2 Corintios 11:3 - Táurinakene máechejiriruwa’i ema Viya tikaijare

³ Eta néñamirawa'i eye'e, nuwara'a'i ekuija'ini iákipaikawa, ekukamitiekene'a'ini eta táuriwa'i eta é'isira'i ema Cristo. Wa'i ekukuti eta suákipaisirawa'i esu Eva, maicha ema Wínaraji.

Ignaciano

³ Eta néñami­ravahi eyehe, nuvarahahi ecuijahini iáquipaicava, ecuca­mi­tie­que­ne­hahini eta táurivahi eta éhisirahi ema Cristo. Vahi ecucuti eta suáquipai­si­ravahi esu vénarahaini Eva, maicha ema Váinaraji Satanás.

2 Corintios 11:3 ပူးပေါင်းရင်းမြစ်များ

San Mateo 24:24

Taicha titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

San Juan 8:44

Ema tikachicha'e eti, ema Wínaraji; ema técha'e'i, taicha ewara'a'i íchayare eta máichakeneana ema. Taicha ema, tikapa'i eta máitaresira'i te tépanawainapa. Étachucha maurika tiwayuarereka. Ema, naiya'i ena tépiya'ira'iana.

Romanos 12:8

nákani náituruekene'a'i eta náetumechiraya nákani apana, wá'iware nayakujima'i, nákani tíjarakasírekana'i eta náima'akeneana, tátupiruwayare'i te nasamure eta nakajira'i ena tikamunuwana'i, nákani katupara'ana'i téchapajirikara'ianayare, tiwapinawanayare eta náitauchira'i eta natuparakasiwa'i, nákani tímikatakana'i ena tijapanukareana'i, tiúrisamureanaya eta náimikataresira'i.

2 Corintios 1:12

Visamawa'isera viti eta vikunachirawa'i eta tájinaira'i víchirawaina'ini, wá'iware apipiema'avina'ini. Santuru'a'avi'ipa te nataraku namutu ena achaneana, evetijipa eti. Éma'isera ema Viya tímikataka'avi'i táuri'i eta vítaresira'i táichavene'i eta máemunasira'avi'i, wa'i vítijiriruwaina'ini eta vítupajijiasirawana'i.

2 Corintios 11:20

ekamicha'iware tamutu eta napamisira'e ítaucha eta tivitakareana wanairipiana. Tiverejika'eana'i eta ekaye'ekeneana. Tasapi'apa eti ekamicha'i tamutu eta juka.

2 Corintios 11:29

Te etiari'ipuka eti wa'i túme'ena'ini eta é'isira'i ema Viákenu, ichapeine'i eta néñamirawa'i nuti. Takutikene te etiari'ipuka eti náimiakipairu'e'i, tétavikawa'i eta nutsirira'iware, nusemasamureware.

2 Corintios 2:17

Virata'asera vítaucha eta vitupara'a'i, taicha víti, eta vikametarairuira, tájina wa'i vikawacharapi eta máechejiriruwa ema Viya, vétupiripikapa'ipukaini, viwarairaina'ini tajamurachakare'ini, tákuti'ini eta náichira ena apamuriana tímijachawana'i yátupikeneana mawaneruana ema Viya. Vítisera yatupikene'avi'i mawanara'avi'i ema Viya; vitupiruwa'i eta vikametarairuira eta máimiturapi ema Cristo.

2 Corintios 4:2

Víti, tájina vímatiya'ini viyumurujirika'ini eta víchakeneana, wá'isera vícha'ini eta titsiri'akareana, wá'isera viútserurupina'ipukaini vi'apapika'ipukaini eta máimiturapiana ema Viya, taicha viwara'a vikurisamurechaya ema, tamutu'i véchejisi'a'i eta yátupikeneana. Jé'esare, viwara'a nakaikutiara'ini ena achaneana eta vímiturapiana'i tási'akeneana'i me Viya.

