2 Corintios 4:4 - Táurinakene máechejiriruwa’i ema Viya tikaijare

⁴ Taicha ena wa'i nasuapa'ini eta maechejiriruwa ema Viya, émapasera ema tasiñaraji te juka apake'e, emapa tepaka'aukicha'i, waipasare nákaikutiara, waipaware nakuima'a eta tajaraiwa eta maechejiriruwa ema Viakenu Jesucristo.

2 Corintios 4:4 ပူးပေါင်းရင်းမြစ်များ

San Mateo 13:22

Natiari'iware ena apamuriana nakuti eta ewaraki takaewakene'i te tatarakukuji eta itapekiji, te nasamararaka eta echéjirirukawa, natupiruwane'i nasuapa, étasera eta tawayuakawaka'i eta tájiparakana, étapa eta nawaraira'i tirrikuchawana. Tamutu eta juka táemetavika'i eta nawaraira'i té'ikanuana.

San Juan 1:14

Émaichu'ineni ema Echéjirirukawa, tépiyakawapa ajaira'i, tási'ia tikachane'avipa viye'e viti, tási'a vima'a'i eta majaraiwa, majachapakene'i me Maiya, táicha makarichu'i machicha, tetavikawa'i eta yátupikenera'i maemunaraiwa'i.

San Juan 1:18

Yátupikene, nájina náimati'ini eta máima'i ema Viya, makarichukene ema Machicha, émaichu'ineni ema Viya kachanekakana'i ema Maiya, éma'i tímimaticha'avi'i ema Maiya.

San Juan 12:31

Étapa juka sacheanayare eta apake'e kayesere'inapa, tási'a ema Wínaraji kakijikasinapa taye'e te juka apake'e.

San Juan 12:35

Ema Jesús máichawakapa: –Ekamapurawa esamararakanu mapurare nutiari'icha'a eta eye'e, numikaucha'echa'a taicha ánipine eta juka ímairanuyare, apaesa wa'i ekukayutete taye'e eta timapiku.

San Juan 12:40

“Ema Viya, eta máimaira'i eta namurakasamurewana'i, taicha máipichasikawaka'i eta napanereruana, apaesa waipa nakuima'a wáipaware nakukaikutiara, apaesa waipa nakukasiñanu apaesa nuti waipa nukanaraka'ema'i.”

San Juan 12:45

Takutikene nákani tímatinuana'i nuti eta nímiturapiana, náimatipa'iware eta mapanereruana ema Tata ema tiwanekanu'i.

San Juan 14:30

Ánipine puiti eta juka néchejirisirawa'i eta eye'e, taicha áwanepaipa títekapa ema wínaraji, ema yátupi'i tákenu'i eta juka apake'e. Wá'ikenesera títa'akanuima'i nuti,

San Juan 15:24

Éneichu'iware, takuija'ini taviuchawaka'ini te wa'i nukuimereka'ini eta níchakeneana'i, marata'akene'i máicha'ini mákani apana achane. Étasera náima'aipa'i, wá'ikenesera nasuapa'ini, nanasikene tikatianakanuana'i, nakatianaka'iware ema Tata.

San Juan 16:11

mákani tijachapaya eta maikuñaraki ema Viya: émara ema wínaraji tákenumuri'i eta juka apake'e, ichapekene'i eta maviurewana.

San Juan 8:12

Te táekenepa eta juka, tépanawawarepa tímitureka ema Jesús. Máichawakapa ena achaneana: –Nútira numikaucha'e'i eti achaneana te juka apake'e, eta taka'e, nákani té'ikanuanayare, wa'i téjekapawanaima'i. Taicha eta nímiturapiana, étapa timíkauchawaka'i. Tási'a, nakatichainapa eta timapiku, waipa napauchaima'i.

Hechos 26:18

Puiti nuwanekavi pímitukawakayare eta mawanairipiana maye'e ema Viya. Nakaiju'e ema, apaesa náitujikawa náima'a eta majaraiwa, náinajikapa eta náichakeneasana te timapiku, waipa nakue'ika ema Wínaraji. Nae'ikapa ema Viya, apaesa majapanu'e eta epekaturana. Apaesa nasiapamuri'aya ena náinapureana'i manerejiruana'i.’

Hechos 26:23

émayare'i ema Cristo tínapuka eta maepenirayare'i, tási'a téchepukayare'i te máekari, te mapanakene sache. Timikaucha'aviyarepa eta majaraiwa, eta tikuchuku'awakaya ena juriyuana, tási'a énapa ena apawasana.”

1 Corintios 10:20

Nuwara'asera némecha'e, eta naye'erepiana ena nani máimatira'ana'i ema Viya, énachucha náijarakasicha'i ena éreanana eta tikutikakana'i. Wa'i émaina'ini ema Viya náijarakasicha'ini. Eta taka'e, wa'i nuwara'a ímikasiapawa eti eta naye'e, machu náimive'a'e naye'e ena éreanana.

2 Corintios 2:11

Taicha te wá'ipuka vijapanukaka'i, tíñe'ikare'i makamapurawa ema Wínaraji, taicha tímatikare'i eta mawaraira'i tímiakipaika'aviyare.

2 Corintios 2:12

Nuti te nítekapapa te awasare Tróde, nepanawainapa eta nukametarairuyare'i eta Arairu maechejiriruwa ema Cristo, enewanesera tijachapanuana'i eta nukaemataneasirayare'i ema Tata.

