2 Corintios 10:1 - Táurinakene máechejiriruwa’i ema Viya tikaijare

¹ Nuti Pablo, nuyaseaka'e eta ímatiranuína eta némunasira'e'i. Nukuti'i eta máemunaraiwa'i ema Cristo. Etiari'ipuka eti ímijacha'i népiyakawa'i nuri te emira'u; tási'a, te nuyere'i'eware, tétavikawa'iji eta nuwínarajiwa'i mapikauraira'anu'iji.

Ignaciano

¹ Nuti Pablo, yátupi­que­nénuhi eta apóstolenuira. Puiti nuyaseacahe eta ímati­ranuína eta némuna­si­rahehi. Nucutihi eta máemuna­raivahi ema Cristo étapa eta majapa­nu­raivahi. Etiari­hipuca eti ímijachahi népiya­cavahi núri te emirahu; tásiha, te nuyere­hi­hevare, tétavi­ca­vahíji eta nuvaina­ra­jivahi mapicau­rai­ra­ha­nuhíji.

2 Corintios 10:1 ပူးပေါင်းရင်းမြစ်များ

San Mateo 11:29

Ísapawa nunakasika'e eta nuye'e yubu, tási'a ekarawa'u nuye'e, taicha núti mánsunu, tétavikawa eta núriwa eta nusamure. Eta taka'e ejachapayare eta enarasirayare.

San Mateo 21:5

“Emétakawaka ena achaneana tikawasana'i te jena awasare Jerusalén: ‘Apaesa natsekawa eta najakapirayare ema naye'eyare Rey. Tétavikawa'i eta mamansuwapa'i, tikaperayare eta burru, tachicha eta burra.’ ”

Hechos 8:32

Eta máechejikurepa'i ema achane, ani taka'e'i: “Takutipa eta uvesa eta námira'i te matadero, takuti'i eta chikeru wa'i taituka katiuchawa te namira'u ena tiamanapa'i, ema wa'i maéchejiuchawa'ini, timatinaichucha

Romanos 10:20

Tasi'a jarari'iware eta máechejiriruwa'i, ema Isaías, ani maka'e'i: Tichimawanuana'i ena, wa'ineni napanerecha'ini natanukanu'ini; “nímerekawaipa naye'e ena nani wá'ikene'i náesenikanu'ini, wá'iware nakayasesereru'ini.”

Romanos 12:1

Taka'e, nuparapenaveana, nuwara'a ákaikutiara yátupina eta majapanuira'e'i ema Viya. Eta táetaviuchira'i eta majapanuira'e'i, ekatupara'a'i íjarakawa yátupina eta iáke'eana étapa eta iáchanewana eta é'isiraina émainachucha ema Jesucristo, takuti'i eta iámawa'u'i me Viya, jé'esare, tétavikawaya eta ekurisamurechiraya ema taye'e tamutu eta ekaemataneasirana ema.

Romanos 15:15

Nukasiña'e'iware eye'e puiti juka eta níjarasirawa nukajure'e eta juka nukartane étapa eta juka táechejisi'akeneana'i, apaesa wa'i ekuemitisika, taicha nutupara'a'i me Viya eta nujaneasira'eya eti apawasana.

1 Corintios 2:3

Te nukachakaya'epa eye'e eti, ichape eta tayayakarewa'i eta nake'e, wa'i nítupajiji'a'ini eta nusamirawa'i. Nupíkakarakawa'i,

1 Corintios 4:10

Viti, eta vikaemataneasira'i ema Cristo, tisunsucha'aviana'i ena achaneana, étisera étaviuchaipa'iji eta ítupajijiasirawa'i taye'e eta títukakareana maye'e ema Cristo, takutikene náimijacha'iware matumeraira'avisami. Eti, tétavikawaipaji eta etúmewawaka'i, tipikaucha'eanaipáji ena achaneana. Vítisami tájinapa vipikauchakarewaina'ini.

1 Corintios 4:21

¿Taja'a tiuripana eye'e eti eta nitekapauchira'eya: eta timiyananuya etachucha nemecharepana'eyare, té'eserapuka tiuripanapuka nítekapaucha'e núrisamurewayarepa'i eta nímaira'eyare, nétserajika'enapa?

2 Corintios 10:10

Ena naka'e'i eta náechejiriruwa'i. Wa'i ekusuapa eta majure. Tayanapane murakaina eta táechejiriruwana, émasera tájina mamúrakawa'ini. Éneichuware murakakaema eta máechejisira.

2 Corintios 10:2

Puiti nutuparaka'e, étupirisamurechawaipa'ini te tamira'u eta nítekapauchira'eya, apaesa wa'i takuitauchawa eta nukusemiraina. Ena nani náimijacha'i nukuti'i mákani achanetataji, étachucha nutanuka eta nuwara'akene'i. Nukamatinakawakayasera te nítekapaucha'epa.