Gálatas 1:6

Ichaperine'i eta ímipanereresiranu'i, vuicha németeaka ene áka'e'ini eti e'ika'ini eta apanakene doctrina, tasapi'apa esuapa'i eta juka, waipa émaina'ini esuapa ema Viya. Émepururekapa eta máichuira'e'i, tasapi'a émepururekapa eta máepenina'e'i ema Jesucristo eta máemunasira'e'i.

Gálatas 2:4

Natiari'isera te viye'e viti ena maejiakawara'ana timijachawana vichamuriana'i, tiyumurukawana'i eta nasiapamurira'avi'i, enasera etachucha nawara'a'i na'apapikayare'i eta viuriwa'i maye'e ema viákenu Jesucristo, nawara'a'i timichawa'aviana vicha'ini eta naye'erepiana.

Gálatas 3:1

¡Páure'echapukaini, eti nuparapenaveana gálatanas! ¿Naja'asika ena tinaka'eana'i? Eta vikametarairuira'i vimikacherachina'e'i apaesa eti ákaikutiara'ini eta taichararakawa'i eta maepenira'i makaetataira'i te crusu ema Viákenu Jesucristo.

Gálatas 4:11

¡Ichape eta néñamirawa'i eye'e tájurikati támapurujipa'i eta juka nímitusira'e'i!

Efesios 4:14

Mawara'a'iware vimutuyare vímatiekene'a, waipa wákutima'i ena amuyana, témunanasirikawanaicha'a ena, tísapajirikawanaicha'a nawayuaka taye'e eta apana náimiturapiana ena títuruekene'ana tiwayuarekana, napamisirawaka'i namutu náe'ika eta tamaurikeneana.

Efesios 4:22

Tási'a puiti, waipa ekuesacha echáwaucha eta ítaresiraini'i akane echipejirikawa'i taicha tiwayuaka'e eta ejamurachira'i eta tamaurikeneana.

Efesios 6:24

nuyaseucha'eware táetaviucha'ini eta iúrikakarewaya emutu eti yátupi'i eta émunasira'i ema Viákenu Jesucristo.

Colosenses 2:18

Eta taka'e, wa'i ekusuapa ena nákani nawara'a típikarareka'eana, te náicha'epuka, wa'i tiuri eta juka é'iru'i, wá'isera ekusuapawaka, te tikamesajirika'eana'ipuka éstakawa, étapa eta ejirauchirainaji ena ángeleana, timijachawana'i tiuriana, tímijachawanapa máechejikawaka ema Viya, naepiya'iraiwachuchasera, etachucha napanerecha eta nakasiñawawaisira, etapa eta tamaurikeneana.

Colosenses 2:4

Eta taka'e, nutuparaka'echa, wa'i ekuisapawa na'apapika'e ena tiyurura'iana.

Colosenses 2:8

Échapawayaresera: taicha narari'i ena nawara'ayare tiyuruka'eana, nawarairaya é'ika eta napanereruana, etapa eta naimiturapiana namaurikeneana, taicha ena wa'i nakasiña'ini ema Cristo, etachucha nae'ika eta naye'erepiana ena achaneana, enapa ena machanera ema techa'i eta juka apake'e.

1 Tesalonicenses 3:5

Eta taka'e, tétavikawa'i eta néñamirawa'i nuti eta eye'e, waipa núrisamure'ini íchavene'i eti, taka'e, nuwanekapa ema Timoteo máima'apaná'e te enasirichu'ipuka eta é'isira'i ema Jesús, taicha nímikauyaya'e'i mákipaika'e'ini ema wínaraji, támapuruji'ini eta vikaemataneasiráipa ema Viya.

1 Timoteo 1:3

Péchaipa'i eta juka numetaruvi'i, te nuyanayarepa taye'e te tinapaika eta Macedonia, eta nutuparasiravi'i pinasiyare'i taye'e eta awasare Éfeso. Wicha'a pijunijikaima'i taicha pímatirípa'i píti ena nani nawara'a'i ti'apapikana eta vímiturapiana. Wa'i pikuisapawaka

1 Timoteo 2:14

wá'isera émaina'ini ema Adán máinapuka'ini mákipaikawa'ini, ésu'i esu esena, tísapawa'i mawayuaka ema wínaraji, eta suísapirawa'i, namutupa tiákipaikawanapa taye'e eta pekatu.

