1 Pedro 5:9 - Táurinakene máechejiriruwa’i ema Viya tikaijare

⁹ Eta taka'e, túme'ena ekanarairayare ema, machu mákipaika'e. Ákasiñawa muraka maye'e ema Viákenu. Wa'i ákarichu'ini eta ekatajiwaira'i. Túme'ena'i eta ekamichira, ekutiyare eta nakamichira'i ena vichamuriana tikawasana'i te tamutu awasareana.

Ignaciano

⁹ Eta tacahe, túmehéna ecana­rai­rayare éma, machu máquipaicahe. Ácasiñava muraca eta mayehe ema Viáquenu. Écharichuhi vahi ácari­chuhini eta ecata­ji­vairahi. Túmehénahi eta ecami­chiraina, ecutiyare eta nacami­chirahi ena vichamuriana ticava­sanahi te tamutu avasareana.

1 Pedro 5:9 ပူးပေါင်းရင်းမြစ်များ

San Lucas 22:32

nútisera nuyaseuchavi'i me Tata, apaesa wa'i takuemitiaka eta pé'isiranu'i. Piákipaikawayasera, tichawayaresera eta pikasiñairanuya, tási'a pétumechawakainawarepa ena apamuriana pichamuriana.

San Juan 16:33

Numetaka'eware tamutu eta juka apaesa etupiaka eta iuriwaina nuye'e apaesa takuija ekuichirawaina. Tayanapane ekatajiwayare muraka te juka apake'e, étumechawasera eta nuye'e, taicha nuti máijararunu'i ema Tata eta nukapakemuri'airayare namutu ena nánarana'i.

Hechos 14:22

Eta te juka awasareana, náimitukawarepa ena té'ikanaripa ema Jesús. Náetumechawakapa eta nakasiñawairaina, eta náe'isiraya ema Viya, tási'a náichawarepa. Échawa eta esiapiraya eta máwasa ema Viya, wa'i maejerarena taicha natiari'ya ena katianaka'eanayare ekatajiwayare táichavene eta é'isira ema Viákenu.

1 Corintios 10:13

Puiti juka eta vítaresira, jarari'i eta tawara'a témejekapawacha'avi, wa'isera ekuarami'ini, taicha eta taka'e'i eta maichararakawa'i namutu ena achaneana te juka apake'e. Ekasiñawayaresera muraka maye'e ema Viya, taicha yátupi eta makasiñakarewa'i ema, waipa máisapaima'i táwayuchawa'ichaini eta tapamisira'e. Jé'esare ema, tíjaraka'enapa eta etumewayare, ekamichirayare tamutu.

Efesios 4:27

Ekaunewayare, machu máituruka'e ema wínaraji, táichavenena'i eta esemanewa'i.

Efesios 6:16

Takutikene yátupina'i eta ekasiñawairaina maye'e ema Viya. Eta ekasiñawairayare timikutijirikawa'i iávi'uina'ini eta tamuruirapa'i eta mayukaraki ema wínaraji.

Colosenses 2:5

Tayanapane viyere'ikaka'i, wa'i víma'akaka'ini, núrisamure'isera tikuti'ine'i étaina'ini návi'a'ini eta ara eye'e, néchira'i eta tamajinaira'i íchirawaina'ini, yátupi'i esuapa eta é'isira'i ema Cristo.

1 Tesalonicenses 3:3

apaesa nakuija nakuchawakuejechawa taye'e eta ekatajiwairana naicha ena tikatianara'iana. Échaichu'i eti, eta vikatajiwairaya táichavene eta vé'isira'i ema Viakenu.

1 Timoteo 6:12

Pétumechawachucha eta pikaemataneasira'i ema Viákenu, murakaina eta pikasiñawaira maye'e, wa'i pikuyakujiekene'awa eta pikuchapira'i eta pítaresiraya máichekuarakireyare, taicha máichu'akenevirichu'i ema Viya, wa'i pikuemepurureka eta péchejiriruwana'i te namuri ena vichamuriana, te píjarakawainapa eta pé'isirayare ema Viya.

2 Timoteo 3:12

Yatupisera namutu nákani, tiwara'anaya tiuri eta naitaresira, eta nawa'asira ema Viakenu Jesucristo katajiwanayare taichavene eta napanajirisiraya.

2 Timoteo 4:7

Nítawawarerupa eta nukanaraira'i eta tamaurikeneana. Wa'i nuvitaekene'a'ini. Nítaucha'i eta nutuparakasiwa'i maye'e ema Viákenu. Núnaka'i muraka eta nusuapira'i ema Jesús.

Hebreo 11:33

Eta nasuapajiraiwa'i ena, naíta'akanapa'i eta awasareana nae'akakaipa'i. Taicha ena akenukana'i, tatupiru'i naicha eta nawakure'i. Ema Viya, eta majaneasirawaka ena apamuriana, máeratajakachawaka'i eta tajakana eta táiñe'ikeneana sárareana itiareana,

Hebreo 12:8

Taicha ema Viya te wa'i makuemechareka'e eti machichanaveana'i, eta mawarairaina'i tauri eta itaresira, waipapuka yatupina machicha'ema'i.

Santiago 4:7

Eta taka'e, esuapa yátupina ema Viya. Ekanaraya ema Wínaraji, te mawara'a mawayuaka'e, jé'esare, tijunijika'enapa ema.

1 Pedro 1:6

Puiti, apánapanenejiyarecha'a eta ekatajiwairayarecha'a, nukasiñawa'isera eye'e eti, wa'i ekainajiruwaima'i, eta ekasiñawaira'i me Viya, ewapinawaichucha eta ekamichira'i tamutu, taicha ímati'i waipa táunaima'i eta ekatajiwairaya.

1 Pedro 2:21

Taicha ema Viya, eta máichuira'e'i, mawara'a'i ekutiyare'i ema Cristo eta makamichira'i tamutu eta mátajiwana'i íchavene'i eti, mawaraira'i ekarawa'u eta máuriwa'i, ekutiyare'i ema.

1 Pedro 3:14

Tijurikati natiari'ipuka ena tikatianaka'eana'i táichavene'i eta táuriwa'i eta ítaresira'i, tási'a, tétavikawaya eta iúrikakarewa. Wá'isera ekupika jákani náichira'epuka, wá'iware iáwamira'uima'i naye'e,

1 Pedro 4:13

Ewapinawachucha taicha ekapayayaraka'i eta makatajiwaira'i ema Cristo apaesa ewapinawa te jena sácheyare eta enekapirayare ema eta máukupaisiraya mámirayarepa'i eta majaraiwa.

Apocalipsis 1:9

Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.

Apocalipsis 6:11

Taka'e tikaijarakasianapa eta namuiri'anayare'i eta tijapu. Tikametakasianapa nanara'asiranumayare apaesaina'i. Tiámainukawayare'i te tiyuritikawapa eta natupayare ena nachamuriana nakaparuanayarecha'aware ena té'ikana'i ema Cristo.

Apocalipsis 7:14

“Piti pecha'i Tata”, nujikapapa. Tási'a ema máichanuwarepa: “Ena nani énara ena nakatajiwakeneana'i, tiúchuku'anaipasera, tikasipaipa puiti eta náchanewana taye'e eta máitine ema Cordero, puiti tikamuiri'anapa eta tijapu.