1 Pedro 5:8 - Táurinakene máechejiriruwa’i ema Viya tikaijare

⁸ Ekuneuchawa yátupina. Ejaneakawa'iware, taicha ema viánara'i Wínaraji, makuti eta táiñe'ikene sárare itiare tatanuka eta tanikayare'i. Ene maka'e'i ema, matanuka'i ena mákipairuanayare.

Ignaciano

⁸ Ecuneuchava yátupina. Ejanea­ca­va­hivare, taicha ema viánarahi Váinaraji, macuti eta táiñehiquene sárare tatanu­ji­ri­ricahi eta tanica­yarehi. Ene macahehi éma, matanucahi ena máquipai­rua­nayare.

1 Pedro 5:8 ပူးပေါင်းရင်းမြစ်များ

San Mateo 13:39

taicha ema tikatianakanu'i, manaka'i eta ejare, mawaraira'i máepakucha eta néwaru'i, eta takaechatijirapa eta trigo, eta'i eta táitavirayare eta apake'e, nárajapayarepa ena ángeleana, tikurujika'eanaya.

San Mateo 24:42

“Eta taka'e, etsekawa'i ekuneuchawa eti, taicha wa'i echa taja'apuka sachewayare titekapayare ema Tata Viakenu.

San Mateo 25:41

Tási'a ema Rey máichainapa ena tiávi'ana'i te sapane: ‘Évuisi'a te numira'u eti masuapajiraira'ana ekaviurewana'i. Eyana taye'e te yuku, akanewaka'éna eta emuruiraya, máikuchi'i ema wínaraji, tási'a énapa ena majupa'ana maye'eana ángeleana.

San Mateo 4:1

Tási'a, ema Machanewa Viya, mámapa ema Jesús te máwapa'i wama'i, apaesa ánaki makaitsamaraji ema wínaraji.

San Mateo 4:11

Taka'e, ema Wínaraji térajikawapa, tási'a tiúkupaikanapa ena ángeleana, náechapajirikapa ema Jesús.

Marcos 4:15

Eta ewaraki taemiriru'i te achene, makuti'i ema achane tisama'i eta echéjirirukawa. Émasera ema Wínaraji mayurukapa wa'i máisapa'ini tánasi'ini te nasamureana, naemitisikapa eta echéjirirukawa masamakene'i.

San Lucas 21:34

“Échapawa, machu tachimaraka'e eta jena sache, wa'i ekukuti ena tawayuaruana eta térakare. Wa'i ekueñamawa eta ítaresira, machu ta'apapika'e eta é'isiranu'i.

San Lucas 21:36

Etsekawaicha yátupina. Eyujarauchawa'i támutu sacheana, apaesa tume'énapa eta ekamichiraina tamutu eta juka táichararakawayare, apaesa takuija ekuichirawaina eta ítekapauchiranuya te numira'u nuti Manerejirunu'i ema Viya.”

San Lucas 22:31

Ema Viákenu máichapa ema Pedro: –Simón, péchapawayare. Ema Wínaraji, yaseakanu'i mawaraira'i tikaikutiara'eyare tiákipaika'eyare emutu eti, emasera maisapa'i;

San Juan 8:44

Ema tikachicha'e eti, ema Wínaraji; ema técha'e'i, taicha ewara'a'i íchayare eta máichakeneana ema. Taicha ema, tikapa'i eta máitaresira'i te tépanawainapa. Étachucha maurika tiwayuarereka. Ema, naiya'i ena tépiya'ira'iana.

2 Corintios 2:11

Taicha te wá'ipuka vijapanukaka'i, tíñe'ikare'i makamapurawa ema Wínaraji, taicha tímatikare'i eta mawaraira'i tímiakipaika'aviyare.

Efesios 4:27

Ekaunewayare, machu máituruka'e ema wínaraji, táichavenena'i eta esemanewa'i.

Efesios 6:11

Akasiñawa taye'e eta maitupajijasirawa ema Viya eta maijararu'e'i, apaesa árata'a te taitekapa'aka'e eta mawayuaraki ema wínaraji, mawaraira'i timiakipaika'e

1 Timoteo 2:15

Tási'a, tikatajiwainapa eta suínasirana, puíticha tanasi'i naye'e ena esenana, tiúchuku'anayaresera, te náimiyanawa náe'ika ema Jesús, étapa eta náemunasiraina ena vichamuriana, takuijaware natapirawaina te mamira'u ema Viya, táuri'ini eta napanereruana.

1 Timoteo 2:9

Énaipa ena esenana, táuri'ini eta nakamuiri'airana, wa'i nakúye'e'eakaicha eta nakamuiri'aira, náetupirikawa'iseraini, wá'isera nakuwayuchaini eta nakatatasirana, wá'isera nakuwayuchaini nakúye'e'eakawa'ini eta uru, eta perla, eta tasiwachakeneana múiriareana.

1 Timoteo 3:11

Énerichuware, ena esenana, takamunu'i tikapika'uanaya, wa'i nakuecheji'i, súkani tijaneakawa'i eta suítaresira, tájina náichirawaima'i, títaura'ianayare.

