2 Corintios 1:7 - Táurinakene máechejiriruwa’i ema Viya tikaijare

⁷ Víti vikasiñawa'i eye'e eta ekamichirayare eta ekatajiwaira'i. Emasera ema Viya tikurisamurecha'eyare.

Ignaciano

⁷ Víti vicasi­ñavahi eyehe eta ecami­chi­rayare taicha vicuti­cacahi eta vicata­ji­vairahi étapa eta macuri­sa­mu­re­chi­ra­havihi vimutu.

2 Corintios 1:7 ပူးပေါင်းရင်းမြစ်များ

San Mateo 23:30

tási'a, ániware eka'e: ‘Te vitiari'inaipa'ini viti, akane te tikaparekanapa ena viáchukanaveanaini, wa'i vikuimikasiapawa'ini eta naepenira'i ena profetanaini.’

1 Corintios 10:13

Puiti juka eta vítaresira, jarari'i eta tawara'a témejekapawacha'avi, wa'isera ekuarami'ini, taicha eta taka'e'i eta maichararakawa'i namutu ena achaneana te juka apake'e. Ekasiñawayaresera muraka maye'e ema Viya, taicha yátupi eta makasiñakarewa'i ema, waipa máisapaima'i táwayuchawa'ichaini eta tapamisira'e. Jé'esare ema, tíjaraka'enapa eta etumewayare, ekamichirayare tamutu.

2 Corintios 1:14

eti, ímatiekene'apaipa eta nímiturapiana, puiti nuwara'a esamayarewa eta nechejiriruwana apaesa wákutikaka viwapinakaka vítijikaka te jena sache te machawapa ema Viákenu Jesucristo.

2 Corintios 12:20

Nuti, te níteka eta ara eye'e, nupika'i wa'i núrikaima'i áka'ema'i'ini eta nuchimapira'eya, e'ajirikaka, ekapinarukaka, esemajirikaka, íputsimuriákaka, épiyekenerejirikaka, iúme'ajirikaka, ekasiñawawairika, wá'ipuka takuakejirikaka'i eta epanereruana.

2 Corintios 7:9

Puítisera, tétavikawaine'i eta núrisamurewa'i ícha, eta táetaviasira'eipa'i eta ekatisamurewa'i. Eta núrisamurewa'i, wa'i étaina'ini taicha eta ekatisamurewa'i, nuti eta núrisamurewa'i taicha títsiwachawaipa'i eta táuriwaipa'i eta epanereruana, ewaraira'i ekurisamurecha ema Viya. Eta taka'e, víti tájinapa wákayema'ini eta eye'e;

2 Timoteo 2:12

te vetumechawa eta vikatajiwaira, visiapayere te mawasa ema Viakenu; te'esera te vitsiri'aka ema Viya ema apanaware titsiri'aka'aviyare ema;

2 Timoteo 3:11

pécha'iware eta náichiranu'i ena achaneana, eta nukatajiwaira'i náicha, ichapemuri'i eta napanajirisiranu'i eta te awasareana Antioquía Ichipichu, te Iconio, étapa te Listra, émasera ema Viya tikatiuchanu'i taye'e eta juka náichiranuana'i.

Santiago 1:12

Tétavikawa eta náuriwayare nákani vichamuriana tikamichana'i tamutu eta nátajiwana'i, járajapayare eta sacheanayare eta najakapiraya eta naikuchi'i táitsiwayare'i maicha ema Viya, máijarakainapa eta táuriwayare eta náitaresirayare, taicha tikunachakareana'i, taicha maitauchayare'i eta mapanereru'i ema Viya naye'e ena témunakana'i ema.

Apocalipsis 1:9

Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.