2 Timoteo 3:13

Énerichuware, ena achaneana wínarajikeneana tiápajukawainapa eta nawínarajiwanaya, éneichuware ena tikaetemara'iana, tiápajukawainapa eta nakaetemaraiwaya, énajikakainapa tikaetemakakanayare.

Tito 1:10

Taicha narari'i kamuriana ena titupiara'iana, náetaviucha eta namaechejikasiwana, tiwayuara'iana taye'e eta naimiturapiana susurupiana, nawayuakawaka'i ena apamuriana achaneana.

Hebreo 13:9

Wa'i ekuisapawa ekue'ika eta jákani apánapanenejikeneana náimiturapiana. Tiúripana étumechayare eta esamureana, táichavene'i yátupikene eta máemunasira'avi'i ema Viya. Étapasera eta naye'erepiana taye'e eta tinikakareana, wa'i étaparakaina, taicha tájinachucha táimikatakawaka'ini ena tikaye'erepiana'i.

2 Pedro 3:17

Eta taka'e, némunarukeneana nuparapenaveana, wa'i takumapuruji eta ímatiekene'aira'i eta juka, machu na'apapika'e eta epanereruana ena tiwayuara'iana. Máchuware náiminajika'e eta é'isira'i ema Viya.

2 Pedro 3:3

Tínapukayare nuwara'a némecha'eyare eta juka: Te jena sache táne'ipa eta táitavirayare, tímerekawainapa ena achaneana tikaeka'ira'iana taye'e eta juka yátupikeneana vikuchapakeneana'i víti, eta náitaresira'i ena, apanachucha eta ti'apapirikawaka'i eta náichira'i eta tamaurikeneana najamurachakeneana'i

1 Juan 2:18

Nuchichanavechichana, puiti tiáne'inapa eta táichekuiraya, títawainapa tamutu. Vimetaka'eipa eta máitesirayare ema anticristo, puítipa narari'ipa ena anticristuana. Eta taka'e véchainapa eta tiáne'inapa eta táichekuiraya tamutu.

1 Juan 4:1

Némunakasareana nuparapenaveana, ekuneuchawa naye'e ena tépiyakawana tikametarairuana. Taicha puiti narari'i ena, wa'i mawaneruanaina ema Viya, wá'iware máwa'aruanaina ema Machanewa Viya, tási'a, te náitekapaucha'epuka ena náwara'a tímituka'eana, eti eyaseresinawaya te yátupipuka wanairukana me Viya, esamayare te étaichupuka eta vímiturapiana'i víti.

San Judas 1:4

Neñamawa'i taicha natiari'i ena tiwayuara'iana eye'e eti, ena naka'e'i ema Jesucristo wa'i mákarichu'ini viákenuina'ini, wa'i wikusuapa. Taicha naemeña'a'i eta maemunasira'avi ema Viya, naimijachapa wa'i tikuñaka'avima'i eta vichira eta tamaurikeneana, taicha eta titukakare ani taka'e, namutu ena achaneana kaikuñawakaya ena masuapajiraira'ana.

Apocalipsis 12:15

Tási'a, eta Serpiente tá'ikapa eta une te tajaka, tawaraira'i tíja'uchawa tatiari'i eta kajakure apaesa suérika'ini esu esena.

Apocalipsis 12:9

taka'e, tikakijianapa te juka apake'e eta ichape kichare, eta tikaetema'i esu suinapure esena Eva, émapa ema nákenumuri'i tikaijare Ereana Wínaraji, ema tikaetema'i namutu achaneana te juka apake'e. Namutu tikakijiana ema, enapa ena machanerana, te juka apake'e.

Apocalipsis 20:2

Taka'e, ema ángele makaratakapa eta táiñe'ikene ichape kichare, eta tikaetemarereka'i akane, émaichu'i ema Wínaraji tási'a émapa ema Ereana, tási'a, maitiakapa taye'e eta ichapepi cadena, mil añuyare eta makaiti'airayare'i.