2 Corintios 4:7 - Táurinakene máechejiriruwa’i ema Viya tikaijare

⁷ Eta juka vé'iru'i vímiturapiana'i, tétavikawa'i eta takunachakarewa'i, wa'i vítina'ini vikunachakare'ini, taicha viti páureanasami, vikutichucha eta muñeka náipune, émasera ema Viya máimereka'i eta máitupajijiasirawa'i, máijarasirapa eta tatumewayare'i eta viáke'e, wá'isera vítijiwaina'ini.

Ignaciano

⁷ Eta juca véhiruhi vímitu­ra­pianahi, tétavi­cavahi eta tacuna­cha­ca­revahi. Vahi vítinahini vicuna­cha­ca­rehini. Taicha viti páureanasami, vicutichucha eta muñeca náipune. Émasera ema Viya máimerecahi eta máitupa­ji­jia­si­ravahi, máijara­sirapa eta tatume­va­yarehi eta viáquehe. Váhisera vítiji­vai­nahini.

2 Corintios 4:7 ပူးပေါင်းရင်းမြစ်များ

San Mateo 13:44

“Eta mawasa ema Viya, takuti eta tayumururewakene entierro. Te máichimawa'i mákani achane eta entierro, tiúrisamureyare'i, tási'a máimichawayare'i mayumuruka taye'e eta apake'e távi'a'i. Mawacharekayarepa eta apake'e, mawarairayare'i eta entierro.

San Mateo 13:52

Taka'e, ema Jesús máichapa: –Ena escriwánu te naimatiekene'apa eta takayemakene'i eta mawasa ema Viya Akénuka te anuma, makuti'i mákani achane tikaye'e jakani peti, maveku'apana eta makaye'ekeneana, arairu etapa eta ichasi.

San Juan 16:33

Numetaka'eware tamutu eta juka apaesa etupiaka eta iuriwaina nuye'e apaesa takuija ekuichirawaina. Tayanapane ekatajiwayare muraka te juka apake'e, étumechawasera eta nuye'e, taicha nuti máijararunu'i ema Tata eta nukapakemuri'airayare namutu ena nánarana'i.

1 Corintios 1:28

Ema Viya manerejika'i ena achaneana naepurukeneana'i namaesachakeneana taye'e te juka apake'e, mawaraira'i makaepa'a ena timijachawana títupajijiakawana.

2 Corintios 10:10

Ena naka'e'i eta náechejiriruwa'i. Wa'i ekusuapa eta majure. Tayanapane murakaina eta táechejiriruwana, émasera tájina mamúrakawa'ini. Éneichuware murakakaema eta máechejisira.

2 Corintios 13:4

Yátupi ema tísapawa'i tikaetata te crusu, tímikutijirikawaipa'i wa'i makurata'a'ini tikatiuchawa. Wá'isera mánasi'ini máepena'ini taicha eta máitupajijiasirawa'i ema Viya. Ene vika'eyare'i viti vísapayare'i, tímikutijirikawa'i wa'i vikurata'airaina'ini. Ema tijaraka'aviya eta máitupajijiasirawa, táichavene'i eta máwa'asira'avi'i ema Viya. Tasi'a nukatupara'a'i eta nujaneasira'eyare'i emutu eti.

2 Corintios 4:1

Eta taka'e, wá'ikene viyakujiekene'awaima'i eta vikametarairuira, taicha ema Viya tímecha'avi'i eta máemunaraiwa eta matuparasira'avi'i eta juka vikaemataneasirayare'i ema.

2 Corintios 5:1

Viti vikuti'i eta peti tiavi'a te juka apake'e, taicha eta, wa'i murakaina'ini eta takaepiyakasiwa'i. Jarari'isera eta vipenayare'i te anuma víkuchi'i maye'e ema Viya. Eta, nájinapa tirata'aima'i tiákipaika, taicha wa'i náepiyaruina'ini ena achaneana.

2 Corintios 6:10

Tikutimai'i eta vikatisamurewa'i ichape, viurisamurereakawa'i, vikutima'i eta páure'avi'i eta náimaira'avi'i, ichapemuriana'isera ena víjararuana'i eta nakaima'akene'i, ani, tájina víma'akenena, té'esera te apana vítaresira, tétavikawaya eta vikaima'akeneraya.

Efesios 2:5

Tíjaraka'avipa arairupa eta vítaresira táichavene'i eta viúrujiasira'i ema Cristo. Táichavene'i eta majapanuira'e'i, tikuchuku'a'eyare'i.

Efesios 3:8

Wa'i németeakawa'ini nútinasami'ini manerejika, taicha narari'i'i ena títupajijiapanawana'i eta nuye'e, tijapanunu'isera ema Viya, nútisamipa manerejiru'i, mawaraira'i numetapana'e eta máichuira'e'i eti apana eti apawasana, eta ejakapiraya eta táurikakarekene víkuchi maicha ema Cristo, tétavikawaya eta viúrikakarewayare.

Colosenses 1:27

Tétavikawa'i táramikarewa'i maicha ema Viya eta máimimatichira'avi'i eta juka tayumururewaini'i ímitukasiwa'i puiti eti apawasanana'i. Eta juka, éma'i ema Jesucristo títekapaucha'eipa'i tiáwa'aka'eipa. Puiti, ejákapakarepa me Viya. Ekunewainapa maicha ema Jesucristo eta esiapiraya te máwasa anuma.

Colosenses 2:12

Te ekaikachasipa eti maye'e ema Cristo, taka'e eti eneichuware échawapa itareka maye'e ema Cristo taichavene eta esuapira'i eta maitupajijiasirawa'i ema Viya, ema timichawa'i tikaitareka'e'i.

Colosenses 2:3

Nájina mákuti ema Cristo, ema tíjaraka'avi'i tamutu eta vítupajijiasirawana'i, véchemara'iwaka'i máicha.

1 Tesalonicenses 1:5

Taicha te vímituka'epa eta máechejiriruwa ema Viya, eti etupiruwa'i ejákapa eta vimetarairuana, taicha ema Machanewa Viya tinakasamurecha'e'i eta táuriwa'i esama eta vímitusira'e'i. Ímati'avi'i eta mawanesira'avi'i ema Viya. Íma'a'iware eta viúriwa'i eye'e.

1 Tesalonicenses 4:4

nakuchapa eta náitauchirawaina yátupina te mamira'u ema Viya, emutu eti, yátupina eta émunasiraina ena eyenanaveana,

2 Timoteo 2:20

Te mapena ema achane rícu simutuyereruwa'i makaye'e'i eta táurinakeneana'i naye'eana jarra uru, nakurujana plata. Wa'i náimipananajikaima'i. Wa'i náimikutichaima'i eta apamuriana nayereruwana yukukisiana, eta raveta, eta yuwaraki, étapa eta nakasuelana mátejisiana.