2 Corintios 10:7

Eti ímijachaipapuka tájinakenenu'i nítupajijiasirawaina'ini, eta ímairanu'i. Németeakaware natiari'i ena tikunachawana'i machanerana'i ema Cristo. Nuwara'asera náimatinu'ini eta machanerairanu'i nuti apanawa.

2 Corintios 11:21

Tétavikawa'i eta nutsiri'a'i náka'e'ini. Te ímijacha'ipuka tiúri'i tamutu eta juka náichira'e'i. Ena nani tikunachawana'i eta náuriwa'i. Nuti apanawa núri'a eta nukunachirawayare'i, tayanapane ímijachanupuka máurishinu'i.

2 Corintios 11:30

Té'esera tatiari'ipuka eta nakunachirawa'i, nuti apanaware nukunachawaware. Étasera numaitupajijiasirawa'i.

2 Corintios 12:5

Étapapukaini nukunachirawa'ini taye'e eta níma'akene'i nusamakene'iware, taicha tímimatichanu'i ema Viya, wá'isera nukunachawaima'i taye'e, nuti nukunachawa'i taye'e eta numáitupajijiasirawa'i, étachucha nukasiñawaiya'i taye'e.

2 Corintios 3:12

Étavene'i eta vikasiñawaira'i víma'ayare eta juka sache vikuchapakene'i, viti matupararuana vétumechawa'i eta vikametarairuirana.

2 Corintios 5:20

Taka'e, víti mawaneru'avi'i ema Cristo víchu'awakayare'i namutu. Tímikutijirikawaipa émakenena'ini máechejikawaka'ini ema Viya. Puiti viyaseakawaka'i namutu nakasiñawa maye'e ema Jesucristo; wáipaware tipikakarakawanaima'i eta náikuñaya'ini.

2 Corintios 6:1

Tási'a, viti mawanara'avi'i ema Viya, viyaseaka'eyare ímiyanawa tauri eta é'isira'i ema. Wa'i ekuemepurureka eta máemunasira'e'i, majakapira'e'iware.

2 Corintios 7:4

Ichape eta nukasiñawaira'i eta eye'e, nukunacha'e'i eta ekurisamurechiranu'i. Tayanapane'inéni ichape eta nukatajiwaira'i, tétavikawa'isera eta étumechiranu'i ekurisamurechiranu'i.

Gálatas 4:13

Eti etupiruwa'i ejákapanu kape te nítekainapa eta ara eye'e, écharichu'i eta nukajumairapa'i te nítekapaucha'epa, etupiruwa'isera esuapa eta numetarairu'i eta eye'e.

Gálatas 5:2

Esamanucha'a. Nuti Pablo nutupiruwa numetaka'e, te ísapawapuka naikutiaracha'e, tímikutijirikawa'i tépurukare'i eye'e ema Cristo, tímikutijirika'iware wa'i márata'a tikuchuku'a'e eti.

Efesios 3:1

Eta mawana'i ema Pablo naye'e ena machamuriana

Efesios 4:1

Yátupi nuti témeratakanu'i puiti táichavene'i eta né'isira'i ema Viákenu, eta taka'e, nutuparaka'eya, takuija íchirawaina eta ítaresira te mamira'u ema Viya, taicha eti máichu'akene'eichu'i ema, mawaraira'i machanera'eyare.

Filipenses 4:5

Námutu'ini ena achaneana náimati'e'ini eti eta táetaviuchira'i eta iúriwa. Taicha ema Viákenu, tiáne'ipa eta máitesiraya.

Colosenses 1:23

Taka'e, nuwara'a étumechawayarechucha, ímiyanawa táuri eta é'isira'i. Wa'i ekuyakujiekene'awa eta ekuchapira'i eta iúchukuiraya. Wa'i ekuemepurureka eta esuapiraipa'i eta máechejiriruwa ema Viya. Tétavikawa'i tasuapakarewa'i naye'e namutu ena achaneana te juka apake'e. Núti'ipa nuti Pablo wanairukakenenu'i, étaichu'iware taka'e'i eta nukametarairuira'i.

2 Tesalonicenses 3:17

Nuti Pablo, nútijakaruwapa nájucha eta juka táichekuaraki'i eta najure, apaesa ímati eta táima'i'i eta nuye'e letra nuwa'urupaji'i.

Filemón 1:19

Nuti Pablo, nútikene'i nájucha'i te nuwa'u eta juka puiti. Nuwara'a'inéni némechavi piti apana eta pinteve'i nuye'e eta nukatiuchiravi'i.

Filemón 1:9

tiuripana nuyaseakavi eta pemunaraiwa. Nuti, Pablo ichasinupa, nuti presunu'i maichavene ema Cristo Jesús,

1 Pedro 2:11

Némunarukeneana nuparapenaveana, puiti tímikutijirikawa'i apawasa'e'ini, taicha iávi'aicha'a te juka apake'e. Eta taka'e, waipa táurika'ini ícha'ini eta tajamurachakeneana eta iáke'eana. Taicha eta, tawara'a'i tákamitiekene'a eta iáchanewana.

Apocalipsis 1:9

Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.