1 Pedro 3:9 - Táurinakene máechejiriruwa’i ema Viya tikaijare

⁹ Tijurikati natupiaka'epuka, náume'a'e, wá'isera ekujikapa, eyaseakachucha ema Viya eta náurikakarewaina, taicha mawara'a ema Viya vijapanura'iyare'i víti, vikutiyare ema eta majapanuraiwa'i, tatiari'iyare táitsiwayare viye'e máicha.

Ignaciano

⁹ Tijuricati natupia­ca­hepuca, náumehahe, váhisera ecujicapa. Eyasea­cachucha ema Viya eta náurica­ca­revaina. Taicha mavaraha ema Viya vijapa­nu­ra­hi­yarehi víti, vicutiyare éma eta majapa­nu­raivahi. Tatiari­hiyare táitsivayare viyehe máicha.

1 Pedro 3:9 ပူးပေါင်းရင်းမြစ်များ

San Mateo 19:29

Namutu nákani nakikana'i eta napenana, najunijika'iware ena tikachichana, ena naparapenaveana, ena nayenana, ena nachichanaveana, étapa eta naye'eana apake'e táichavene'i eta nuye'e, ena najachapayare eta taitsiwayare. Tási'a te táitekapapa te apana víitaresira tavetijinapa, máichekuarakirenapa.

San Mateo 25:34

Tási'a, máichainapa ema Rey ena tiávi'ana'i te nuwaure: ‘Yare eti, iúrikakareana'i, manerejiruana'i ema Tata, níjaraka'enapa eta etupara'ayare, íkuchi'i maye'e ema Viya akane te tépanawainapa eta apake'e.

San Mateo 5:39

Nutisera numetaka'e: Wa'i ekujikapa te masema mákani achane wínaraji, tiuripana, te náe'a'epuka te emira te waure, íjarakachucha éneichuware eta apachakaya eta emira.

San Mateo 5:44

Nútisera numetaka'e: Émunakayare nákani tikatianaka'eana'i, eyujarauchayare nákani tipanajirika'eana'i.

Marcos 10:17

Te tiyanayarepa ema Jesús tipaika, maka'epainecha ema émana achane. Tijunapapaipa'i matupirupa máepuyumiraucha te mamira'u ema, tási'a mayaserekapa: –Tata maestro, ¿tasája'apukaini nícha'ini eta taurikene, apaesa máichekuarakirena'ini eta nítaresira?

San Lucas 10:25

Matiari'i'i ema émana escriwánuana, mawara'a'i téchejirikawayare'i maye'e ema Jesús, eta mawaraira'i makaikutiarayare'i, mayaserekapa: –Tata maestro, ¿tája'apukaini nícharakawaini, eta nítujisiraini eta maichekuarakirena te apana vitaresira?

San Lucas 18:18

Ema tachutiri'apa'i mayaserekapa ema Jesús: –Tata maestro, ¿tasája'apukaini nícha'ini eta taurikene, apaesa máichekuarakirena'ini eta nítaresira?

Romanos 12:14

Te natiari'inapuka nákani náe'a'e, napanajirika'epuka, ejapanuyare ena. Eyaseuchaya me Viya eta náurikakarewaina. Wá'isera ekuyaseucha jákani náikuñawanena.

Romanos 12:17

Te tatiari'inapuka náicharaka'e eta nakatichira'e, wa'i ekuitsikawa, íchayaresera eta jákani táurikeneana'i naye'e namutu ena achaneana.

Romanos 8:28

Véchaipa'iware tétavikawa'i eta majaneasira'avi'i ema Viya vimutu viti vémunakana'i ema. Tayanapane vikatajiwa'ipuka, ema tamutu'i tiuri máicha. Títauchawayare eta mapanereruana ema eta viúrikakareyare'i eta máichuira'avi'i.

Romanos 8:30

Ena manerejiruana'i ema Viya, maíchu'awarepa; eta nasuapira'i napauchapa ema, majakapawakapa. Tási'a, ena tijakapana'i maíjarakawapa eta naíkuchi'i eta naisiapiraya taye'e eta majaraiwa.

Gálatas 3:14

Ema máicha'i eta juka, mawaraira'i eta iúrikakarewayare eti apawasana táichavene'i eta ekutira'i ema Abraham eta makasiñaira'i ema Viya, puiti, tétavikawa'i eta viúrikakarewa vimutu, taicha tiáwa'aka'avi'i ema Machanewa Viya máijararu'avi'i ema Viya táichavene'i eta vikasiñaira'i ema Jesucristo.

Efesios 4:32

Táitsiwa étaviuchayare eta iúriwayare naye'e nákani apamuriana, ejapanura'iyare. Te tatiari'ipuka eta náejekapirawa, ejapanukakayare, taicha ene maka'e'i ema Viya eta majapanuira'e'i máichavene'i ema Cristo.

1 Tesalonicenses 5:15

Échapawayare, tijurikati natiari'ina nawara'a titupiaka'eana, wa'i ekujikapa. Wá'isera ekuitsikawa. Ímerekayaresera eta iúriwaya naye'e ena echamuriana, énapa namutu ena apamuriana achaneana.

Hebreo 12:17

Échaichu'i eti, te táekenepa, te mawara'ainipa majakapa eta mayujara'u ema maiya, waipa majakapakare'ini, mametainipa tíya'a'i. Waipa marata'a'ini makajimuyaka'ini ema maiya.

Hebreo 6:14

Ánipa máicha: “Yátupiyare eta níjarasiraviyare eta piúrikakarewayare, tási'a, níjarakaviyarewa eta náichapemuriwaya ena piámariekeneana.”

1 Pedro 5:10

Ema Viya, tíchu'a'avi'i, mawara'a'i visiapa te máwasa, táichavene'i eta vé'isira'i ema Jesucristo. Ánipinesera eta ekatajiwairaya puiti juka sácheana. Émasera ema Viya, tétavikawa'i eta majapanuraiwa'i. Ema, tímararaka'e'i eta ekamichira'i; tási'a ema, tíjaraka'enapa eta ewayuchirawaya eta etúmewaya.