2 Corintios 13:4 - Táurinakene máechejiriruwa’i ema Viya tikaijare

⁴ Yátupi ema tísapawa'i tikaetata te crusu, tímikutijirikawaipa'i wa'i makurata'a'ini tikatiuchawa. Wá'isera mánasi'ini máepena'ini taicha eta máitupajijiasirawa'i ema Viya. Ene vika'eyare'i viti vísapayare'i, tímikutijirikawa'i wa'i vikurata'airaina'ini. Ema tijaraka'aviya eta máitupajijiasirawa, táichavene'i eta máwa'asira'avi'i ema Viya. Tasi'a nukatupara'a'i eta nujaneasira'eyare'i emutu eti.

Ignaciano

⁴ Yátupi éma tísapavahi ticaetata, tímicu­ti­ji­ri­ca­vaipahi vahi macura­ta­hahini ticatiuchava. Váhisera mánasihini máepenahini, tichavahi títareca puiti taicha eta máitupa­ji­jia­si­ravahi ema Viya. Ene nucahehi núti nísapa­yarehi, tímicu­ti­ji­ri­cavahi vahi nucura­ta­hai­rai­nahini. Ímaha­nu­ya­resera eta máijara­si­ranuhi eta máitupa­ji­jia­sirava táichavenehi eta mávahá­si­ranuhi eta nétupi­ri­ca­he­yarehi taicha nucatu­pa­rahahi eta nujanea­si­ra­he­yarehi emutu éti.

2 Corintios 13:4 ပူးပေါင်းရင်းမြစ်များ

San Juan 10:18

Nájinaneni napamikanu'ini eta nísapirawaya tikapakanuana. Níjararuwa'i nuti eta nakapasiranuya. Taicha nutupara'aichu'i me Tata nuti néchinawayare'i.”

Hechos 2:36

“Tiuri puiti, emutu eti nujaneanana israelítana, nuwara'a ímatiyare ema Jesús émetataru'i, émaira'iware ema Cristo.”

Hechos 3:16

Puiti, ímararaka'i eta manarasira'i ema maka masarini. Eta juka eta tímikaecheracha'i eta machavira'i títareka ema Jesús. Taicha éma'i tíjaraka'avi'i eta vítupajijiasirawa'i eta vikanarasira'i ema maka achane, táichavene'i eta vikasiñaira'i ema.

Romanos 1:4

Émasera ema Machanewa Viya, maimikacherachapa eta émaira'i Machicha ema Viya eta maitupajijiasirawa'i, etapa eta maechepusirayare'e te maekari.

Romanos 14:9

Eta taka'e máepenina'avi'i ema Cristo, tási'a tiapechawawarepa títareka'i, apaesa émainapa Viákenuya viti vítareruanaicha'a, tási'a énapa ena náepenakeneanaipa.

Romanos 6:4

Eta vikaikachasiraipa te une, tímikutijirikawa'i vikaekarasi'i, vikachanepa ema Cristo eta máepenira'i. Éneichuware eta viúchusira'i te une, vikutipa ema eta máechepusira'i te máekari. Tási'a puiti, arairupa eta vítaresira'i, ichape eta máitupajijiasirawa'i te makaechepukapa ema Machicha.

1 Corintios 1:25

Tayanapaneinesera te súnsurupi'ipuka nasama ena achaneana eta vimetarairuana, étasera tiápajukawa'i tiúripana'i taye'e eta náitukakeneana'i ena. Tayanapaneware náimijacha'i mamarata'airaina'i ema Viya, éma'isera túmepana'i naye'e namutu ena.

1 Corintios 15:43

Tikaekarasiyare'i eta viáke'e, taicha tikajachakarepu'apa eta véche. Téchepukayare'isera eta tapachinakeneyare viáke'eyare, tikaekarasiyare'i eta viáke'e, matumeraira'a'i, téchepukayare'isera eta viáke'e, tétavikawainapa eta tatumewayare.

1 Corintios 2:3

Te nukachakaya'epa eye'e eti, ichape eta tayayakarewa'i eta nake'e, wa'i nítupajiji'a'ini eta nusamirawa'i. Nupíkakarakawa'i,

1 Corintios 6:14

Ema Viya makaechepuka'i ema Viákenu Jesús te máekari, ene vika'eyare víti eta makaechepusira'aviyare víti apanawa, taicha tétavikawa'i eta máitupajijiasirawa'i.

2 Corintios 10:10

Ena naka'e'i eta náechejiriruwa'i. Wa'i ekusuapa eta majure. Tayanapane murakaina eta táechejiriruwana, émasera tájina mamúrakawa'ini. Éneichuware murakakaema eta máechejisira.

2 Corintios 12:10

Tási'a, nuwapinawa'i puiti eta napanajisiranu'i, nukatajiwaira'i náicha, náume'airanu'iware táichavene'i eta mawanarairanu'i ema Cristo, nuwapinawa'iware eta numaitupajijiasirawa'i étapa eta néchuriasirana, taicha eta nímairawa'i tamajinaira'i nítupajijiasirawaina'ini, nútisera nusamawa'i eta nutumewapaipaicha maicha ema Viákenu.

2 Corintios 13:9

Ichape eta ekurisamurechira'aviyare te yátupinapa étupirikawa. Étijiwainapa erata'ayare ekaratakawa, waipa nútiparakaima'i. Puiti eta nuyasearapi nuti me Viya, tamutuyarepa tichawa eta táuriwa'i eta ítaresira.

Filipenses 3:10

Nuwara'a'i nuti tajurukachucha eta nímatirayare'i ema Cristo. Nuwara'aware nukapayayaraka'iwareni eta makatajiwaira'i. Étapa eta népenira, nuwara'aware táurichawakayare ena nuchamuriana, tákuti'ini eta táurichira'avi'i eta máepenira'i ema Jesús,

Hebreo 5:7

Taka'e, ema Cristo, te matiari'icha'a ani te juka apake'e, tiyaseuchawa'i te mayujarasirana eta me Maiya. Muraka eta máumitira'i, máiya'aira'iware. Wa'i mákuemitisika'ini ema Maiya eta makaechepusirayare'i te máekari. Jé'esare, tisamakare'i te mayujarasirana, táichavene'i eta mawaraira'i máitaucha tamutu eta mapanereruana ema Maiya.

1 Pedro 3:18

Taicha ema Cristo, éta'eichu'i vímikapaka'i, táichavene'i eta vipekaturana. Ema, tétavikawa eta máuriwa, matapiraware'iware. Tíjarakawa'isera tikatajiwaya víchavene'i víti wínarajikeneana, mawaraira'i tiáma'avi me Viya. Tépena'i eta máke'e, étasera eta máchanewa tímiyanawaichucha títareka.

1 Pedro 3:22

Puiti ema, tiyanaipa'i te anuma; téjakaipa te mawaure ema Maiya. Tétavikawa'i eta masuapakarewa'i naye'e namutu ena maye'eana ángeleana. Énapa ena wínarajiana, nasuapa'iware.