene étapa eta tiaramikareana ekutiarareana.

Hechos 20:34

ímararakanu'i eti eta táichararakawa'i eta nukaematanera, nukaematane'i tiási'ana'i te nuwa'uana, nuviya'i eta nukamunukeneana, énapa ena tímikatakanuana'i.

Hechos 9:16

Nuti nímechayare eta makatajiwairayare ichape táichavenena'i eta máe'isiranuyare.”

Romanos 14:18

Mákani títati'i ema Cristo, tétavikawa'i eta ekurisamurechira'i ema Viya, tási'a ekunachakare'iware naye'e ena achaneana.

Romanos 16:10

Échejisinanuware ema Apeles. Yátupi'i ema eta máimeresira'i tiúri'i eta máe'isira'i ema Cristo. Échejisinanuware ena machichanaveana ema víyara'aini Aristóbulo.

Romanos 3:5

Etasera eta vichira eta tamáurikeneana taimerekaya eta te mamira'u ema Viya taicha ema titaura'i'i, taka'e najakapainapa eta maikuñaraki, ¿taja'ainapapuka vikayemaya viti? ¿Ema Viya wa'i tetupikawa eta maichakene'i eta tikuñakavi? (Nitupiruwa eta vechejisira.)

Romanos 5:8

Émasera ema Viya, tétavikawa'i eta máemunasira'avi'i, tayanapane eta vikapekaturara'icha'anéni. Máijaraka'isera ema Machicha Jesucristo máepenina'avi'i.

1 Corintios 3:5

Puiti emétakanu, ¿naja'asika ema Pablo?, ¿naja'awarepuka ema Apolo? Yatupi viti vimituka'e'i, tamutu'isera maye'e'eana'i ema Viya. Wa'i vé'ikakare víti, taicha mawanara'avichucha ema Viákenu Jesús, yátupi víti vímituka'e'i eta ekasiñawairayare'i maye'e ema Viya: Ema Viákenu tíjaraka'avi'i eta vitupara'apachuyare'i:

1 Corintios 4:1

Nuwara'a némecha'e eta vikatupara'aira'i viti maye'eana'i apústule ema Cristo. Mamusura'avi'i víti. Tiwaneka'avi'i eta vímitusira'eyare eta mapanereruana ema Viya, eta tayumururewanaini'i.

1 Corintios 9:11

Ene vika'e'i víti eta véwasira'i eta máechajiriruwa ema Viya te esamureana. Eta tiúricha'e'i. Tási'a, eti ekutinapa eta sukureka tímekawa'i eta ta'i. Tájina táichawa eta ítatira'aviyare'i víti.

2 Corintios 11:23

Ena, tímijachawana'i mawanarana ema Cristo. Nútisera, jé'ewarekenenu'i mawanaranu'i ema. Eta juka nukaemataneasira'i me Viya, témestakanu'i, témeratakanu'iware. Éneichuware ichapemuri'i eta táimikapasiranuyare'ini.

2 Corintios 11:27

Ichapemuri eta nukaematanera'i. Nukatajiwa'i muraka. Ichapemuri'iware eta numakaimarasirawa'i. Nukatajiwa'iware taye'e eta nékuawa étapa eta numaunewa. Ichapemuri'iware eta nukamichira eta níjimaira'i. Nukatajiwa'i taicha eta tikasara'i, taicha néchuri'a'i eta numuiri'arapi.

2 Corintios 11:9

Tási'a, te níta'apa eta plata, wá'iware nuyaseaka'e'ini eta nunikakene. Taicha ena vichamuriana tikawasana'i te Macedonia náimiamareka'i eta nukamunukeneana'i. Taka'e, nujaneakawa'i, wa'i nuyaseaka'e'ini eti.

2 Corintios 12:10

Tási'a, nuwapinawa'i puiti eta napanajisiranu'i, nukatajiwaira'i náicha, náume'airanu'iware táichavene'i eta mawanarairanu'i ema Cristo, nuwapinawa'iware eta numaitupajijiasirawa'i étapa eta néchuriasirana, taicha eta nímairawa'i tamajinaira'i nítupajijiasirawaina'ini, nútisera nusamawa'i eta nutumewapaipaicha maicha ema Viákenu.

2 Corintios 12:12

Tayanapane kamuri eta nukatiru'awana, nukamicha'isera tamutu. Nímecha'eipa'ineni eta tiáramikareana níchakeneana'i, maicha ema Viya. Eta tímikaecherachanu'i eta yátupikenenuira'i apústulenu.

2 Corintios 2:17

Virata'asera vítaucha eta vitupara'a'i, taicha víti, eta vikametarairuira, tájina wa'i vikawacharapi eta máechejiriruwa ema Viya, vétupiripikapa'ipukaini, viwarairaina'ini tajamurachakare'ini, tákuti'ini eta náichira ena apamuriana tímijachawana'i yátupikeneana mawaneruana ema Viya. Vítisera yatupikene'avi'i mawanara'avi'i ema Viya; vitupiruwa'i eta vikametarairuira eta máimiturapi ema Cristo.

2 Corintios 3:6

Émakene'i tituparaka'avi vikametarairuyare'i eta arairu matratune. Wa'i étaina'ini nupamika'eyare eta esuapirayare'i eta wanairipiana. Taicha makaejakapa eta arairu maechejiriruwa ema Viya, tíjaraka'e'i emutu ema Machanewa Viya, máitsiwachina'eyare eta ítaresirana, arairuinapa. Étasera eta wanairipi takarichu táimiwanereka'i eta náepeniraya ena téjekapawana.

2 Corintios 4:17

Taicha eta viátajiwana'i puiti juka vítaresiraicha'a, wa'i táunakakare, tékatikawanachucha. Éneichuware, jarari'i eta táitsiwa'i, taicha vijakapa'i eta táetaviuchirawaya eta viúrikakarewayare, máichekuarakirenapa.

