1 Pedro 4:2 - Táurinakene máechejiriruwa’i ema Viya tikaijare

² eta taka'e eti, táichavene'i eta iúrujiasira'i ema Cristo, tímikutijirikawaipa épenaipa'ini, ínajikaipaware eta pekatu. Puiti, tatuparaka'i ekaemataneakayare ema Viya. Waipa tiwayuaka'ema'i eta tajamuraraiwa eta iáke'e.

Ignaciano

² Eta tacahe éti, táichavenehi eta iúrujia­sirahi ema Jesucristo, tímicu­ti­ji­ri­cavaipa épenai­pahini, ínaji­ca­ri­pavare eta pecatu. Puiti eta tápechi­ra­varipa táitare­cahini eta iáchanevana, tatupa­racahi ecaema­ta­nea­cayare ema Viya. Vaipa tivayua­ca­hémahi eta tajamu­raraiva eta iáquehe.

1 Pedro 4:2 ပူးပေါင်းရင်းမြစ်များ

San Mateo 12:50

Taicha namutu nákani tikaemataneakana'i ema Tata tiávi'a'i te anuma, éna'i ena nuparapenaveana, esupa esu meme némunaruana'i.

San Mateo 20:4

Máichawakapa: ‘Eyana eti apanaware ekaematane te nuye'e uwakiji, tiuriyare eta nuwachachira'eyare.’ Tási'a ena tiyananawarepa tírerekana'i.

San Mateo 21:31

¿Nája'a ena apinakeneana, nasuapa'i ema naiya eta mawara'akene'i? –Ema mainapure –najikapapa ena. –Ema Jesús maichawakapa: –Nutupiruwa numetaka'e puiti. Nasapi'ayare tinapuikanaya tisiapana te mawasa ema Viya akenuka te anuma, ena tú'usiana énapa ena tive'ara'iana eta viyase'ana taye'e eta Roma.

San Mateo 7:21

“Wa'i namutuima'i ena tichanuana'i: ‘Tata, Tata’, tisiapanaima'i te nawasa ema Viya akenuka te anuma, nakarichuya ena yatupikeneana'i naitaucha'i eta mawara'akeneana ema Tata Nukaiyakene tikawasa te anuma.

Marcos 3:35

Taicha namutu nákani naicha eta mawanairipi ema Tata, ema nuparape esu nuparape, esu meme'i.

Marcos 7:21

Taicha te ama'e eta nasamureana ena achaneana, napanerecha'i eta tamaurikeneana, mave'a esu apana esena, tikaparekana, tiámerekana,

San Juan 1:13

Tási'a ena machichanaveana'i ema Viya, éma'i tinerejika'avi'i. Wa'i étaparakaina'i eta nakachichaira'avi'i ena tikachicha'aviana.

San Juan 7:17

Te etiari'inapuka eti ewara'a'i ítaucha eta mawanairipiana ema Viya, ímatiakawaneyare eta juka nímiturapiana'i étaira'i tiási'a'i eta me Viya. Wa'i nútijiriruwaina'ini eta nímitusira'i.

Romanos 12:2

Éneichuware eta ítaresirana, waipa ekue'ika eta taye'erepi eta juka apake'e, ítsiwachapasera eta epanereruana, apaesa támutupa apanaina'i eta ítaresiraina, tási'a, ímatisarepa eta mawara'akeneana'i ema Viya, ítukayarewa icha eta táurikeneana. Ekurisamurechayare ema eta íchira eta tatupiruwakeneana'i.

Romanos 14:7

Eta vítaresira tási'a étapa eta vépenira, wa'i vítijiriruwaina'ini, émapa técha'avi'i ema Viya.

Romanos 6:11

Ene eka'eyare eti, ékarainapa tamutu eta tapamisira'éni eta epekaturana. Puiti eta ítaresirainapa, makarichu ema Viya ekaematanearuya, táichavene'i eta iúrujiasira'i ema Viákenu Jesucristo.

Romanos 6:2

Wá'ikenesera táurika'ini vímiyanawa'ini vicha. Taicha tépa'aipa eta tapamisira'avini eta pekatu.

Romanos 7:4

Ene eka'e'i eti nuparapenaveana. Ema Cristo, máepenina'e'i te crusu, makaepa'aipa eta tapamisira'éni'i eta wanairipiana, puiti émapa técha'e'i ema Cristo. Puiti mawanara'eipa ema Cristo, ema máechepurekene'i te máekari. Mawara'a'i ichapeyare'i eta ekaemataneasiraina eta maye'e ema Viya.

