2 Corintios 13:5 - Táurinakene máechejiriruwa’i ema Viya tikaijare

⁵ Esamawayare étijiwa, te yátupi'ipuka tiúri'i eta é'isira'i ema Viákenu Jesucristo, te yátupipuka eta máwa'asira'e'i ema. Taicha ema máwa'akawaka'i namutu ena machichanaveana yátupikeneana. Machu émepururekawa eta íjarasirawa'i é'ika ema.

Ignaciano

⁵ Nuvaraha esama­vayare étijiva, te yátupi­hipuca tiúrihi eta éhisirahi ema Viáquenu Jesucristo, te yátupipuca eta mávahá­si­rahehi éma. Taicha éma mávahá­ca­vacahi namutu ena machicha­naveana yátupi­queneana. Machu émepu­ru­recava eta íjara­si­ravahi éhica éma.

2 Corintios 13:5 ပူးပေါင်းရင်းမြစ်များ

San Juan 14:23

Ema Jesús májikapapa: –Nákani témunakanuana, nasuapayare eta nuwanairipiana'i. Tási'a, ema Tata, tétavikawayare'i eta máemunasirawakaya. Tási'a, vítijapainapa viáwa'akawakayare ena.

San Juan 15:4

Eta taka'e, ímiyanawayare eta iúrujiasiranuyare nuti, takuti eta náwa'asira'e'i eti, apaesa ákuti eta tatawa tika'iriki. Taicha te viyuvetuka eta tatawa eta uwa, waipa tika'ima'i, ene eka'e'i eti, te wa'i ekuimiyanawa iúrujiakanu.

San Juan 17:23

piti piáwa'akanu'i nuti, tási'a, nuti náwa'akawaka'i ena apaesa yátupina'ini ena etanainaichuyare eta napanereruana, apaesa ena apamuriana achaneana te juka apake'e étaina'ini náimatiaraina'ini eta piwanesiranu'i, étapa eta pémunasirawaka'i takuti'i eta pémunasiranu'i nuti.

San Juan 17:26

Nuti nimimaticha'i eta pijare, nimiyanawasera eta nimimatichiraviyare, apaesa eta pemunasiranu'i nuti ena'apanaware najakapa, tási'a nuti apanaware nawa'akawaka ena.”

San Juan 6:56

Nákani tinikanayare eta neche, téranayarewa eta nítine, ena tiáwa'akanuanayare'i nuti. Tási'a nuti náwa'akawakayarewa ena.

San Juan 6:6

Eta juka mayaseresira'i étachuchaneni eta mawaraira'i ema makaikutiarayare'i te tája'apuka makayemayare'i ema Felipe. Taicha ema Jesús máecha'i eta máichakeneyare'i.

Romanos 1:28

Taichavene eta namawaraira'i naimati'ini ema Viya, taka'e ema mainajikapa naichapa eta tamaurikeneana napanereruana, apaesa naikutichawa naicha eta nawara'akeneana.

Romanos 8:10

Étisera, eta máwa'asira'eipa ema Cristo, tayanapane eta iáke'e eta táepeniraya táichavene'i eta pekatu, étasera eta iáchanewa títarekayarechucha, taicha ejákapakareipa'i me Viya.

1 Corintios 11:28

Eta taka'e, émanapachu tipanereakawanayare eta manisirayare eta pan, tási'a étapa eta maerirayare eta wasu.

1 Corintios 11:31

Té'esera vítijiwa'i vétupirika eta vítaresira'i, ema Viákenu wa'i tíkuñaka'avima'i.

1 Corintios 3:16

¿Échaichu'i eti eta máwa'asira'e'i ema Machanewa Viya, eti maye'e'i templo ema Viya?

1 Corintios 6:15

¿Échaichu'i emutu eti, eta iáke'eana maye'eipa'i ema Cristo? ¿Émaipa'i técha'e'i, etiari'iserapuka eti ímijacha táurika'ini vímikachanecha'ini eta viáke'e taye'e eta suáke'e esu esena tú'usi, wáipaine'i táurikaima'i? ¡Wa'i jakaini!

1 Corintios 6:19

¿Échaichu'iware eti eta máwa'asira'eipa ema Machanewa Viya eta te iáke'eana, taicha mawaneruichu'i ema Viya eta máwa'asira'eyare'i ema Machanewa Viya? Waipa étina'ini echa eta iáke'eana.

