1 Pedro 4:4 - Táurinakene máechejiriruwa’i ema Viya tikaijare

⁴ Puítisera eti, waipa ekasirikimuri'ini ena émunakasareana. Waipa íchaima'i eta táiñema'ikene. Ichapemurine'i eta náejiasira'e'i. Tási'a, téchejikanapa eta eye'e.

Ignaciano

⁴ Puítisera éti, vaipa ecasi­ri­qui­mu­rihini ena émuna­ca­sareana. Vaipa íchaimahi eta táiñema­hiquene eta náitare­sirahi. Ichape­mu­rinehi eta náejiasi­rahehi. Tásiha, téchaji­canapa eta eyehe.

1 Pedro 4:4 ပူးပေါင်းရင်းမြစ်များ

San Mateo 23:25

“¡Páure'esami eti, escriwánuana, tási'a énapa ena fariséuana apimira'e'i!, eti esipasikaichucha te aneka eta wasu, étapa eta platu, tichipeku'isera te taju'e, ene eka'e'i eti, eta esamureana, tétavikawa'i eta tachipejiwawaka'i taicha eta ekaetemaraiwana étapa eta íjarasirawa'i icha tamutu eta ejamuraraiwana.

San Lucas 15:13

Taka'e, étaichu'i jena sácheana'i, tétupirikawapa ema amaperu, tiyanapa. Mamapa tamutu eta máijararu'i ema maiya. Tiyanapa te apana awasare. Eta ánaki, máitaiya'i tamutu eta máima'akeneanaini, tamutupa mamapachichijika'i maichapa eta tamaurikeneana.

Hechos 13:45

Énasera ena juriyuana masuapajiraira'ana'i, te náima'apa ena kamurikeneana, tisemanapa eta mametasirawaka'i ema Pablo eta najakapakarewa'i me Viya ena apanawa, eta taka'e, nákapaemachapa ema Pablo, napanararachapa eta nakajachira'i.

Hechos 18:6

Natiari'isera ena masuapajiraira'ana'i, napanararachapa, tási'a tétatajiakawapa ema Pablo eta táikutiara'i eta namaimitukakarewa'i ena tási'a, máichawakapa: –Étipa ekatapirawayare, taye'e eta ekuñaraki te apana vítaresira, waipa necha nuti. Puiti nuyanainapa nímiturekaya naye'e ena apawasana.

Romanos 13:13

Ímikapikauchawayare eta ítaresirana. Iúrisiyare tamutu sacheana. Wa'i ekawa'aima'i. Wá'iware ímisiapawaima'i naye'e ena tikapiestarana'i. Wá'iware tú'usi'ema'i. Wa'i tiwayuaka'éma'i eta tájiparakana. Waipa iúme'arerekaima'i, wá'iware ekapinarura'ima'i.

Efesios 5:18

Wa'i ekukawa'a taicha eta tikauyayakare'i tikamitiaka'e. Ísapawasera émaira máecha'e ema Machanewa Viya tamutu eta ítaresira.

1 Pedro 2:12

Iúri'isera eta ekachaneraicha'a ena achaneana te juka apake'e máimatira'ana'i ema Viya. Tayanapane nakatianaka'e, naechejika eta eye'e, ekuti'i ena máuritaresirana náicha'e. Ímerekayaresera eta iúriwa'i apaesa ena nakunachayare ema Viya, nawara'ainapa náe'ika ema, taicha náima'a'i eta táuriwa'i eta ítaresirana'i.

1 Pedro 3:16

Tátupiruwa táuriware tamutu eta íchakeneana, eta náimaira'ena namutu ena achaneana, apaesa ekamatinaka nákani téchejisiaraka'eana'i eta táuriwa'i eta é'isira'i ema Cristo, nátsiri'apaini eta náechejijisira.

2 Pedro 2:12

Ena nani tépiyakawana'i pastoreana, nakaekai'isera eta té'ikakareana namaituruekeneruana'i. Ena, nakuti'i eta táitaresira eta sárare, tájina nakaikutiarakenena. Najurupairuchucha te apake'e. Ena, táuriawasa'i eta justicia, máeje'a'i náerataka táimikapakawaneyare. Tépenanayare'i nakuti eta táepenira eta sárare,

2 Pedro 2:22

Etasera titauchawa'i naye'e eta yatupikene eta juka taechejiriruwa'i naye'erepi: “Te tiá'ika eta tamuku, táimichawayare'i tanika eta tá'iru'a”, étapa eta “Kuchi, tamapuruji víkacha'ini eta, taicha tékarajikawayare'i te tiúraji.”

San Judas 1:10

Énasera ena achaneana, naechejisi'a'i eta tamaurikeneana taye'e eta tajiparakana, wa'ineni naimatiekene'a'ini eta takayemakeneana. Ena nakuti'i eta sárareana tajina tapanereruina énajiwapa tímikuñakawanaya.