2 Corintios 11:6 - Táurinakene máechejiriruwa’i ema Viya tikaijare

⁶ Tayanapanepuka táepurukare'i naye'e eta néchejisira, étasera eta nítupajijiasirawa, tamutu'i nímatiekene'a. Ímatinu'i eti taye'e tamutu jákani nímitusira'eana níchakeneana'i.

Ignaciano

⁶ Tayana­pa­nepuca táepuru­carehi nayehe eta néchaji­si­rasami, étasera eta nítupa­ji­jia­sirava, tamutuhi nímatie­queneha. Ímatinuhi éti tayehe tamutu jácani nímitu­si­raheana níchaque­neanahi.

2 Corintios 11:6 ပူးပေါင်းရင်းမြစ်များ

1 Corintios 1:17

Ema Viákenu Jesucristo tituparakanu'i nukametarairuyare eta viúchukuirayare máicha, wá'ira étaina'ini mawanekanu'ini níkachasirika'ini, taka'e, tatupiruwa'i eta nukametarairuira'i, wá'isera nuwayuyujikaima'i nútinapapukaini nápajukawa'ini eta nusuapakarewa, tásapi'apapukaini wa'i takusuapakare'ini eta máepenira'i ema Cristo te crusu.

1 Corintios 1:21

Tamutusera eta mapanereruana'i ema Viya, tétavikawa'i eta tapachinawawaka'i. Narari'i ena tisuapanapa'i eta maechejiriruwa. Tayanapane ena apamuriana náimijacha'i súnsurupiana'i eta maechejiriruwa. Ena nani achaneana, tamapuruji eta náechemaraiwana'i, taicha wa'i táimimatichawaka'ini me Viya.

1 Corintios 12:8

Narari'i ena máimikatakawaka ema Machanewa Viya eta náitusiraya téchejikana, náimituresiraya. Ena apamuriana máijarakawakaware máejerareyare eta nakaikutiarairaya eta mapanereruana. Émanaichu'isera ema Machanewa Viya tíjaraka'i eta juka.

1 Corintios 2:13

Eta taka'e, eta juka vímiturapiana'i tási'akeneana'i maye'e ema Machanewa Viya. Wa'i tási'akenena'ini te vipanereruana. Táitusiawa, ena vímitureana'i natupiruwa'i najakapa taicha máwa'aruana'i ema Machanewa Viya.

2 Corintios 10:10

Ena naka'e'i eta náechejiriruwa'i. Wa'i ekusuapa eta majure. Tayanapane murakaina eta táechejiriruwana, émasera tájina mamúrakawa'ini. Éneichuware murakakaema eta máechejisira.

2 Corintios 12:12

Tayanapane kamuri eta nukatiru'awana, nukamicha'isera tamutu. Nímecha'eipa'ineni eta tiáramikareana níchakeneana'i, maicha ema Viya. Eta tímikaecherachanu'i eta yátupikenenuira'i apústulenu.

2 Corintios 4:2

Víti, tájina vímatiya'ini viyumurujirika'ini eta víchakeneana, wá'isera vícha'ini eta titsiri'akareana, wá'isera viútserurupina'ipukaini vi'apapika'ipukaini eta máimiturapiana ema Viya, taicha viwara'a vikurisamurechaya ema, tamutu'i véchejisi'a'i eta yátupikeneana. Jé'esare, viwara'a nakaikutiara'ini ena achaneana eta vímiturapiana'i tási'akeneana'i me Viya.

2 Corintios 5:11

Vitisera, ichape eta vipikauchira'i ema Viya, eta taka'e, vímiyanawa vikametarairu naye'e ena achaneana eta maye'e, taicha viwara'a'i námutu'ini napikaucha'iwareni ema. Émasera, tétavikawa'i eta máimatira'avi'i táuriwa'i eta vipanereruana eta vikaemataneasira'i ema. Puiti viwara'a écha'iwareni eti apanawa eta táuriwa'i eta vipanereruana.

2 Corintios 6:6

Kapacha eti ímati'avi'i yátupi'i eta táuriwa'i eta vítaresira. Ímati'iware eta vikaimitukasi'i maye'e ema Machanewa Viya. Yátupikene'i eta némunaraiwa'i,

2 Corintios 7:2

¡Viparapenaveana, viwara'a ímiyanawa'ini esuapa'avi'ni! Taicha nájina'i te etaraku eti nakatajiwa'ini náinajikawa'ini vichavenéna'ini viti. Nájinaware vikaetemakenéna'ini, vimipananájikawaka'ipukaini.

Efesios 3:4

Eta échejikuirayare eta juka najure'i, échainapa eta nimatiekene'aira'i eta tayumururewaini'i mapanereru'i ema Viya maye'e ema Viakenu Jesucristo,