1 Pedro 3:8 - Táurinakene máechejiriruwa’i ema Viya tikaijare

⁸ Ámutu eti, ákutikaka'i eta epanereruana, ejapanukaka, émunakakaware naye'e namutu ena echamuriana, ekajira'i, mánsu'ena'i.

Ignaciano

⁸ Ámutu éti, ácuti­cacahi eta epane­reruana. Ejapa­nucaca, émuna­ca­cavare nayehe namutu ena echamuriana. Ecajirahi. Mánsuhénahi.

1 Pedro 3:8 ပူးပေါင်းရင်းမြစ်များ

San Mateo 18:33

Piúri'aine'i pájapanu'ini píti apanaware ema pichamusuwa'i, tákuti'ini eta nujapanuiravi'i núti.’

San Lucas 10:33

Taka'e, maka'epaipaware ema apana achane. Ema samaritano, te máima'apa ema makájarakene'i, majapanuine'i.

Hechos 2:1

Te títekapapa eta piesta tikaijare'i Pentecostés. Tiúrujikawanapa ena te'ikana'i ema Jesús.

Hechos 27:3

Te apanapa sache, vítekapapa te anuereku Sidón, taka'e, ema Julio majapanuine'i ema Pablo, máisapapa tiyana máejirapanawaka ena majiriareana, apaesa náechapajirika ena.

Hechos 28:7

Te tachakaya eta vécharisinewa'i, tatiari'i eta petiana, maye'eana'i ema tikaijare'i Publio. Émapa tíchua'avi'i téchapajirika'avi'i eta jena mapanakene'i sache.

Hechos 4:32

Namutu ena te'ikana'i, tisuapajira'iana'i, tikutikaka'i eta napanereruana eta nakajikakaira'i. Namutu nákani téchana'i eta náima'akeneana nakaye'ekeneana'i, wa'i nayawani'akaka'ini.

Romanos 12:10

Tiápajukawainapa eta émunajirisirakakaina eta echamurikakaira'i. Yátupina eta epikauchirakaka'i.

Romanos 15:5

Puiti nuwara'a máijaraka'e'ini ema Viya eta ewaraira'i ekutiya ema Jesucristo eta mapanereruana, étaipa wa'i mákarichu'ini makurisamurechawa'ini. Ema Viya máetumecha'e'ini emutu, makurisamurecha'ewaréni te jákani íchararakawanapuka, apaesa táuri eta ekachanekakaira.

1 Corintios 1:10

Nuparapenaveana, nechejika'e te maijare ema Viákenu Jesucristo nuyaseaka'e emutu iúrujikawa'ini etanainaichu'ini eta epanereruana, wa'iware ekuiputsimuri'akaka taurina eta ítaresiraina émunakaka, tauruikawa eta epanereruana.

1 Corintios 12:26

Étaipa te tatiari'ipuka eta táichawakenewa'i eta táunawa'i eta viáke'e, támairiaka'i tikati eta viáke'e. Té'esera tatiari'ipuka eta táurisamurewa'i taicha eta táitupajijiasirawana'i, tamutuyare'i eta viáke'e tiúrisamure.

Efesios 4:2

Yátupina eta emansuwaina, étapa eta émunaraiwaina, ekamichayare tamutu, ímikatakaka eta émunasirakakaina eta etijikakairaina.

Efesios 4:31

Wáipa ekunaka eta semanereana, waipaware ekatianara'ima'i, wáipaware ekusemarairi'i, wá'iware ekuijajachawa ekapiarakawa, wa'i ekuichanareka. Ínajikaya eti tamutu eta júkana tamaurikeneana.

Efesios 4:32

Táitsiwa étaviuchayare eta iúriwayare naye'e nákani apamuriana, ejapanura'iyare. Te tatiari'ipuka eta náejekapirawa, ejapanukakayare, taicha ene maka'e'i ema Viya eta majapanuira'e'i máichavene'i ema Cristo.

Filipenses 2:3

Eti eta ítaresiraina, takuija eta ekasiñawawaisiraina, wá'iware ekuimijuki'a eta ewara'akeneana, nuwara'asera ímereka'ini eta emansuwaina naye'e ena echamuriana; éna'i émunarukeneana'i, ima'a ena apamuriana tiuripanana eta eye'e eti.

Filipenses 3:16

Étasera wara'akare, eta wámutu viti ve'ika eta vikapayaruipa etanainaichupa eta vipanerecha.

Colosenses 3:12

Ema Viya tétavikawa'i eta máemunasira'e'i, eta taka'e, tinerejika'e'i eti machaneranayare'i ema, ekutipaipa ema, eta masantuwa'i. Eta taka'e, puiti étijiwainapa ekarawa'uyare eta táuriwayare eta ítaresirayare, étaviuchayare eta ejapanuraiwaya, émunara'iyarewa, ímerekaya eta emansuwayare, ekamicha tamutu.

Hebreo 13:1

Wa'i ekukainajiruwa eta émunajirisirakaka'i eta echamurikakaira'i táichavene'i eta eparapekakaira'i, te mawa'uana ema Viya.

Santiago 2:13

Taicha nákani majapanuraira'ana'i naye'e nákani apamuriana, tájinaware najapanukarewaima'i te nakayasesere'ipa. Nákanisera tijapanura'iana'i, ichape eta najakapakarewanaya me Viya te jena sácheyare.

Santiago 3:17

narari'isera ena yátupikene'i eta náechemaraiwa, tási'akene'i me Viya. Tikatiura'iana'iware naye'e ena apamuriana, tijapanura'ianaware. Eta náichira'i eta táurikeneana, tikajira'iana'i, nájina nanerejiruina. Tatupiruwa'i eta náechejirisirawana.

Santiago 5:11

Ichape eta nakunachakarewa'i eta viye'e nákani tikamichana'i eta nátajiwana'i. Échaichu'i eta makamichira'i ema Job. Écha'iware eta táurikene'i máijarakasi'i me Viákenu. Taicha tétavikawa'i eta majapanuraiwa'i ema Viákenu.

1 Pedro 1:22

Puiti tipachinaipa eta iáchanewana táichavene'i eta esuapira'i eta yátupikene máimiturapiana ema Jesucristo. Eta taka'e, ímerekawainapa puiti yátupina eta émunasirakaka'i naye'e ena echamuriana. Ewapinawaware eta te esamureana eta émunasirakakaira'i.

1 Pedro 2:17

Epikaura'iyare naye'e namutu ena achaneana. Émunajirikakayare naye'e ena vichamuriana. Ímereka eta epikauchira'i ema Viya. Epikauchayare'iware ema rey.

1 Pedro 5:5

Eti apanaware, eti amaperuana esuapayare eta nawanesira'eana ena víyara'ana. Emutuyare esuapakaka, mánsu'ena'i. Taicha: “Ema Viya wa'i majapanuima'i ena tikasiñawawairikana, tétavikawasera eta majapanuirawakaya ena mánsupanereruana'i.”

2 Pedro 1:7

Epamikawa'iwareni iápajukaya eta émunaraiwa'i naye'e ena echamuriana, ekajirayare, epamikawa'iwareni eta émunaraiwa'i naye'e ena apamuriana achaneana, tayanapane wa'i náe'ika'avi'ini.

1 Juan 3:14

Víti vécha'i, te táekeneraya eta vépeniraya. Vikaiju'enapa eta vítaresiraya máichekuarakireya. Vécha'i eta juka, táichavene'i eta vémunasira'i ena vichamuriana. Énasera ena wa'i náemunaka'ini ena nachamuriana, nanasi'ichu. Wa'i tiúchuku'anaima'i eta náepenira.