Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pedro 4:7 - Táurinakene máechejiriruwa’i ema Viya tikaijare

7 Tiáne'ipa eta táitavirayare tamutu eta juka. Eta taka'e, ekaratakawa eta epanereruana apaesa táuriwaina eta eyujarasiranaya.

အခန်းကိုကြည့်ပါ။ ကော်ပီ

Ignaciano

7 Esama­nuchaha, tiánehipa eta táitavi­rayare tamutu eta juca. Eta tacahe, ecara­tacava eta epane­reruana apaesa táurivaina eta eyuja­ra­si­ranaya.

အခန်းကိုကြည့်ပါ။ ကော်ပီ




1 Pedro 4:7
34 ပူးပေါင်းရင်းမြစ်များ  

“Eta taka'e, etsekawa'i ekuneuchawa eti, taicha wa'i echa taja'apuka sachewayare titekapayare ema Tata Viakenu.


Eta taka'e ekuneuchawa etsekawa'i eti –tási'a maka'ewarepa ema Jesús–, taicha wa'i echa taja'apuka jákani sacheyare eta nuchavirayare núti Manerejirunu'i ema Viya.


“Échapawa, machu tachimaraka'e eta jena sache, wa'i ekukuti ena tawayuaruana eta térakare. Wa'i ekueñamawa eta ítaresira, machu ta'apapika'e eta é'isiranu'i.


Etsekawaicha yátupina. Eyujarauchawa'i támutu sacheana, apaesa tume'énapa eta ekamichiraina tamutu eta juka táichararakawayare, apaesa takuija ekuichirawaina eta ítekapauchiranuya te numira'u nuti Manerejirunu'i ema Viya.”


Máichawakapa: –¿Tája'a takayema ímakaichucha eti? Échepuka, eyujarauchawa apaesa, eyaseaka ema Viya eta etúmewaina.


Iúrisamurereakawa eta ejakapiraya eta ekuchapakene'i. Ekamichawaya taye'e eta ekatajiwairana. Wa'i takuechuki'a eta eyujarasirana.


Taka'e, tiáne'inapa eta táichekuiraya eta tamaurikeneana'i te apake'e. Taicha ema Cristo makamitiekene'ainapa tamutu eta náitupajijiasirawanaini'i ena tákenuru'anaini'i eta tamaurikeneana. Ema Viya máijarakayare'i eta matumewayare.


Tiuri, nuparapenaveana, nuwara'a numetaka'e: Tikutima'i ánipine eta juka vítaresiraya puiti juka vikaiju'eyare. Eta taka'e, ena nakaparapekeneanapa wa'i etainayare ta'apapirikawaka eta ekaemataneasira ema Viákenu, wa'i takukarichu eta ekaeñamasirawa naye'e ena eyenana,


Eyujaraka, eyaseakaya ema Viya máijaraka'e eta etumewaina. Eta eyujarasirana, takuija ta'apapirika'e eta máimitusira'e'i ema Machanewa Viya. Wa'i ekuyakuji eta eyaseuchirawaka namutu ena vichamuriana, majaneakawaka'ini ema Viya.


Námutu'ini ena achaneana náimati'e'ini eti eta táetaviuchira'i eta iúriwa. Taicha ema Viákenu, tiáne'ipa eta máitesiraya.


Puiti emutu eti, étumechawachucha eta eyujarasira'i. Éneichuware e'asulupayachaparakayare tamutu me Viya.


Pítisera pinasiyareichu tájina píchirawaima'i. Pikamichayare tamutu eta pikatajiwairana. Pímiyanawachucha pikametarairu eta máechejiriruwa ema Viya. Pítauchayare eta pituparakasiwa'i.


Puiti ema Viya mawara'a eta táuri eta vítaresiraina te juka apake'e. Mawara'a yátupina eta vítusiraina vipanerereka, étapa eta vítauraiwaina tamutu naye'e ena achaneana, étapa eta vítauraiwaina maye'e ema Viya. Waipa víchaima'i eta tájiparakana tamaurikeneana'i. Wáipaware víchaima'i eta tajamurachakeneana eta viáke'e,


Wá'isera viyakujima'i eta viúrujisirawana, wa'i ekukuti'ini ena vichamuriana, tinerejikawana'i mayanara'ana'i te viúrujikawa, vétumejirikakayaresera, tavetijipa puiti eta vímairapa eta táne'irapa eta masacheraya ema Viákenu eta machavirayare.


Émasera ema Cristo, éta'eichu'i eta máepusaisira'i eta máitine. Wa'i mápepejirikawa'ini te añuana. Te mápepejirikawa'ini, éneichu'iwareni tiápepejikawa'ini eta máepenira'i puiti juka táepanirawa'i eta apake'e. Eta tímiteka'i ema, eta makaepa'airayare'i eta vipekaturana.


Eta taka'e, ekaratakawa taye'e eta epanereruana, táuriwaina eta ítaresiraya. Ekasiñawayare eta ejakapirayare eta íkuchi'i me Viya, máijararu'eyare te machawapa ema Viákenu Jesucristo.


Étipa ajairana ekaparapekeneanapa, ejapanuyare ena eyenana. Ejaneakaware, écha'i ena eta wa'i túmena'ini, yátupina'isera eta émunasira'i ena, taicha ekutikakayare eta ejakapirayare eta íkuchi'i eta ítaresiraya maye'e ema Viya te jena sacheyare, te iuri naye'e, esamakareya te eyujaraka.


Ekuneuchawa yátupina. Ejaneakawa'iware, taicha ema viánara'i Wínaraji, makuti eta táiñe'ikene sárare itiare tatanuka eta tanikayare'i. Ene maka'e'i ema, matanuka'i ena mákipairuanayare.


“Nuti, tíja'uchawaya eta nítekapauchira'eyare eti. Wá'isera tánekapakarema'i eta nítesira, eta taka'e, tétavikawa eta iúrikakarewaya te ekunewa'i, machu ímakariana eta nuchimapira'eyare, etsiri'akareipa.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