2 Corintios 13:7 - Táurinakene máechejiriruwa’i ema Viya tikaijare

⁷ Viti, ichape eta viyujarauchira'e'i, viyaseaka'i ema Viya eta étupirisirawayare'i apaesa takuija eviurewaina maye'e. Ichape eta nuwaraira'i ícha'ini eta táurikeneana. Tayanapaneine'ipuka náepurunu'ini, nuwara'asera ímiyanawayare eti íchayare eta táurikeneana.

Ignaciano

⁷ Núti, ichape eta nuyuja­rau­chi­rahehi, nuyaseacahi ema Viya eta étupi­ri­si­ra­va­yarehi apaesa tacuija eviurevaina mayehe. Ichape eta nuvarairahi íchahini eta táuriqueneana. Tayana­pa­ne­ri­ne­hipuca náepuru­nuhini, nuvara­hasera ímiya­na­vayare éti íchayare eta táuriqueneana.

2 Corintios 13:7 ပူးပေါင်းရင်းမြစ်များ

San Mateo 6:13

Wa'i pikuisapa'avi vicha eta tamaurikeneana pikatiucha'avi maye'e ema wínaraji.’

San Juan 17:15

Wa'i nuyaseakavi eta pivirawakaina'ini te juka apake'e. Nuyaseakavi nuti eta pikatiuchirawakaina'ini maye'e ema wínaraji.

Romanos 1:28

Taichavene eta namawaraira'i naimati'ini ema Viya, taka'e ema mainajikapa naichapa eta tamaurikeneana napanereruana, apaesa naikutichawa naicha eta nawara'akeneana.

Romanos 12:17

Te tatiari'inapuka náicharaka'e eta nakatichira'e, wa'i ekuitsikawa, íchayaresera eta jákani táurikeneana'i naye'e namutu ena achaneana.

Romanos 13:13

Ímikapikauchawayare eta ítaresirana. Iúrisiyare tamutu sacheana. Wa'i ekawa'aima'i. Wá'iware ímisiapawaima'i naye'e ena tikapiestarana'i. Wá'iware tú'usi'ema'i. Wa'i tiwayuaka'éma'i eta tájiparakana. Waipa iúme'arerekaima'i, wá'iware ekapinarura'ima'i.

Romanos 16:10

Échejisinanuware ema Apeles. Yátupi'i ema eta máimeresira'i tiúri'i eta máe'isira'i ema Cristo. Échejisinanuware ena machichanaveana ema víyara'aini Aristóbulo.

1 Corintios 11:19

Páure'esami eta íputsimuriawairakaka'i. Étainapasera ekaecheraiyaya eti yátupikeneana'i machanerana'i ema Viya, énapa ena wa'i machaneranaina'ini.

2 Corintios 10:10

Ena naka'e'i eta náechejiriruwa'i. Wa'i ekusuapa eta majure. Tayanapane murakaina eta táechejiriruwana, émasera tájina mamúrakawa'ini. Éneichuware murakakaema eta máechejisira.

2 Corintios 10:18

Taicha mákani achane, te yátupi'i eta makunachakarewa'i, wa'i émajiwaima'i tikunachawa. Émayare'i ema Viya tikunachayare'i.

2 Corintios 13:6

Nuwara'asera némecha'e ímatinu'ini yátupina'ini eta máwa'asiranu'i ema Cristo, jé'eware nuti yátupikenenu'i machaneranu'i.

2 Corintios 13:8

Taicha nuti nutupiruwa'i nicha eta táurikeneana yátupikeneana. Wá'ikene nísapawaima'i nu'apapika eta yátupikeneana. Waipa ekukamesa eta nápepejirika'e numetaka'e.

2 Corintios 13:9

Ichape eta ekurisamurechira'aviyare te yátupinapa étupirikawa. Étijiwainapa erata'ayare ekaratakawa, waipa nútiparakaima'i. Puiti eta nuyasearapi nuti me Viya, tamutuyarepa tichawa eta táuriwa'i eta ítaresira.

2 Corintios 6:4

Eta taka'e, ichape eta néchapirawa'i te nímitureka. Nímerekawa'i yátupi eta mawanaranuira'i ema Viya. Ichapemuri nukamichira'i eta nukatajiwairana, étapa eta takajerawana eta nítatijirisirawa,

2 Corintios 8:21

Ema Viya tímararakanu'i eta táuriwa eta nupanereruana. Nuwara'aware tiuri eta náimaira'i ena vichamuriana.

Filipenses 4:8

Títekapa, nuparapenaveana, epanerechinawayare taye'e tamutu eta yátupikeneana, taye'e tamutu eta tipikauchakareana, taye'e tamutu eta ítauraiwaya takuija taviucha'e, taye'e tamutu eta tikatajika'eyare eta íchira'i eta táurikeneana. Epanerechayarewa taye'e tamutu eta ekurisamurechira'i ema Viya, taye'eware tamutu eta tikunachakareana. Ekasamure tamutu jákani táurikeneana apaesa tikunachakareyare tamutu eta íchakeneanaya.

1 Tesalonicenses 5:23

Tiuri puiti, máijaraka'eni ema Viya táuriwaina eta epanereruana, yátupina'ini takuija'ini ekuichirawaina eta iáwa'ásira'i ema, majaneasina'e'ini eta iáchanewana, eta iáke'eana, takuija eta etapirawaina'ini te machawapa ema Viákenu Jesucristo.

1 Timoteo 2:2

Énerichuware eyaseuchayare ena akenukana énapa ena apamuriana tuparairukana, apaesa táuri eta náechapajirisiraina eta awasareana, wá'ini vikuima'aini eta táiñe'ikeneana, víti vímiyanawa'ini viúri'ini te mamira'u ema Viya, vikapika'u'ini naye'e ena achaneana.

2 Timoteo 2:15

Yátupina tauri picha eta pikaematanera'i ema Viya. Tájinasarepa piáwamira'uima'i taicha tamutu'i tiuri eta pémataneana. Tatupiruwayare'i eta pímituresira'i eta yátupikeneana'i máechejiriruwa ema Viya.

2 Timoteo 4:18

Ene taka'eyare eta máimiyanirawayare tikatiuchanu ema Viákenu taye'e eta táiñe'ikeneana, tiámanuyare'i taye'e eta máwasa anuma. ¡Ichape eta majaraiwa'i Máichekuarakireyare'i eta vijirauchiraya ema! Amén.

Santiago 1:12

Tétavikawa eta náuriwayare nákani vichamuriana tikamichana'i tamutu eta nátajiwana'i, járajapayare eta sacheanayare eta najakapiraya eta naikuchi'i táitsiwayare'i maicha ema Viya, máijarakainapa eta táuriwayare eta náitaresirayare, taicha tikunachakareana'i, taicha maitauchayare'i eta mapanereru'i ema Viya naye'e ena témunakana'i ema.

1 Pedro 2:12

Iúri'isera eta ekachaneraicha'a ena achaneana te juka apake'e máimatira'ana'i ema Viya. Tayanapane nakatianaka'e, naechejika eta eye'e, ekuti'i ena máuritaresirana náicha'e. Ímerekayaresera eta iúriwa'i apaesa ena nakunachayare ema Viya, nawara'ainapa náe'ika ema, taicha náima'a'i eta táuriwa'i eta ítaresirana'i.