2 Corintios 5:15

Ema Cristo, máepenina'avi'i te crusu. Eta taka'e, tatuparaka vítsirijikawa vikaemataneaka ema. Tási'a puiti, viti machanera'avipa. Waipa vítijirikawaima'i. Émapa técha'i eta vítaresira, taicha eta machavira'i títareka.

Efesios 2:3

Vimutu viti, taka'eni'i eta vítaresira'i eta akane. Étachucha vé'ika'i eta tawara'akeneana eta viáke'e. Vítijirikawaipa'i vícha'i eta tajamurachakeneana eta viáke'e, étapa eta vipanereruana tamaurikeneana'i. Ichapemuri'i eta vímiyusemasira'i ema Viya, vikuti'i ena apamuriana masuapajiraira'ana'i maye'e.

Efesios 4:17

Eta juka numetarapiana eye'e, nutuparaka'eicha, taicha matupararunu'i ema Viya: waipa ekuapecha ekukicha eta náichakeneana'i ena máimatira'ana'i ema Viya, náicha'i ena eta náitaresira'i jákani tawara'akeneana'i eta napanereruana

Efesios 5:17

Takuija eta esunsuwanaina. Epanerechayare, apaesa ákaikutiara yátupi eta mawara'akene'i ema Viákenu.

Efesios 6:6

Ewapinawayare'i te esamureana eta ekaematanera, wa'i takukarichu te natiari'i ena iákenuana'i te emira'u, ewarairainachucha eta nakunacha'e, wa'i ekuyakujiriri'a eta ekaemataneraina taicha eti machanera'e'i ema Viakenu Jesucristo, ímiyanawayare eta ichira eta mawanairipiana ema Viya.

Colosenses 1:9

Eta taka'e, te visamairika'epa, viyaseucha'eparaka me Viya tamutu te viyujarasirana, viyaseucha'e'i máijaraka'eni eta ítusiraina, ímatiraina yatupina eta mapanereru'i ema Viya, máijaraka'e'iwaréni eta échemaraiwaina'ini, ekaikutiarayare eta máechajiriruwana, máichavenena'ini ema Machanewa Viya.

Colosenses 3:3

Taicha íjararuwaipa eta ínajisirayare eta júkana, puiti tikaitareka'eipa ema táichavene'i eta iáwa'asiraipa ema Jesucristo.

Colosenses 4:12

Téchejika'eware ema Epafras, ema maka yátupikene'i mawanara ema Jesucristo. Tétavikawa'i eta máecharairisira'e'i eti te mayujarasirana, mawaraira'i ímiyanawa'ini étumechawa yátupina'ini ítaucha'ini eta mawara'akeneana ema Viya.

1 Tesalonicenses 5:18

Tamutu jákani íchararakawana'i, e'asulupayacha ema Viya, taicha eta mawara'a'i ema Viya eka'eyare eti é'ikana'i ema Viákenu Jesucristo.

Hebreo 13:21

Ema Viya, máimikataka'e'ini ítaucha tamutu eta mawara'akeneana, íchira'i eta táurikeneana apaesa ekurisamurecha'ini ema, tamutu eta ítaresira eta é'isira'i ema Machicha Jesucristo. ¡Máitawakakayare eta vikunachira ema Cristo! Amén.

Santiago 1:18

Taicha ema mawaraira'i machicha'aviyare'i, eta taka'e tijaraka'avipa eta arairu vitaresirayare'i, taye'e eta yatupikene maechejiriruwa, taicha maichekuarakirenapa eta vitaresira.

1 Pedro 1:14

Ímerekawayarewa eta machichaira'e'i, esuapajira'iyare. Waipa ekukicha eta íchakeneanaini eye'erepianaini kape juka te wicha'a ímati'ini ema Viya.

1 Pedro 2:1

Eta taka'e, támutupa ínajika eta ewainararajiwanaini'i, tamutu eta ekaetemaraiwaini'i, eta apipiemaira'eni'i, eta ekapinaruraiwaini'i, étapa eta écheji'iwanaini'i.

1 Juan 2:17

Numetaka'e puiti, títawainapaipa tamutu eta apake'e, énerichuware títawainapaipa tamutu eta najamurachakeneana ena achaneana. Vítisera, te visuapa eta mawara'akene ema Viya, máichekuarakirenapa eta vítaresira.