1 Timoteo 3:2

Takamunu'isera mákani tikawakureya, tájina matapirawainaya eta máitaresira'i, takuija nakuyunaka ena achaneana. Mákani ésunaichu'i esu mayena, mákani tikapika'u'i. Mákani tijaneakawa'i eta máitaresira, mákani achanesamure tijakapara'i naye'e nákani tichimarachanaya. Mákani máituka tímitureka;

2 Timoteo 4:17

Émasera ema Viákenu tijaneakanu'i, tímikatakanu'i, wa'i máisapanu'ini nanakanu'ini te tapena eta sárareana tinikara'iana. Nítujikawa'i núchuka nuyana taye'e eta apanakeneana awasareana, nukametarairu'i naye'e ena apawasakeneana.

Tito 1:8

Mákanisera achanesamureyare tijakapara'iyare nákani tichimarachana mákani, máituka tipanerereka, mákani, títaura'i tamutu naye'e ena achaneana, mákani, makaiju'e ema Viya, títaura'i'iware maye'e, takuija matapirawaina.

Tito 2:12

Puiti ema Viya mawara'a eta táuri eta vítaresiraina te juka apake'e. Mawara'a yátupina eta vítusiraina vipanerereka, étapa eta vítauraiwaina tamutu naye'e ena achaneana, étapa eta vítauraiwaina maye'e ema Viya. Waipa víchaima'i eta tájiparakana tamaurikeneana'i. Wáipaware víchaima'i eta tajamurachakeneana eta viáke'e,

Tito 2:2

Ena tikawakureanayare naye'e ena vichamuriana takamunu'i yatupina naitaucha eta nawakureana, tawara'aware nakaratakawa yatupina taye'e eta najamuraiwana, tauri eta napanereruina eta naichirayare eta nawara'akeneana. Taurina eta nakasiñawairaina me Viya, eta naemunaraiwaina etapa eta narata'airayare eta nakatajiwairayare.

Tito 2:4

náimitukayarewa ena amaperuana esenana náemunasiraina ena náimanaveana énapa ena nachichanaveana,

Tito 2:6

Éneichuware pechejirikawaka ena amaperuana ajairana, yátupina eta náitusiraina tipanererekana

Santiago 4:7

Eta taka'e, esuapa yátupina ema Viya. Ekanaraya ema Wínaraji, te mawara'a mawayuaka'e, jé'esare, tijunijika'enapa ema.

1 Pedro 1:13

Eta taka'e, ekaratakawa taye'e eta epanereruana, táuriwaina eta ítaresiraya. Ekasiñawayare eta ejakapirayare eta íkuchi'i me Viya, máijararu'eyare te machawapa ema Viákenu Jesucristo.

1 Pedro 4:7

Tiáne'ipa eta táitavirayare tamutu eta juka. Eta taka'e, ekaratakawa eta epanereruana apaesa táuriwaina eta eyujarasiranaya.

Apocalipsis 12:10

Nusamawarepa te anuma eta ma'u muraka, ánipa maka'e: “Títekapapa puiti eta viuchukuirayare, taicha titekapapa ema titupajijiakawa ema Viakenu Viya, tási'a émainapa techa'aviyare ema Viakenu Jesucristo, taicha ema Wínaraji makijikaipa te anuma, ema tikaetemajirikaini'i ena vichamuriana tamutu sacheana, yatiana te mamira'u ema Viakenu Viya.

Apocalipsis 12:12

¡Tétavikawaya eta íurisamurewaya, eti iávi'ana'i taye'e eta juka anuma! ¡Páureanasamisera ena tikawasana'i te apake'e énapa ena tiávi'ana'i te ichapeama une, taicha ema wínaraji máecha'i eta ánipine'i, máukupauchawakaipa, tétavikawa eta masemanewapa'i!”

Apocalipsis 12:9

taka'e, tikakijianapa te juka apake'e eta ichape kichare, eta tikaetema'i esu suinapure esena Eva, émapa ema nákenumuri'i tikaijare Ereana Wínaraji, ema tikaetema'i namutu achaneana te juka apake'e. Namutu tikakijiana ema, enapa ena machanerana, te juka apake'e.

Apocalipsis 20:10

Tási'a ema Wínaraji, ema tiwayuarekaini'i, nakaratakapa náepujukichapa taye'e eta táijurekene yuku, táetiraraisina eta tamuruira, étaipa eta mávi'a'i ema útsutsure, émapa ema Falso Profeta. Tájina nanarasiraima'i, tamutu sacheana yátiana, máichekuarakireya eta nakatajiwairaya.

Apocalipsis 20:2

Taka'e, ema ángele makaratakapa eta táiñe'ikene ichape kichare, eta tikaetemarereka'i akane, émaichu'i ema Wínaraji tási'a émapa ema Ereana, tási'a, maitiakapa taye'e eta ichapepi cadena, mil añuyare eta makaiti'airayare'i.