1 Pedro 3:5 - Táurinakene máechejiriruwa’i ema Viya tikaijare

⁵ Taicha akane ena vénara'ana esenana náinapureana'i té'ikana'i ema Viya, taka'e'i eta náurinachirawa'i eta náitaresirana, taicha yátupi'i eta nakasiñawaira'i maye'e ema Viya, tási'a, tétavikawa'i eta napikauchira'i ena náimanaveana.

Ignaciano

⁵ Taicha acane ena vénarahana esenana náinapu­reanahi téhicanahi ema Viya, tacahehi eta náurina­chi­ravahi eta náitare­sirana, taicha yátupihi eta nacasi­ña­vairahi mayehe ema Viya. Tásiha, tétavi­cavahi eta nasuapa­ji­raivahi nayehe ena náimanaveana.

1 Pedro 3:5 ပူးပေါင်းရင်းမြစ်များ

San Lucas 2:37

Ochenta y cuatro añuipa'i eta suépenaimawa'i. Sunasikene'i sukapena'i esu te templo, tamutu'i sácheana, yátiana, tíjima'i, tiyujaraka'i esu.

Hechos 1:14

Namutu ena maparapenaveana ema Jesús, ésupa esu maena María, énapa ena apamuriana esenana tiurujikawana'i tamutu sacheana eta nayujarasira'i.

Hechos 9:36

Te jena sácheana'i, sutiari'i esu esena tikaijaru Tabitá, te naéchejiriruwa griego eta takayemakene'i Dorcas. Esu, tikawasa'i eta te awasare Jope. Ésuichu'iware té'ika'i ema Jesús. Eta suítaresira'i esu suka esena, sukajiwaka ena páureana eta suíma'akeneana.

Efesios 5:33

Tási'a, nuwara'a yátupina ákaikutiara eta juka nukayemakene'i, tituparaka'e'i eti ajairana, yátupina eta émunasiraina ena eyenana takuti eta émunasira'i eta iáke'e, éneichuware eti esenana, tituparaka'e'i epikauchayare'i ena ímanaveana.

1 Timoteo 2:10

Étaipa náurinawa'i yátupikene'i, eta náimeresirawaina eta yátupina náe'isira'i ema Viya, náichirainaware eta táurikeneanapa.

1 Timoteo 2:15

Tási'a, tikatajiwainapa eta suínasirana, puíticha tanasi'i naye'e ena esenana, tiúchuku'anayaresera, te náimiyanawa náe'ika ema Jesús, étapa eta náemunasiraina ena vichamuriana, takuijaware natapirawaina te mamira'u ema Viya, táuri'ini eta napanereruana.

1 Timoteo 5:10

Ésupa súkani tímatikare'i eta táuriwana'i eta suématanerepiana. Súkani tiúri'i eta sukajurusira'i ena suchichanaveana. Súkani tijakapara'i te supena naye'e nákani tichimarachanapa'i. Súkani tiuri eta suéchapajirisira ena vichamuriana. Súkani tamutu'i suítapara'a suicha eta táurikeneana.

1 Timoteo 5:5

Súkani tépenaima'i sukarichu'ipuka, nájina suchichaina'i, nájinaware suviyawa'i. Sukuchapainapa eta tási'akeneya maye'e ema Viya, taicha suíjararuwaipa yátupi eta maye'e. Tiyujarakainapa te sacheana, te'epa yátiana.

Hebreo 11:11

Ésuipa, esu Sara tikasiñawa'iware maye'e ema Viya, máitauchayare'i eta máijarasirawa eta sukachichairaya, ichavikachichaipa'inéni. Macheru'iware esu. Máijaraka'isera ema Viya eta suchicha, taicha eta susuapira'i eta máitauchirayare ema Viya tamutu eta máijararuwana'i eta suye'e.

1 Pedro 1:3

Tétavikawa'i eta vikunachira'i ema Viya, Makaiyakene ema Viákenu Jesucristo, tétavikawa'i eta majapanuira'avi'i, tepanawa'i maicha eta vitaresira eta machavira'i titareka ema Viákenu Jesucristo. Eta juka yátupikenepa eta viuchukuiraipa,