1 Tesalonicenses 2:3 - Táurinakene máechejiriruwa’i ema Viya tikaijare

³ Taicha wa'i véjekapawa'ini eta vímitusira'e'i, wá'isera étaina'ini vipanerechapa'ini eta tájiparakana tamaurikeneana, wá'iware viwayuarakina eta véchejisirapa'i.

Ignaciano

³ Taicha vahi véjeca­pa­vahini eta vímitu­si­rahehi. Váhivare étainahini vipane­re­cha­pahini eta tájipa­racana tamauri­queneana, váhivare vivayua­raquina eta véchaji­si­rapahi.

1 Tesalonicenses 2:3 ပူးပေါင်းရင်းမြစ်များ

2 Corintios 4:2

Víti, tájina vímatiya'ini viyumurujirika'ini eta víchakeneana, wá'isera vícha'ini eta titsiri'akareana, wá'isera viútserurupina'ipukaini vi'apapika'ipukaini eta máimiturapiana ema Viya, taicha viwara'a vikurisamurechaya ema, tamutu'i véchejisi'a'i eta yátupikeneana. Jé'esare, viwara'a nakaikutiara'ini ena achaneana eta vímiturapiana'i tási'akeneana'i me Viya.

2 Corintios 2:17

Virata'asera vítaucha eta vitupara'a'i, taicha víti, eta vikametarairuira, tájina wa'i vikawacharapi eta máechejiriruwa ema Viya, vétupiripikapa'ipukaini, viwarairaina'ini tajamurachakare'ini, tákuti'ini eta náichira ena apamuriana tímijachawana'i yátupikeneana mawaneruana ema Viya. Vítisera yatupikene'avi'i mawanara'avi'i ema Viya; vitupiruwa'i eta vikametarairuira eta máimiturapi ema Cristo.

1 Tesalonicenses 4:7

Taicha víti máichu'akeneanaipa ema Viya, mawara'a tiúrinayare eta vítaresiraya, waipa víchaima'i eta juka tamaurikeneana.

2 Corintios 7:2

¡Viparapenaveana, viwara'a ímiyanawa'ini esuapa'avi'ni! Taicha nájina'i te etaraku eti nakatajiwa'ini náinajikawa'ini vichavenéna'ini viti. Nájinaware vikaetemakenéna'ini, vimipananájikawaka'ipukaini.

2 Corintios 4:5

Te vikametarairu víti, wa'i vítina'ini vikunachawa'ini, viwara'a'ini é'ika'avi. Viwara'a'isera esuapa'ini ema Jesucristo, ekakenuyare'iware ema. Víti wanairuka'avichucha eta eye'e, taicha vikaemataneaka'i ema Jesús.

2 Pedro 1:16

Eta vímitusira'e'i, eta machaviraya ema Viákenu Jesucristo, máimeresiraya eta máitupajijiasirawa, wa'i vépiya'ira'ima'i, wá'iware vive'akenéna te vichuti, vímatipa yátupi, taicha víma'a'i te viúki'ana eta majaraiwa'i ema Viákenu.

2 Tesalonicenses 2:11

Taicha eta namasuapira'i ema Viya, máisapayare'i ena nani achaneana nasuapa eta mawayuarakiana ema achane wínarajikene,

1 Tesalonicenses 2:11

Éneichuware écha'i eta vétumechira'e'i, émanapachu'i vechejirika, vikuti'i mákani achane tiuri eta maechejirisira ema machicha.

2 Corintios 11:13

ena, tépiyakawana'i apústuleana. Tiwayuara'ianasera eta náitaresira'i. Wá'ikeneware wanairukanaima'i me Viákenu Jesucristo.

Hechos 4:36

Matiari'iware ema achane tikaijare José. Ema máuchure'i te tiúrupu'i te tikaijare Chipre. Ema maka José náumuriwaicha'a ena levitana. Ena apústuleana nanakapa eta máijare'i Bernabé (te véchejiriruwa tikaijare: “Tikaurisamurera'i”.)

Hechos 13:15

Taekenepa, náechejiku'apa eta Takapika'ukene Ajureka, nájure'i ena profetana. Te tamutupa eta naechejikuira'i, nayaserekapa ena araitekapiana'i: –Viparapenaveana, te tatiari'ipuka eta échejisi'ayare viye'e víti, táurikapa icha puiti.

2 Corintios 6:8

Eta nupaisirapaipa'i, natiari'i ena tikunachanuana'i, tiúriemana'i eta nuye'e. Natiari'iware ena tépurunuana'i, tíñema'ipiware eta nakayemakene eta nuye'e. Natiari'iware ena tímijarechanuana tépiya'ira'i.