2 Corintios 2:3 - Táurinakene máechejiriruwa’i ema Viya tikaijare

³ Taka'e, eta táitsiwa'i eta néjirapanaira'e, nukajure'epa eta táinapuiru najure, nuwaraira'i ésamirikawayare, apaesa waipa nukatisamurewaima'i icha eti. Nuwara'a'isera núrisamure'ini ícha. Taka'e, németeaka étipa iúrisamure'iwareni ámutu eta nuye'e,

Ignaciano

³ Tacahe, eta táitsivahi eta néjira­pa­nairahe, nucaju­rehepa eta táinapuiru nucartane, nuvarairahi ésami­ri­ca­vayare apaesa vaipa nucati­sa­mu­re­vaimahi icha éti. Nuvara­ha­hisera núrisa­mu­rehini ícha. Tacahe, németeaca étiripa iúrisa­mu­re­hi­varéni ámutu eta nuyehe.

2 Corintios 2:3 ပူးပေါင်းရင်းမြစ်များ

1 Corintios 4:21

¿Taja'a tiuripana eye'e eti eta nitekapauchira'eya: eta timiyananuya etachucha nemecharepana'eyare, té'eserapuka tiuripanapuka nítekapaucha'e núrisamurewayarepa'i eta nímaira'eyare, nétserajika'enapa?

2 Corintios 1:15

Eta nupanereru'i, nuwara'a'i néjirapana'eyare'ini, tási'a te nuchawayarepaini, nápechaware néjirapana'e, api'eyare'ini eta nukurisamurechira'e;

2 Corintios 1:23

Nuti, wicha'a nítekaima'i eta ara eye'e, taicha némunaka'e'i, numawaraira'i nukarameaka'e'ini eti. Ema Viya tímatinu'i eta nutupiruwaira'i.

2 Corintios 12:11

Yátupi puiti eta néchejisiawaira'i nukatiuchirawa'i, tímikutijirikawaipa máurishinuina'ini, íchavene'isera eti. Taicha eti tatuparaka'i imereuchanuyare'eni, nukutinasiwaka'i ena nainapureana chapekeneana apústuleana. ¡Wicha'asera nakutinasima'i ena!

2 Corintios 12:21

Nupika'isera nátsiri'akare'ini nuti maye'e ema Viya ichavenena'ini eti, wicha'a étupirikawa'ini eta nuchimapira'eyare. Wa'i nuwara'a ekaiyakanu eti enerejikawana éjekapawana'i, taicha eta ánakiapaipa'i eta emáinajisiraicha'a eta ekapekaturairana. Ímiyanawaichucha eta esenamarera'e'i, étapa eta emapikaura'iwaichucha.

2 Corintios 13:10

Puiti nukajure'e, nukuchapawa'i nuti eta néjiraira'eyare, támutuipa'ini étupirika apaesa takuija'ini nukukayema. Wá'isera nukusemaini eye'e. Nuwara'asera nétumecha'e. Éta'i eta nutuparakasiwana'i me Viákenu.

2 Corintios 2:9

Eta taka'e, nukajure'i kape juka, nuwaraira'iware nukaikutiara'e te esuapayarepuka eta nuwanairipiana'i.

2 Corintios 7:12

Taka'e te nukajure'enapa eta táinapure najure'i, wa'i émaina'ini máimipanererekanu'ini ema téjekapawa'i, wá'iware émaina'ini máimipanererekanu'ini ema maiya, émaipa'i ema majarareru'i. Íchavene'i eti eta ímipanereresiranu'i te nukajure'enapa, nuwaraira'i ímereuchawayare'i eta yátupipapuka eta esuapiranuina'ini te mawa'uana ema Viya.

2 Corintios 7:16

¡Nuti apanaware, tétavikawa'iware eta núrisamurewa'i ícha eti eta esuapira'i!

2 Corintios 7:6

Émasera ema Viya, tétavikawa'i eta máetumeraiwa'i naye'e nákani tikainajiruwanaipa'i, nútiipa nétumechawaine'i maicha ema, eta nímairapa máitekapauchiranu'i ema Tito;

2 Corintios 7:8

Ichape'inéni eta táimipanereresira'e'i eta nukajure'era'i, nútiipa, ichaperine'iware eta táimipanereresiranu'i nukatisamurewa'i te nukajurepa. Némitisikapasera puiti, taicha ánipi eta táimipanereresira'e'i.

2 Corintios 8:22

Éneichuware véwatakayarewa ema apanaware vichamuri. Ema, ichapemuri'i tímereuchawa eta mawapinaira'i eta makaemataneasira'i ema Viákenu. Puiti ema, tiwapinawawarepa eta máitekapauchira'eya, taicha tikasiñawa'i eta máimatirainapa eta ewapinawa'i eta ekajiraiwa'i eti.

Gálatas 5:10

nútisera nukasiñawa'i eta me Viákenu eta mamaisapira'eyare ínajikawa. Németeaka'i wa'i ínajikaima'i eta nímiturapiana'i, émasera ema Viya técha'i eta juka náikuñayare nákani tiwara'ana'i ti'apapika'eana.

2 Tesalonicenses 3:4

Víti vikasiñawa'i eye'e eta esuapira'aviya tamutu eta vitupararu'eana'i, taicha eti é'ika'i ema Viákenu, táicha esuapaipa eta táinapureana'i vitupararu'eana'i kape juka.

Filemón 1:21

Nukajurevi'i puiti, taicha necha'iware eta wa'i tákarichuima'i pítauchaya eta juka nuyasearuviana'i. Tatiari'iyare jákani apanayare píjararuwanayare piti tási'akeneyare te pisamure.