1 Pedro 3:7 - Táurinakene máechejiriruwa’i ema Viya tikaijare

⁷ Étipa ajairana ekaparapekeneanapa, ejapanuyare ena eyenana. Ejaneakaware, écha'i ena eta wa'i túmena'ini, yátupina'isera eta émunasira'i ena, taicha ekutikakayare eta ejakapirayare eta íkuchi'i eta ítaresiraya maye'e ema Viya te jena sacheyare, te iuri naye'e, esamakareya te eyujaraka.

Ignaciano

⁷ Étipa ajairana ecaye­na­queneana, ejapa­nuyare ena eyenana. Ejanea­cavare, échahi éna eta vahi túmenahini. Yátupi­na­hisera eta émuna­sirahi éna, taicha ecuti­ca­cayare eta ejaca­pi­rayare eta ícuchihi eta ítare­siraya mayehe ema Viya te jena sácheyare. Te iuri nayehe, esama­careya te eyujaraca.

1 Pedro 3:7 ပူးပေါင်းရင်းမြစ်များ

San Mateo 18:19

“Éneichuware, te etiari'ipuka eti te juka apake'e apina'e'i, ekurujikaka'i te níjare, nutiari'iyare'i núti. Tási'a te étanaichu'i eta epanereru'i, tikutikaka'i eta eyaseserepi te maye'e ema Tata, ema tíjaraka'eyare.

1 Corintios 7:3

Mákani achane te sutiari'ipapuka esu mayena, takamunu'i máitauchayare eta máitatiraya máemunasiraya esu mayena. Ésuipa esu esena te tikaimaipapuka, éneichuware suítauchayare eta suítatiraya suémunasiraya ema suima.

Efesios 3:6

Ani taka'e'i eta juka tayumururewanaini'i: Eti apawasana, eti apanaware ejákapakare'iware maye'e ema Viya maicha ema Jesucristo, iúchuku'ayare táichavene'i eta é'isirayare eta vimetarairuana, esiapamuri'a'aviyare viti machanerana ema Viya, etamuri'avipa, vikutikakainapa eta víkuchi'i viti israelítana.

Efesios 4:30

Wa'i ekuisapawa ícha jákani tamaurikeneana, machu ímipanerereka ema Machanewa Viya. Eta máwa'asira'e'i tímikutijirikawaipa'i eta manasira'ini eta maikutiara eta eye'e, taicha ímatikareipa'i, te taítekapapa jena sácheyare viúchukuirayare.

Efesios 5:33

Tási'a, nuwara'a yátupina ákaikutiara eta juka nukayemakene'i, tituparaka'e'i eti ajairana, yátupina eta émunasiraina ena eyenana takuti eta émunasira'i eta iáke'e, éneichuware eti esenana, tituparaka'e'i epikauchayare'i ena ímanaveana.

Efesios 6:18

Eyujaraka, eyaseakaya ema Viya máijaraka'e eta etumewaina. Eta eyujarasirana, takuija ta'apapirika'e eta máimitusira'e'i ema Machanewa Viya. Wa'i ekuyakuji eta eyaseuchirawaka namutu ena vichamuriana, majaneakawaka'ini ema Viya.

Colosenses 3:19

Eti apanaware eti náimanaveana'i, émunakayare ena eyenana, wa'i ekuímipananajika ena.

1 Tesalonicenses 4:4

nakuchapa eta náitauchirawaina yátupina te mamira'u ema Viya, emutu eti, yátupina eta émunasiraina ena eyenanaveana,

Tito 3:7

etasera te taekenapa eta majakapira'avi'i tijaraka'avipa eta tauriwayare eta vitaresira etapa eta vijachapirayare eta vikuchi'i maichekuarakirenapa eta vitaresira.

Hebreo 1:14

Taicha namutu ena ángeleana machanewana'i, mawanarana'i ema Viya, ena, mawaneruana'i tijaneaka'avianayare'i vimutu viti makuchukureanayare ema Jesús

1 Pedro 3:1

Takutikene eti esenana ekaimakeneana, epikauchayarewa ena ímanaveana, apaesa mákani wa'i masuapa'ini eta máechejiriruwana ema Viákenu, ekajimuyaka eta nasamureana táichavenena'i eta iúriwa'i naye'e,