1 Corintios 6:2

Étijiwayare'i étupirikaka eta íchawakenewana'i. Wa'i étinayare etanuka ena masuapajiraira'ana'i, taicha járajapayare eta sácheyare tikayasesere'ianaya te emira'u eti ena masuapajiraira'ana'i. Puítisera eta íchawakenewana'i ánichichakeneana'i, eti tatuparaka étupirikaya.

1 Corintios 9:24

Échaichu'i eti, ena tijunapanaya kamuriana, tasi'asera wa'i namutu'ini naita'areka'ini emanaichu ema tita'arekaya tijachapaya eta máikuchi. Ene eka'eyare eti apanaware ejunapayare apaesa ejachapa eta ikuchi'i.

1 Corintios 9:27

Nukaratakawa'i muraka, wa'i nusuapa'ini eta tajamurachakeneana'i eta náke'e, nupamika'i eta táemitisisiraina'ini eta tamaurikeneana, machu néjekapawapapukaini, tási'a wáipapukaini nukujakapa'ini eta níkuchi'i, ichape eta nutsiri'akarewapapukaini, tavetijipa eta kamurianaira'i ena nímitureana taye'e eta vé'isira ema Cristo.

2 Corintios 6:16

Éneichuware, tiáwa'aka'avipa ema Viya, émaipa ema Vikaiyakene. Eta taka'e, wa'i táurika'ini eta vikasiapirawa'ini eta naye'e ena wa'i machaneranaina'ini ema Viya, taicha apana'i ema nasiñaraji. Taicha ani maka'e'i: “Náwa'akawakaya ena té'ikanuana'i; nuti naye'enu'i Viya taicha ena yátupikeneana'i nuchanerana'i.”

Gálatas 2:20

Eta nusuapira'i eta máepenira'i ema Cristo te crusu, nujakapakare'i me Viya, puiti, waipa nútijiwaina necha eta nítaresira'i, émapa téchanu'i ema Cristo tamutu eta nítaresira'i. Émapa nukasiña'i taicha yátupi'i eta makasiñakarewa'i taicha yátupikene'i Machicha'i ema Viya. Eta máemunasiranu'i, tímijararekawa'i níchavene'i nuti.

Gálatas 4:19

Nuchichanavechichana, tétavikawapa takatiwa nusama taicha eta ímipanereresiranu'i, tikuti'ine'i súkani esena tikatiru'apa, taicha tikati'i susama eta amuya, ene nuka'e'i nuti eta nukatisamurerawa'i, néñamirawa'i icha eti, nuwara'a ákutini ema Cristo eta máuriwa'i, tiámainukawa te níma'a'epa ekutinasipa ema eta máuriwa'i, núrisamurenapa ícha.

Gálatas 6:4

Wá'isera tákaemuñawakare wáka'e'ipukaini, nuti wá'ichu nusipekatura, núripana naye'e ena apamurirana, te viúri'ipuka, vimatinairayarechucha, víti véchinawa'i eta viúriwa'i eta vítaresira'i.

Efesios 3:17

nuyaseakaware yátupina eta ekasiñairaya ema Cristo, yátupinaware eta é'isiraina eta máimiturapiana. Túme'eyare eta émunaraiwa'i. Tájina ti'apapika'eima'i eta é'isira'i.

Colosenses 1:23

Taka'e, nuwara'a étumechawayarechucha, ímiyanawa táuri eta é'isira'i. Wa'i ekuyakujiekene'awa eta ekuchapira'i eta iúchukuiraya. Wa'i ekuemepurureka eta esuapiraipa'i eta máechejiriruwa ema Viya. Tétavikawa'i tasuapakarewa'i naye'e namutu ena achaneana te juka apake'e. Núti'ipa nuti Pablo wanairukakenenu'i, étaichu'iware taka'e'i eta nukametarairuira'i.

Colosenses 1:27

Tétavikawa'i táramikarewa'i maicha ema Viya eta máimimatichira'avi'i eta juka tayumururewaini'i ímitukasiwa'i puiti eti apawasanana'i. Eta juka, éma'i ema Jesucristo títekapaucha'eipa'i tiáwa'aka'eipa. Puiti, ejákapakarepa me Viya. Ekunewainapa maicha ema Jesucristo eta esiapiraya te máwasa anuma.