2 Corintios 3:11

Eta tarapepesira'i eta mamira ema Moisés, timutsera'awapaipa'i témitiaka. Eta juka táikutiara'i eta ánipichu'i eta tasuapakarewayare'i eta mawanairipiana. Étasera eta juka máichu'aira'avi ema Viya, tiápajukawa'i eta tasuapakarewa'i taicha máichekuarakireyare'i eta viúriwaya táicha.

2 Corintios 3:14

Puíticha ena nujaneanana israelítana wa'i nákaikutiara'ini eta juka. Taka'e, te naechejiku'a eta ichasikene matratune ema Viya takajukene'i eta te libro májure'i ema Moisés, wicha'a nákaikutiara'ini. Tímikutijirikawaichucha táepakucha'i eta máepakamira'i ema Moisés, tikajeraichucha eta nakaikutiarairayare'i.

2 Corintios 3:18

Taka'e, vimutu viti vé'ikana'i ema Viákenu vikuti'ipa eta espejo eta tarapepesira'i eta tajaraiwa'i eta sache, víti, yátupi'i vímereka'i eta máuriwa'i ema Viákenu, waipa vikaepakamira'ini, eta taka'e, víti puiti tiápajukawainapaipa eta vikutirayare ema Viákenu taicha tiápajukawa'i eta majaraiwa'i te visamureana. Étavene'iware eta máwa'asira'avi'i ema Machanewa Viya máijararu'i ema Viákenu.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

Gálatas 1:4

Ema Viákenu tíjarakawa'i tépena te crusu taicha mawara'a'i tikuchuku'a'aviyare taye'e eta víkuñayare'ini táichavene eta vipekaturana, makamitiasina'avi'ipa'iware eta vijamurachiraini'i eta tamaurikeneana taye'e eta juka apake'e, eta taka'e'i eta mapanereru'i ema Tata Vikaiyakene.

Efesios 2:2

kape juka ítaresira'i eti, e'ika'iware eta taye'erepiana eta apake'e, tamaurikeneana'i. Esuapa'iware eta mawara'akeneana ema wínaraji, ema mapamikawaka'i ena achaneana masuapajiraira'ana'i me Viya.

Efesios 6:12

Taicha wa'i wakanara'ini ena vikutikeneana achaneana, ena vikanarakeneana'i ena'i ena kamurikeneana majupa'ana ena tiavi'anaini te anuma ángeleanaini, enapa techana'i akenukana'i te juka apake'e.

Filipenses 2:6

eta, taka'e'i: Wa'i makasiñawa'ini eta Víyaira'i ema, Tétavikawa'isera eta mamansuwa'i ema,

Colosenses 1:15

Ema Cristo maima'i ema vima'akene'i maye'e ema Viya, emasera máima'asi'i. Emasera ema machicha Jesucristo, mainapure'i taye'e eta tainapureana takaepiyakeneana.

Colosenses 1:27

Tétavikawa'i táramikarewa'i maicha ema Viya eta máimimatichira'avi'i eta juka tayumururewaini'i ímitukasiwa'i puiti eti apawasanana'i. Eta juka, éma'i ema Jesucristo títekapaucha'eipa'i tiáwa'aka'eipa. Puiti, ejákapakarepa me Viya. Ekunewainapa maicha ema Jesucristo eta esiapiraya te máwasa anuma.

1 Timoteo 1:11

Taicha nuti nutuparakasiwa'i me Viya eta nímituresiraya eta táurinakeneana'i máechejiriruwana, eta tímikaiju'echa'aviya taye'e eta táurinakene máwasa ema Viya, tétavikawa'i eta makunachakarewa'i ema.

Tito 2:13

Tási'a, vikunewainapa eta machavirayare ema Viákenu Jesucristo, ema Makatiura'ikene'i viye'e. Eta máitesiraya mámayarepa'i eta tapachinakene majaraiwa.

Hebreo 1:3

Ema tikaye'e'i eta majaraiwa'i máijararu'i ema Maiya. Eta máukupaisira'i eta viye'e, tímimaticha'avipa eta máuriwa'i ema Maiya. Tási'a, te tamutupa eta makaepa'aira'i eta vipekaturana, tichawapa te anuma. Ánaki ema Maiya makaejakapa te maejasi'ayare te mawaure,

Hebreo 6:4

Taicha ena etaipa eta najachapa'i eta majaraiwa, nimatipa'i eta maitupajijiasirawa ema Viya, taicha ema mawa'akaipa ema Machanewa Viya,

2 Pedro 1:19

Víti vítametaka'i eta nakayemakeneana'i ena profetana, eta náechejisi'aira'i ema Viákenu. Eta náimiturapiana takuti'i eta tajaraiwa eta lámpara, tamikauchira'avi'i apaesa táuri eta vítaresirana te juka apake'e. Taka'e, étumechawa eta ekuchapirawaya eta sácheyare, márajapainapa ema yátupikene eta majaraiwa, tétavikawayarepa eta mamikauchira'eyare tamutu eta esamureana.

1 Juan 2:11

Énasera ena nákani nakaticha'i ena naparapenaveana, nanasi'ichu'i ena te timapiku, wa'i náecha'ini eta napaisirayare eta náitaresira, taicha eta timapiku wa'i táisapa'ini náimairirika'ini.

1 Juan 2:8

Puíti'ichu nuwara'a tápajukawa eta ekaikutiarairaya eta máemunasira'avi'i ema, manasi'ichu'i ema te majaraiwa ema Maiya, tási'a eti, te esuapa eta juka mawanairipi, te émunakaka, epauchainapaipa eta majaraiwa ema Viya, térajikawainapa eye'e eta timapiku.

1 Juan 5:19

Taicha vécha'i eta makachichaira'avi'i ema Viya, kamuripananasera ena machanerana'i ema wínaraji.