2 Corintios 4:2

Víti, tájina vímatiya'ini viyumurujirika'ini eta víchakeneana, wá'isera vícha'ini eta titsiri'akareana, wá'isera viútserurupina'ipukaini vi'apapika'ipukaini eta máimiturapiana ema Viya, taicha viwara'a vikurisamurechaya ema, tamutu'i véchejisi'a'i eta yátupikeneana. Jé'esare, viwara'a nakaikutiara'ini ena achaneana eta vímiturapiana'i tási'akeneana'i me Viya.

2 Corintios 4:8

Tayanapane titekapaucha'avi eta viatajiwana, wa'isera vikainajiruwa'ini, tatiari'iware jakani timipanerereka'avi, wa'iwasera veñamawa'ini taicha.

2 Corintios 7:11

Eta ekatisamurerawa'i maicha ema Viya, ¡íma'apa eta taichararakawa'i! Taka'e puiti ímatiekene'apa, taicha nuti tajina nuyurewaina'ini, taka'e puiti katiuchanuanapa, tisemanaine'i, tási'a tipikanaine'i eta naichararakawaina'ini.

Colosenses 1:11

Énerichuware viyaseaka'i ema Viya máijaraka'eni eta ichapekene máitupajijiasirawa apaesa ekamicha'ini tamutu eta ekatajiwairana, apaesa ekamicha'ini muraka, iúrisamurereakawachuchaini

Colosenses 1:24

Puiti, nurisamure'i eta nukatajiwaira'i ichavene'i eti eta nukatupara'aira'i nukametarairu eye'e eti. Eta juka nukatajiwaira'i, tákuti'ini eta makatajiwaira'i ema Viakenu. Nukatajiwanumapaipa'i íchavene'i eti machichanaveana, eti vichamuriana'i.

1 Tesalonicenses 3:7

Eta taka'e, nuparapenaveana, tamutu eta juka vichararakawa'i eta vikatajiwaira'i etapa eta vecharairisira'e'i, te vechapa eta ichararakawa'i, vécharara'aine'i taicha eta táuriwa'i eta é'isira'i ema Viákenu.

1 Tesalonicenses 5:14

Énerichuware vituparaka'e, nuparapenaveana, epamikayare muraka nakaematane ena plújuana, wa'i náesacha'i tikaemataneana. Éneichuware étumechawaka ena tiyakujiriri'ana, ena nani tínajirikawana'i, murakaina eta ímitusiraina, ekamichayaresera namutu ena.

1 Timoteo 2:15

Tási'a, tikatajiwainapa eta suínasirana, puíticha tanasi'i naye'e ena esenana, tiúchuku'anayaresera, te náimiyanawa náe'ika ema Jesús, étapa eta náemunasiraina ena vichamuriana, takuijaware natapirawaina te mamira'u ema Viya, táuri'ini eta napanereruana.

1 Timoteo 4:6

Te pímitukawaka eta juka ena vichamuriana, pímereka'i eta yátupira'i mawanaravi ema Jesucristo, eta juka táurinakene'i echéjirirukawa, étaichu'i eta vímiturapiana'i eta piye'e, eta tétumechaviyare eta pímiyanirawa'i pisuapa eta juka vé'iru'i.

1 Timoteo 6:11

Pítisera wa'i pikupanerecha eta juka mamawara'akeneana ema Viya, pérajikawa taye'e, taicha mawanaraviripa ema, tátupiruwa'i eta pisamure maye'e ema, taimiyanawa eta juka táuriwa'i eta pítaresira, tauri eta pé'isiraina, pémunaka yátupina, pikamichayare tamutu, yátupina eta pimansuwaina te pisamure.

2 Timoteo 1:8

Eta taka'e, wa'i pikutsiri'a eta pikametarairuiraya eta máechajiriruwana ema Viákenu. Wá'iware pikutsiri'a eta táemeratasiranu'i, taichavene'i eta nukametarairuira'i nuti apana. Yátupina pikamicha eta pikatajiwairaya. Taicha ema Viya, ema tíjarakaviya eta pitumewaya eta pímiyanirawaya pikametarairu.

2 Timoteo 2:24

Ena mawanarana ema Viya, wa'i taiúri'a naímisiaparakawa'ini taye'e eta semanereana. Táitsiwasera naétaviuchayare'i eta náuriwayare naye'e namutu ena achaneana. Nakamichayarewa tamutu

2 Timoteo 4:5

Pítisera pinasiyareichu tájina píchirawaima'i. Pikamichayare tamutu eta pikatajiwairana. Pímiyanawachucha pikametarairu eta máechejiriruwa ema Viya. Pítauchayare eta pituparakasiwa'i.

Hebreo 12:1

Puíticha víti apanaware vikamichayare tamutu eta vikatajiwairana, wákutiwaka eta nakamichira ena nani náinapureana'i té'ikana'i ema Viya, taicha puiti ena tímararaka'aviana'i víti tája'apuka táicharakawa'i eta vipaisira'i víti, eta taka'e, tituparaka'avi vínajikayare'i eta táitiasira'avi'i eta tájiparakana, tiámaparaura'iana taye'e eta pekatuana, taka'e, vikamichayare tamutu, táuriwaya eta vikaemataneasira'i ema Viya, apaesa vijakapa eta víkuchi'i.

Apocalipsis 1:9

Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.

Apocalipsis 3:10

Piti, pítaucha'i eta nuwanairipi eta pikamichiraya tamutu, eta taka'e, nujaneakaviya nuti apaesa wa'i takuimive'avi te táitekapapa eta natajiwanayare namutu ena achaneana táwapa'iana'i te juka apake'e.