Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pedro 5:1 - Táurinakene máechejiriruwa’i ema Viya tikaijare

1 Nuwara'a nechejirika'eya emutu eti pastoreana ejaneakana'i ena vichamuriana. Nuti éneichuware pastulerunu'i. Éneichuware nitametaka'eya eta nímararasira'i eta makatajiwaira'i ema Cristo. Esuapanuyare puiti eta nechejirapi, taicha vikutikakayare eta vikatupara'airaya viávi'ayare te majaraiwa ema Cristo te táitekapa eta machaviraya.

အခန်းကိုကြည့်ပါ။ ကော်ပီ

Ignaciano

1 Tiuri puiti, nupara­pe­naveana, nuvaraha nuconse­jachahe emutu eti pastoreana ejanea­canahi ena vichamuriana. Nútiripa pastornuhi. Éneri­chuvare testigonuhi eta nímara­ra­sirahi eta macata­ji­vairahi máepenirahi eta te crusu ema Cristo. Esuapa­nuyare puiti eta nuconse­jarapi taicha vicuti­ca­cayare tayehe eta vicatu­pa­ra­hairaya viávihayare te majaraiva ema Cristo te táitecapa eta machaviraya.

အခန်းကိုကြည့်ပါ။ ကော်ပီ




1 Pedro 5:1
38 ပူးပေါင်းရင်းမြစ်များ  

eti, nutupararu'eya eta ímituresiraya eta júkana.


ena tikachane'aviana'i te tikaikachasinapa ema Jesús me Juan, wa'i najunijika'avi'ini, natiari'ikene'i te tiyapapa ema Jesús te anuma. Takamunupa emanaina masiapa vichamurina, apaesa maimikataka'avi eta véchejisi'aira eta maechepusira'i ema Jesús.”


té'esera te maitekapapa ema Machanewa Viya, tiáwa'aka'eyare tímikataka'eyare. Taka'e, échejisianuinapa nuti, tamutuyare te awasareana eta epaisi'ayare te Jerusalén, te Judea, te Samaria, étapa te jákani tayere'ikeneana awasareana taye'e te juka apake'e.


Taka'e, náimiamarekapa maye'e ema Bernabé émapa ema Saulo, náijarakayare'i ena náiyara'ana te judea.


Éneichuware, natanukapa nawakurechapa ema naiyakarayare'i te naurujisirarewana náijamuripachu'i, tási'a te taekenepa eta nayujarasira'i tási'a etapa naijimaira'i, nayaseakapa ema Viákenu, eta majaneasiraina táuriwaina eta náe'isiraya namutu ena tikasiñanaipa ema Viya.


Te titekapanapa te Jerusalén ema Pablo émapa ema Bernabé, ena apústuleana énapa ena náiyara'ana'i, nakurujikapa ena nachamuriana eta najakapiraya ena araitekapiana'i. Taka'e, ena nametakapa eta máimikatasirawakapa'i ema Viya eta napaisirapa'i ena.


Taka'e, tiúrujikawanapa ena apústuleana énapa ena náiyara'ana. Nawara'apa náetupirika eta juka.


Puíticha, ema Viya makaechepuka'i ema Jesús, tási'a, viti véchejisi'a'i eta juka víma'akene'i.


Etasera eta mávi'aira'i te Mileto, ema Pablo máimichu'awakapa ena náiyara'ana taye'e eta awasare te Éfeso.


Tiuri puiti, ejaneakawayare eti, éneichuware ejaneakayare ena iúmuriwana, taicha etupara'aipa maye'e ema Machanewa Viya eta ejaneasirayare ena manerejiruana'i ema Viákenu, énavene'i tépena'i ema, máepusaika'i eta máitine.


Te apanapa sache ema Pablo tiama'avipa, viúrujikawayare'i te mapena ema Santiago. Vichimapapa natiari'ipa namutu ena víyara'ana Tachutiri'ana.


Tási'a, émapa ímikapaka'i ema tikaitareka'avi'i. Émasera ema Viya makaechepuka'i te máekari. Véchejisi'a'i víti ema taicha víma'akene'i eta mápechirawa'i títareka.


Viti vikuti'i eta peti tiavi'a te juka apake'e, taicha eta, wa'i murakaina'ini eta takaepiyakasiwa'i. Jarari'isera eta vipenayare'i te anuma víkuchi'i maye'e ema Viya. Eta, nájinapa tirata'aima'i tiákipaika, taicha wa'i náepiyaruina'ini ena achaneana.


Nuwara'aine'isera táija'uchawa'ini takaitsiwa'ini eta juka náke'e, nuyanasarepaini nukachane'ini ema Viákenu.


taicha németeaka tiúriyare tamutu eta níchawakenewayare, taicha tisamakare'i me Viya eta eyaseuchiranu'i, emaipa ema Machanewa Viya, ichape eta máimikatasiranu'i.


