1 Pedro 2:7 - Táurinakene máechejiriruwa’i ema Viya tikaijare

⁷ Eti, esuapana ema Viya, eta juka mari tetavikawa'i eta tasiwachawa'i eye'e eti; enasera ena masuapajiraira'ana titauchawainapa eta takayemakene eta Takapika'ukene Ajureka: “Eta juka mari naepurukene'i ena tepiyarekara'iana eta templo, Eta juka mari etapa tikunachakare'i tetavikawa'i eta tatumewa'i tasiwachawa'i.”

Ignaciano

⁷ Éti, tétavi­cavahi eta macuna­cha­ca­revahi ema Cristo eta eyehe, taicha yátupihi eta ecasi­ñairahi éma. Énasera nácani masuapa­ji­rai­ra­hanahi mayehe, náepuruhi éma, nacuti ena tépiya­re­ca­rahiana eta Templo, eta náepuruirahi eta mari ticuna­cha­re­pa­nayare eta te peti.

1 Pedro 2:7 ပူးပေါင်းရင်းမြစ်များ

San Mateo 21:42

Taka'e, ema Jesús máichawakapa: –¿Tájina ímaiya'ini échejiku'a'ini eta takayemakene'i eta Takapika'ukene Ajureka? Ani naka'e'i: ‘Ena tépiyarekara'iana eta peti, tasapi'apa náepuru'i eta mari táikuchi'i tatumearayare eta taicha wa'i náimati'ini. Émasera ema Tata tepiyaka'i, ichape eta taramikarewa'i.’

San Lucas 2:32

tíjara'ineware taye'e eta awasareana ema, timikauchawakaya ena apamuriana tikawasana te Israel.”

San Lucas 2:34

Taka'e, ema Simeón mayaseakapa ema Viya eta náuriwaina ena. Taka'e, máichapa esu María esu maena ema amuya Jesús: –Píma'a, ema maka amuya, matuparakasiwa'i eta máimituresiraya eta máechejiriruwana ema Viya. Natiari'iyaresera kamuriana ena vijaneanana israelítana énajiwayare tíchawanayare, taicha naepuruyare,

San Lucas 20:17

Ema Jesús máesenimuri'awakapa, tási'a máichawakapa: –Taka'e ¿taja'asika takayemakene'i eta Ajureka?: ‘Ena tépiyarekara'iana eta peti, tasapi'apa náepuru'i eta mari táikuchi'i tatumearayare eta peti.’

San Juan 4:42

Tási'a, náichawarepa esu esena: –Puiti émakenepa visama'i. Waipa tákarichu'ini visuapa'ini eta pimetarapi'i. Véchapa viti apanawa eta émakenera'i ema Cristo, ema vikuchapakene'i, ema tikuchuku'a'aviyare vimutu viti achaneana.

Hechos 26:19

“Taka'e, tata rey Agripa, nusuapa'i nuti ema Jesús eta mawanesiranu'i,

Romanos 10:21

Etasera eta awasare Israel, ániware maka'e ema Viya: “Tamutu'i sacheana eta níchuirawaka'i ena nani israelítana. Tétavikawa'isera eta namasuapajiraiwa'i. Wa'i náwara'a'ini nachawa'ini eta nuye'e.”

Romanos 15:31

Eyaseaka'ini eta majaneasiranu'ini eta nítekapauchirawakayare ena masuapajiraira'ana'i tikawasana'i te Judea. Étapa eta juka námakeneyarepa'i nanakiruwana'i ena vichamuriana, táuri'ini eta najakapirayare ena vichamuriana tikawasana'i te Jerusalén.

2 Corintios 2:16

Tijeche'i eta najiusira takuti'i eta máke'e mákani máepenakene'i. Natiari'iware ena tisuapanapa'i náuchukureanayare'i; tikuti'ine'i najiuka'ini eta táijiyekene. ¿Tétavikawa'i eta néñamirawa'i eta vikatupara'aira'i?

Colosenses 2:10

puiti eta iáwa'asiraipa ema Cristo, tisantucha'ewakaipa'i ema. Tájinapa ákamunu'ini puiti eta iuchukuirapa, taicha ema Viákenu, ema túmepana'i.

Tito 3:3

Víti, akane éneichuware vika'i maiturere'avini'i masuapajira'avi'i. Tatajina vechakenena, vicha'i eta tamaurikeneana taicha tamusura'avi'i eta taiparakana te juka apake'e. Vicha'i eta ta taiñema'keneana, vikapinarureka'i tikaticha'aviana'i tási'a vikatichajirikaka'iware.

Hebreo 11:31

Eta sukasiñawaira'i me Viya, esu Rahab tú'usini, eta susuapajiraiwa'i, wa'i suépena'ini te tépenarakanapa ena masuapajiraira'ana'i, taicha esu sukatiuchapa ena wanairukana Juriyuana.

Hebreo 4:11

Eta taka'e, tawara'a'i vétumechawayare'i taye'e eta visuapiraina ema, apaesa vítujikawa visiapa taye'e eta vinarasi'aya, machu vémepurureka eta víkuchi'i, machu wákuti ena masuapajiraira'ana'i.

1 Pedro 1:8

Eti, wicha'a ímati'ini eta mamira ema Viákenu. Émunaka'isera ema. Ichape'iware eta ekasiñawaira'i eta maye'e. Tási'a, ichapeyare'iwa eta iúrisamurewaya, tájina eviyaima'i ákayema'ini,

1 Pedro 2:4

Yátupina eta ekasiñawaira me Viákenu, taicha tétavikawa'i eta makasiñakarewa'i, makuti eta mari máepenakaka'i ema, náepurukene'i ena achaneana, manerejiru'isera ema Viya taicha tétavikawa'i eta makunachakarewa'i maye'e.

1 Pedro 2:8

Enaipa enanakana apamuriana: “Etajuka ichape wama'i tási'a etapa eta mari, etainapa eta tiakipaikayare ena masuapajiraira'ana'i.” Ena nakana masuapajiraira'ana enainapa tiakipaikawanayare taichavene wa'i nasuapa'ini eta maechejiriruwa ema Viya: etapa temecharekayare.