1 Pedro 3:1 - Táurinakene máechejiriruwa’i ema Viya tikaijare

¹ Takutikene eti esenana ekaimakeneana, epikauchayarewa ena ímanaveana, apaesa mákani wa'i masuapa'ini eta máechejiriruwana ema Viákenu, ekajimuyaka eta nasamureana táichavenena'i eta iúriwa'i naye'e,

Ignaciano

¹ Tacutiquene eti esenana ecaima­queneana, epicau­cha­yareva ena ímanaveana, apaesa mácani vahi masuapahini eta máechaji­ri­ruvana ema Viáquenu, ecaji­mu­ya­sa­mu­re­chavaca táichave­nénahi eta iúrivahi nayehe.

1 Pedro 3:1 ပူးပေါင်းရင်းမြစ်များ

San Mateo 18:15

“Te tatiari'ipuka eta máejekapirawa'i ema piparape eta piye'e, tituparakavi pechejirikayare ema. Tási'a, piputsiakayare eta pechejirisirayare, pimetasiraya eta máejekapirawa'i. Te masuapavi ema piparape, pepachinachaipa eta mapanereru.

Romanos 10:16

Wá'isera námutu'ini nasuapa'ini eta juka arairu'i vé'iru'i vímitukakene'i. Ema Isaías, ani maka'e'i: “Tata Nákenu, ¿ánimurianaichu ena tisuapana'i eta juka nímiturapiana nuwana'iana piye'e?”

Romanos 6:17

Nu'asulupayachasera ema Viya eta ínajisiraipa eta tapamisira'éni'i eta pekatuana. Puiti tatupiruwaipa te esamureana eta esuapira'i eta vé'iru'i ímitukasiwa'i.

Romanos 7:2

Tímikutijirikawa'i súkani esena sukaimakene, tatuparaka'i suitauchayare eta wanairipi supikauchayere ema suima te achaneicha'a ema te'esera te tepenapa ema siuma esu esena esu tépa'apa eta takayemakene eta wanairipi eta supikauchira ema suimaini'i.

1 Corintios 11:3

Nuwara'asera némecha'eyare eta juka apanaware téchakare'i, ema Tata Vikaiyakene, ema machutiri'a'icha ema Cristo. Ema Cristo, émapa vichutiri'a'i vimutu viti ajairana. Ene naka'e'i ena ajairana nakaparapekeneana, ena nachutiri'ana'iware ena esenana nayenana.

1 Corintios 14:34

Ena vichamuriana esenana timatinanayare'i, wa'i téchejikanaima'i. Nasamarasinawaichucha. Taicha suíjaraichu'i me Viya esu esena susamararasirayareichu'i.

1 Corintios 7:16

Taicha piti esena, wa'i pecha te pimaitakayarepuka pikajayayasamurecha ema pima eta máe'isiraina ema Viya. Píti'ipa piti achane, wá'iware pecha te pimaitakayarepuka pikajayayasamurecha esu piyena eta sué'isiraina ema Viya.

Efesios 5:33

Tási'a, nuwara'a yátupina ákaikutiara eta juka nukayemakene'i, tituparaka'e'i eti ajairana, yátupina eta émunasiraina ena eyenana takuti eta émunasira'i eta iáke'e, éneichuware eti esenana, tituparaka'e'i epikauchayare'i ena ímanaveana.

Colosenses 3:18

Éti'ipa eti esenana ekaimakeneanaripa'i, epikauchayare'i ena ímanaveana, esuapajira'iyare eta naye'e, taicha etupara'a'i eta é'isira'i ema Viákenu.

Colosenses 4:5

Táuri eta ítaresiraina naye'e ena máe'ikara'anaicha'a ema Jesús. Ekamapurawacha'a puiti juka sácheana eta ímitusirawaka'i.

2 Tesalonicenses 1:8

Eta tímitekayare ema, máikuñakayare ena wá'ikene náwara'a'ini náimati ema Viya, wá'iware náwara'a'ini nasuapa eta máechajiriruwa.

Hebreo 11:8

Émapa ema Abraham, masuapa'iware eta máichuira'i ema Viya, máijarasirayare eta apana apake'e máwasayare'i. Taka'e, ema Abraham tiúchukapa te máwasaini, wá'ineni máimati'ini távi'apuka eta makaiju'eyare'i,

Hebreo 5:9

Eta tamutuirapa eta máepenira'i, téchepukawarepa, tási'a marata'apa eta makuchuku'aira'aviyare vimuti viti visuapana'i ema. Máitawakakayare'i eta vítaresiraya máicha,

1 Pedro 1:22

Puiti tipachinaipa eta iáchanewana táichavene'i eta esuapira'i eta yátupikene máimiturapiana ema Jesucristo. Eta taka'e, ímerekawainapa puiti yátupina eta émunasirakaka'i naye'e ena echamuriana. Ewapinawaware eta te esamureana eta émunasirakakaira'i.

1 Pedro 3:2

Waipa tákamesaima'i échejirika, taicha náima'ayare eta esuapajiraiwa'i naye'e, epikauchira'iware.

1 Pedro 3:7

Étipa ajairana ekaparapekeneanapa, ejapanuyare ena eyenana. Ejaneakaware, écha'i ena eta wa'i túmena'ini, yátupina'isera eta émunasira'i ena, taicha ekutikakayare eta ejakapirayare eta íkuchi'i eta ítaresiraya maye'e ema Viya te jena sacheyare, te iuri naye'e, esamakareya te eyujaraka.

1 Pedro 4:17

Puiti juka sácheana viáwakure'i, táitekapaure'avi'ipa ichape eta vikatajiwairayare, viti manerejiruana ema Viya. Te tepanawa'i viye'e viti manerejiruana eta vikatajiwaira'i, ¿navetijipuka ena nasuapajiraira'ana eta maechejiriruwana ema Viya ichapeyare eta najakapirayare eta natajiwanayare naikuñayare?