Te natiari'inapuka náejekapawa ena víyara'ana ichavikapanana'i piye'e, wa'i pikukajachawaka ena. Pechejirikasera tauri, tákuti te péchejika ema tikachichavi. Éneichuware ena amaperukijiana ajairana, tauri eta pechejirapina tákuti eta péchejisira ena pichukikeneana.


Wa'i pikusuapawane te tatiari'inapuka eta máepiyaekenena mákani naiyakara'i ena vichamuriana. Té'esera natiari'inapuka ena apinana, mapananapuka tinekapaekene'ana'i eta máejekapirawa'i, jé'esare tisuapakare eta.


Puiti etanecha nukuchapa'i eta jena sácheyare eta máijarasiranuyare eta níjarakasiya me Viákenu, taicha eta né'isira'i yátupi. Ema, máitauchayare'i eta máijarasiranuyare eta níkuchi'i maye'e. Wá'iwaresera nákarichuima'i nuti nukaijarakasiyare. Éneichuwa máijarakayarewa namutu nákani tikuchapana'i eta machaviraya.


Péchawaichu'i te nunakikavinapa te tikaijare Creta, nutuparakavi'i pítauchayare tamutu eta numaitaureana'i, eta nutupararuvi'i pinerejikaya ena pinakakeneanayare eta náwakureanaya ena pastuleruanaya téchapajirikanayare nákani náijamuripachu tisuapajira'iana.


tiuripana nuyaseakavi eta pemunaraiwa. Nuti, Pablo ichasinupa, nuti presunu'i maichavene ema Cristo Jesús,


Puíticha víti apanaware vikamichayare tamutu eta vikatajiwairana, wákutiwaka eta nakamichira ena nani náinapureana'i té'ikana'i ema Viya, taicha puiti ena tímararaka'aviana'i víti tája'apuka táicharakawa'i eta vipaisira'i víti, eta taka'e, tituparaka'avi vínajikayare'i eta táitiasira'avi'i eta tájiparakana, tiámaparaura'iana taye'e eta pekatuana, taka'e, vikamichayare tamutu, táuriwaya eta vikaemataneasira'i ema Viya, apaesa vijakapa eta víkuchi'i.


Émasera ema Viya, mametakawakapa wa'i náima'aima'i ema Cristo te vikametarairupa maye'e ema. Ema Machanewa Viya masi'akene'i te anuma títametaka'e'i te esamureana. ¡Tétavikawayare eta viúrikakarewayare víti, te viúchuku'apa! Énaipa ena ángeleana, ichape nawara'a'i náimati'ini tája'apuka táichararakawayare eta viúrikakarewayare.


Ema Viya máisapa'i eta juka ekatajiwairana, mawaraira'i ímereuchawayare eta yátupikene'i eta ekasiñawaira'i eta maye'e. Ekutiyare eta uru te nakaitsamaraji te yuku te yátupi'ipuka étakene'i. Étisera étaviviriaka'i eta tatumewa eta uru, taicha eta uru títawayare'i, témitiakayare'i. Te wa'i ekainajiruwa eta ekasiñawaira'i maye'e ema Viákenu, tétavikawayare eta ekunachakarewayare'i maye'e ema eta machimapira'eyare te machawa.


Ewapinawachucha taicha ekapayayaraka'i eta makatajiwaira'i ema Cristo apaesa ewapinawa te jena sácheyare eta enekapirayare ema eta máukupaisiraya mámirayarepa'i eta majaraiwa.


Taka'e te machawapa ema yátupikene Pastor eta viye'e, tétavikawaya eta makunachira'eya. Tíjaraka'enapa eta íkuchi'i, máitawakakainapa eta ekachaneraya ema te mávi'a'i eta te majaraiwa'i.


Nuparapenaveana némunarukeneana, machicha'avipa ema Viya. Vuícha'asera tímecha'avi ema eta viúriwayare. Véchaipasare eta vikutirayare ema Jesucristo eta te machawa. Taicha víma'ayare eta máima'ikene ema.


Nuti víyara'anupa, nukatupara'akene'i naye'e ena vichamuriana nukajurevi eta juka nechejiriruwana emutu eti nuparapenaveana, manerejiru'e ema Viya, namutu ena echamuriana. Yatupi eta nemunasira'e'i, wa'isera nakarichu'i nemunaka'e'ini eneichuware ena vichamuriana timatiana eta yatupikene temunaka'eana'iware.


Ema viyara'a tikatupara'a, ema némunarukene'i Gayo nukaju'i, ema temunaka'i eta yatupikeneana.


Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