2 Corintios 6:1 - Táurinakene máechejiriruwa’i ema Viya tikaijare

¹ Tási'a, viti mawanara'avi'i ema Viya, viyaseaka'eyare ímiyanawa tauri eta é'isira'i ema. Wa'i ekuemepurureka eta máemunasira'e'i, majakapira'e'iware.

Ignaciano

¹ Tásiha, núti mavana­ranuhi ema Viya, nuyasea­ca­heyare ímiyanava tauri eta éhisirahi éma. Vahi ecueme­pu­rureca eta máemuna­si­rahehi, majaca­pi­ra­he­hivare.

2 Corintios 6:1 ပူးပေါင်းရင်းမြစ်များ

San Mateo 23:37

“¡Jerusalén, Jerusalén, eti ekapakawaka'i ena profetana, tási'a eyukasikawaka'i te márija'iana ena maewataruana ema Viya, tiamana eta techakare! ¡Ichapemuri'ineni eta níchuira'e'i eti, iúrujiakanu'ini, tákuti'ini eta warayu te takurujimuri'a eta tachichanaveana te tapawase. Wá'isera áwara'a'ini!

Hechos 11:23

Taka'e, te títekapapa ema Bernabé te Antioquía, máima'apa eta máimikatasirawaka'i ema Viya. Tiúrisamureine'i, maechejirikawakapa namutu ena, eta náetumechirakakaina eta náe'isira'i ema Viákenu.

Hechos 14:3

Eta taka'e, nanasipanapa ena apústuleana, wa'i nayanawane'ini, tiyere'i eta náimituresira'i, taicha nawara'a'i náetumechawakaya eta nakasiñaira'i ema Viakenu. Taka'e, ema Viya máimikatakawaka'i, máijaraka'i eta náichiraya eta tiáramikareana.

Romanos 12:1

Taka'e, nuparapenaveana, nuwara'a ákaikutiara yátupina eta majapanuira'e'i ema Viya. Eta táetaviuchira'i eta majapanuira'e'i, ekatupara'a'i íjarakawa yátupina eta iáke'eana étapa eta iáchanewana eta é'isiraina émainachucha ema Jesucristo, takuti'i eta iámawa'u'i me Viya, jé'esare, tétavikawaya eta ekurisamurechiraya ema taye'e tamutu eta ekaemataneasirana ema.

1 Corintios 3:9

Víti mamusura'avi'i ema Viya, eti ekuti'i eta sukurekana eta makajurusira'e'i ema Viya, ekuti'iware eta makaemataneasira eta petiyare maepiyaru ema Viya. Eta é'isira'i ema Jesús takuti'i eta náepiyasira'i eta ichapekene peti.

2 Corintios 10:1

Nuti Pablo, nuyaseaka'e eta ímatiranuína eta némunasira'e'i. Nukuti'i eta máemunaraiwa'i ema Cristo. Etiari'ipuka eti ímijacha'i népiyakawa'i nuri te emira'u; tási'a, te nuyere'i'eware, tétavikawa'iji eta nuwínarajiwa'i mapikauraira'anu'iji.

Gálatas 2:21

Wa'i némepururekaima'i nuti eta máemunasiranu'i ema Viya. Narari'isera ena tímijachawana'i tijakapakareana maye'e táichavenechucha eta nawaraira'i naitaucha eta wanairipiana. Ena nani, tímikutijirikawa'i náemepurureka'i eta mapanereru étapa eta máemunasirawaka'i. Tímikutijirikawa'i náemepurureka'iware eta máepenira'i ema Jesucristo te crusu.

Gálatas 3:4

¿Tamapurujinapapuka eta máimikatasira'e'i ema Machanewa Viya? ¡Németeakasera nuti wicha'a émepururekawaima'i!

1 Tesalonicenses 3:5

Eta taka'e, tétavikawa'i eta néñamirawa'i nuti eta eye'e, waipa núrisamure'ini íchavene'i eti, taka'e, nuwanekapa ema Timoteo máima'apaná'e te enasirichu'ipuka eta é'isira'i ema Jesús, taicha nímikauyaya'e'i mákipaika'e'ini ema wínaraji, támapuruji'ini eta vikaemataneasiráipa ema Viya.

Tito 2:11

Ema Viya, japanu'avi'i vimutu viti achaneana. Eta taka'e, máimitesina'avi'i puiti ema Machicha eta makuchukuira'aviya.

Hebreo 12:15

Ejaneakawaicha yátupina. Wa'i ekuimipananajikawa eta esemirana. Machu tapareakawaka ena echamuriana eta ewínarajiwana, takuti jákani sukureka máurira'ana, tapareakayare eta apana sukureka táurinakene'i, táimikapakapa.

Hebreo 12:25

Eta taka'e, échapawaicha eti, wa'i ekuepuru eta máichuarapiana'i ema Jesucristo. Machu ákuti ena tépuruana'i eta mawanairipiana ema Viya, máimiturapiana'i ema Moisés, étapa tímikuñakawaka'i ena, vivetijinapapuka víti eta víkuñayare, te vikaepakekupuka eta máichuarapiana puiti ema Viákenu, taicha ema tiási'a'i te machakaya ema Viya te anuma.

Hebreo 4:1

Taka'e puiti, vikasiñawayare me Viya apaesa vítujikawa vinaraka maye'e. Tikamunukare'isera eta ejaneasirawayare muraka machu émepururekawa eti, tijurikati wa'i ekuitujikawa esiapa.

1 Pedro 4:10

Ema Viya tíjaraka'ewakaipa eta ítukakenepachu'i. Taka'e, yátupina ítauchaya eta ekaemataneasirakaka'i te mamira'u.