Colosenses 2:19

Ena wa'i naurujika'ini ema Cristo, ema techa'i eta tajurusirayare'i eta nake'eana eta maenisirayare etapa eta makurujisirayare eta apánapanenejiana nake'eana emasera techa'i eta mapanereru'i.

Colosenses 2:7

etupi'ayare muraka maye'e ema Cristo, apaesa tápajukawapaipa eta ekasiñawaira me Viya, yatupina esuapa eta naimitusira'ae'i, wa'iware ekukainajiruwa eta e'asulupayachiraya ema Viya.

1 Timoteo 2:15

Tási'a, tikatajiwainapa eta suínasirana, puíticha tanasi'i naye'e ena esenana, tiúchuku'anayaresera, te náimiyanawa náe'ika ema Jesús, étapa eta náemunasiraina ena vichamuriana, takuijaware natapirawaina te mamira'u ema Viya, táuri'ini eta napanereruana.

2 Timoteo 3:8

Takuti'i akane ena iápemareana ema Janes émapa ema Jambrés tiákapaemachana'i ema víyara'aini Moiséini, tímatikareana'isera eta namaimatira'i eta yátupikeneana. Ena achaneana mauripanereruana taicha wa'i nawara'a'i nakasiñawa'ini me Viya.

Tito 1:13

Yátupi taka'e'i eta náitaresira'i, eta taka'e, pinekapaicha muraka ena vichamuriana, apaesa waipa nakuakipaikawa taye'e eta tájiparakana, tauri eta nakasiñawaira me Viya

Tito 1:16

Ena timijachawana'i naimati ema Viya, tímatikareana'isera eta namáe'isira'i ema Viya, taicha náichaichucha eta tamaurikeneana tíñema'iana, émasera ema Viya makaticha tamutu eta juka náichakeneana táiñema'ikeneana, ena nani, masuapajiraira'ana'i eta maye'e, tájinasera wa'i náituruekene'aima'i ena nani náicha'ini eta táurikeneana.

Tito 2:2

Ena tikawakureanayare naye'e ena vichamuriana takamunu'i yatupina naitaucha eta nawakureana, tawara'aware nakaratakawa yatupina taye'e eta najamuraiwana, tauri eta napanereruina eta naichirayare eta nawara'akeneana. Taurina eta nakasiñawairaina me Viya, eta naemunaraiwaina etapa eta narata'airayare eta nakatajiwairayare.

Hebreo 12:15

Ejaneakawaicha yátupina. Wa'i ekuimipananajikawa eta esemirana. Machu tapareakawaka ena echamuriana eta ewínarajiwana, takuti jákani sukureka máurira'ana, tapareakayare eta apana sukureka táurinakene'i, táimikapakapa.

Hebreo 4:1

Taka'e puiti, vikasiñawayare me Viya apaesa vítujikawa vinaraka maye'e. Tikamunukare'isera eta ejaneasirawayare muraka machu émepururekawa eti, tijurikati wa'i ekuitujikawa esiapa.

Hebreo 6:8

Jarari'iware eta apana apake'e, tájina tasukukureruwaina, itapepairechucha, ejareware, ema Viya máijarakayare'i eta táikuñayare, tíjuinapa te yuku táikuchi'i.

Santiago 4:4

¡Tétavikawapa eta emaetupisirawa'i eti achaneana! ¿Wa'i echa eti, eta vikajiriarera eta tamauirikeneana te juka apake'e, timikutijiriwa'i vikatianaka'ini ema Viya? Namutu nákani naicha eta tamaurikeneana nakatianakayare ema Viya.

1 Pedro 5:9

Eta taka'e, túme'ena ekanarairayare ema, machu mákipaika'e. Ákasiñawa muraka maye'e ema Viákenu. Wa'i ákarichu'ini eta ekatajiwaira'i. Túme'ena'i eta ekamichira, ekutiyare eta nakamichira'i ena vichamuriana tikawasana'i te tamutu awasareana.

Apocalipsis 2:5

Taitusiawa puiti nuwara'a, tachawa eta pémunaraiwa'i. Péñauchawa tatiwaina, apaesa píchaware eta táurikeneana takuti eta akane. Te wa'i pikuetupirikawa, nútijakaruwayare níteka, nítsiwachayare eta kandeleru íkutiara'i eye'e.