1 Pedro 3:4 - Táurinakene máechejiriruwa’i ema Viya tikaijare

⁴ taimereka eta iurinawaya ímerekayarewa eta iúriwa yátupikene'i, tási'akenena te esamureana, maitawakakaina'ini eta iurinawaina, taurikakare'ini eta iachanewana. Eta juka iurinawayare tiuripana'i taye'e eta te mamira'u ema Viya.

1 Pedro 3:4 ပူးပေါင်းရင်းမြစ်များ

San Mateo 11:29

Ísapawa nunakasika'e eta nuye'e yubu, tási'a ekarawa'u nuye'e, taicha núti mánsunu, tétavikawa eta núriwa eta nusamure. Eta taka'e ejachapayare eta enarasirayare.

San Mateo 21:5

“Emétakawaka ena achaneana tikawasana'i te jena awasare Jerusalén: ‘Apaesa natsekawa eta najakapirayare ema naye'eyare Rey. Tétavikawa'i eta mamansuwapa'i, tikaperayare eta burru, tachicha eta burra.’ ”

San Mateo 23:26

¡Fariséuana puchuki'ewaka: tatiwa esipajuechayare eta wasu, tási'a pachinasarenapa te aneka!

San Mateo 5:5

“Tétavikawa eta náurikakarewaya ena mánsuana'i, taicha máijarakayare eta arairu apake'e náikuchi'i.

San Lucas 11:40

¡Maecharaireana! ¿Wa'i echa?, wa'i tákarichuima'i máima'a te aneka, éneichuware máima'a'i eta tiávi'ana'i te ama'e.

San Lucas 16:15

Ema Jesús máichawakapa: “Eti epiyakawa'i iúri'i eta ímairawa'i naye'e ena achaneana. Émasera ema Viya máimati'i eta esamureana. Makatianaka'i ichape ema eta apimira'era'i.

Romanos 1:23

Waipa najiraucha'ini ema Viya máepenakaka'i, wáipaware mapikauchakare'ini naye'e, tási'a, náemitisikaipa ema, nasapi'apa najiraucha'i eta nasiñarajiana achanemirana matumeraira'ana'i náipunechucha ena achaneana, tamutuchucha nakasiñarajipa'i kayurepuka, kicharepuka, sáraremirapuka.

Romanos 2:29

Nákanisera yátupikene'i eta nasuapajiraiwa, jé'eware ena juriyuana wa'i tákamesaima'i nanaka eta naikutiarana te náke'eana, taicha ena yátupikene'i nama te nasamureana: Wa'i étaparakina eta naitauchiraya eta naye'erepiana, taicha eta juka tiasi'a me Viya, wa'i napanereruina ena achaneana.

Romanos 6:6

Takutikene, eta tamauriwaini'i eta ichasini vítaresira takapekaturaraiwaini'i, tímikutijirikawa'i te vikakenureka. Puítisera táekarasipa eta ichasi vítaresira, takuti'i eta náekarairaipa ema Viákenu Jesús.

Romanos 7:22

Étasera eta viáchanewa, tétavikawa'ineni eta tajamurachira'i vícha'ini eta mawara'akeneana'i ema Viya.

2 Corintios 10:1

Nuti Pablo, nuyaseaka'e eta ímatiranuína eta némunasira'e'i. Nukuti'i eta máemunaraiwa'i ema Cristo. Etiari'ipuka eti ímijacha'i népiyakawa'i nuri te emira'u; tási'a, te nuyere'i'eware, tétavikawa'iji eta nuwínarajiwa'i mapikauraira'anu'iji.

2 Corintios 4:16

Eta taka'e, wáipaine'i vikainajiruwaima'i. Tayanapanepuka tivitaji eta viáke'e, étasera eta viáchanewa tétavikawaichucha eta tatumewa tamutu sácheana.

Gálatas 5:23

Eta viuriwaina vitijiwa vikaratawa. Je'eware puiti tajina wanairipina tarata'aima'i takanara tamutu eta juka.

Efesios 4:2

Yátupina eta emansuwaina, étapa eta émunaraiwaina, ekamichayare tamutu, ímikatakaka eta émunasirakakaina eta etijikakairaina.

Colosenses 3:12

Ema Viya tétavikawa'i eta máemunasira'e'i, eta taka'e, tinerejika'e'i eti machaneranayare'i ema, ekutipaipa ema, eta masantuwa'i. Eta taka'e, puiti étijiwainapa ekarawa'uyare eta táuriwayare eta ítaresirayare, étaviuchayare eta ejapanuraiwaya, émunara'iyarewa, ímerekaya eta emansuwayare, ekamicha tamutu.

Colosenses 3:3

Taicha íjararuwaipa eta ínajisirayare eta júkana, puiti tikaitareka'eipa ema táichavene'i eta iáwa'asiraipa ema Jesucristo.

1 Tesalonicenses 4:11

Éneichuwa viápechawa vituparaka'e tauri eta ítaresiraina. Échapajirika eta émataneana. Ekaemataneakawa yátupina,

2 Tesalonicenses 3:12

Eti'i íchana'i eta juka, viwaneka'e te máijare ema Viákenu Jesucristo, yátupina táuri eta ekaemataneraina, eviyayare eta ekamunukeneana.

1 Timoteo 2:2

Énerichuware eyaseuchayare ena akenukana énapa ena apamuriana tuparairukana, apaesa táuri eta náechapajirisiraina eta awasareana, wá'ini vikuima'aini eta táiñe'ikeneana, víti vímiyanawa'ini viúri'ini te mamira'u ema Viya, vikapika'u'ini naye'e ena achaneana.

2 Timoteo 2:25

enaipa ena viánarana'i, tiúriyare eta véchejirisirayare. Vikuchapayare eta táetupirisirawaina eta napanereruana, máijaraka'ini ema Viya nasuapiraina eta máechejiriruwa,

Tito 3:2

Wa'i nakuechejika naye'e nákani achaneana, wá'iware nakume'areka, wá'iware nakutupiara'i, mánsuanainasera, najapanura'i naye'e ena achaneana.

Santiago 1:21

Eta taka'e ínajikapa eta tamaeperajisira eta iáchanewana, taicha tétavikawaware eta tapamisira'avi'i icha eta tamaurikeneana, puítisera nutuparaka'e, ínajikapa tamutu eta júkana, ekasamureyarepa eta máechejiriruwa ema Viya eta ímitukasiwana'i, yátupina esuapa, jé'eware, eta tikuchuku'a'eyare eta iachanewana.

1 Pedro 1:23

Kape juka, eta ítaresira'i, tájina wa'i íturuekene'a'ini eta iúchukuiraya. Puítipasera machicha'eipa'i ema Viya. Ítsiwachaipa'i eta ítaresiraini'i eta esuapira'i eta máechejiriruwa. Eta tikaitareka'eyare'i; jé'eware eta máitawakaka'i.

1 Pedro 3:15

íjarakawasera yátupi eta é'isira ema Viákenu. Te nayasereka'epuka eta takayema'ipuka eta é'isira'i ema Cristo, táuri eta ejikapirawaka taye'e eta ekuchapakene.