1 Timoteo 4:3 - Táurinakene máechejiriruwa’i ema Viya tikaijare

³ Ena nani achaneana nayurukainapaipa ena vichamuriana eta wa'i nakutanuka esu nayenaina wa'iware nakunika eta tajiparakana tinikakareana eta maepiyaru'i ema Viya, ema maepiyaka'i tamutu apaesa ena machanerana ema Viakenu enapa ena timatiana eta yátupikenana nanikayare'i, na'asulupayachayare'i ema Viya.

Ignaciano

³ Ena nani achaneana nayuru­cai­napaipa ena vichamuriana. Ánipa nacaheyare: “Vahi táurica vitanu­cahini esu esena viyenai­nahini. Jucari­hivare eta tinicacare, éneri­chuvare vahi táurica vinicahini” nacaheyare. Tamutusera eta juca tinica­careana máepiyaruana ema Viya vinica­yarehi viti vímatie­que­ne­hanahi eta máechaji­ri­ruvana. Vihasu­lu­pa­ya­cha­yarehi te vinicayare eta máijara­ru­ha­vianahi ema Viya.

1 Timoteo 4:3 ပူးပေါင်းရင်းမြစ်များ

San Mateo 14:19

Taka'e, makawanairipipa náeja'a'apaika ena achaneana te muíjipa'i. Mave'apa eta sinkukene pan étapa eta apiki jima, máesenikapa te anuma, ma'asulupayachapa ema Viya, mayuvetukawakapa eta pan, tási'a, máijarakapa ena máimitureana, tási'a ena naijarakawakapa ena achaneana.

San Mateo 15:11

Eta vinikakene tisiapa'i te vijaka, waipaine'i tajararekaima'i mákani achane. Eta tijararekaya makaini achane eta tiasi'a te vijaka pipanereruana viwínarajiwana.

San Mateo 15:36

mave'apa eta siétekene pan, étapa eta jímana. Ma'asulupayachapa ema Viya. Mayuvetukapa, maíjarakapa ena máimitureana, tási'a ena naijarakawakapaipa ena achaneana.

San Lucas 24:30

Te tiúripa eta tinikakare, mave'apa eta pan, ma'asulupayachapa ema Viya, mayuvetumekapa, máijarakawakapa.

San Juan 6:23

Tási'a, taka'epainecha eta apana pakureana, naye'e'i ena tiási'ana'i te awasare Tiberias. Títekapanapa te tachakaya eta nanisine'i eta pan ena kamurikeneana achaneana.

Hechos 27:35

Te tamutupa eta mawanesirawaka'i, ema Pablo mave'apa eta pan; ma'asulupayachapa ema Viya te namira'u. Mavejekapa, tinikapa.

Romanos 14:17

Taicha eta Mawasa akenuka ema Viya, wa'i étaparakaina jákani vinikakenerepiana, vérakeneana. Étaipa eta tikunachakare'i maye'e, eta víchirapaipa eta táurikeneana. Mawara'a'iware vítukawa'ini eta vikurujisirakaka'i, apaesa táimiyanawa'ini eta viúrisamurewa vimutu maicha ema Machanewa Viya.

Romanos 14:6

Nákani tiyujarauchawana'i te jena sache, ena nawara'a'i napikaucha ema Viákenu. Ena apamuriana, wa'i tákamesa'ini nanerejika'ini eta sache, ena apanawa napikaucha'i ema Viákenu. Ena naka'e'i nákani tamutuchucha nanika'i, eta napikauchira'i ema Viákenu, na'asulupayacha'i ema. Nákanisera náepuru'i nanika eta jákani tinikakareana, táichavene'iware eta napikauchira'i ema Viya, na'asulupayachaware ema. Tamutu'i tiuri naicha.

1 Corintios 6:13

Eta taka'e eneichuware: “Eta nikakare taye'eichu'i eta viju'e, eta viju'e taikuchichu'i eta nikakare.” Yatupi ene taka'e, emasera ema Viya makaepa'ayare tamutu eta juka apinakene. Etasera eta viake'e wa'i etaina'ini taikuchina'ini vicha eta tamaurikeneana, vechipejika'ini eta viake'e vianeka'ini esu esena apayena, apaimapuka.

1 Corintios 7:28

Mákanisera makaparapekenepa, tájinachucha pekatuina eta mavira'i esu esena. Ésuipa súkani amaperu esena, te tatupiruwa'i eta sukaimaira, tájinachuchaware pekatuina eta sukaimaira'i, táitsiwasera ichapeyare eta nakatajiwairaya eta náitátirakakaya, tavetijipa te natiari'inapa ena nachichanaveanaya, eta taka'e, nuwara'a numetaka'e apaesa wa'i ekukatajiwa'ini.

1 Corintios 8:8

Numetaka'esera puiti, wa'i étaparakaina eta tinikakare, vijakapakarema'i me Viya táicha. Wá'iware étaima'i tiúricha'avi'i maye'e ema Viya, te wa'i vinika'i.

Colosenses 2:16

Puítisera, nakuija nakupanararacha'e eti eta enikakeneana, étapa eta érakeneana, étaipa eta íchira eta epiestara, te aracheruana kaje, étaipa eta sache sáwarumu'uana.

Colosenses 3:17

Tamutu jákani ekaematanerana, échejirisirawana, ímereuchawa eta machanera'eira'i ema Viákenu Jesucristo, iámirapaipa eta máijare, te tamutu eta jákani íchararakawana, e'asulupayachayare'i ema Tata Vikaiyakene.

1 Timoteo 2:4

Taicha mawara'a'i ema máimimatichayare namutu ena achaneana eta yátupikeneana máechejiriruwana apaesa náuchuku'a ena apanawa.

1 Timoteo 4:4

Taicha tamutu'i tiuri eta maepiyaruana ema Viya. Wa'i táurika'ini vépuru'ini, vijakapayare'i tamutu, vi'asulupayachayare'i te Vinikaya, taicha víjarakasi'i maye'e ema Viya,

1 Timoteo 5:14

Eta taka'e, ena tépenaimana'i amaperuanaicha'a, nuwara'a nápechawa nakaimaware, nakachicha, apaesa nakaenakare'i te napena, takuija nakukayema ena tikunera'iana.

Hebreo 13:4

Ámutu epikauchakaka eti ekaparapekenepa, eti esenana, étipa eti ajairana. Taicha máima'a tiuri ema Viya eta eve'akakaira'i. Taicha ema Viya máikuñakayare'i nákani tive'akakana'i wa'i nakuchapa'ini náitauchawa'ini, énapa ena tikayepekakana'i.

Hebreo 13:9

Wa'i ekuisapawa ekue'ika eta jákani apánapanenejikeneana náimiturapiana. Tiúripana étumechayare eta esamureana, táichavene'i yátupikene eta máemunasira'avi'i ema Viya. Étapasera eta naye'erepiana taye'e eta tinikakareana, wa'i étaparakaina, taicha tájinachucha táimikatakawaka'ini ena tikaye'erepiana'i.