1 Pedro 2:5 - Táurinakene máechejiriruwa’i ema Viya tikaijare

⁵ Éneipa eka'e'i eti, ekutiripa eta márija'iana máepenakaka'i, taka'e puiti, táuripa eta ekachanerakakainapa, makarichu ema Viya ema ekaemataneakaya, tiwayuaka'eya eta esuapajiraiwaya eta máijarasira'eyare'i eta ématanepachuyare, énerichuware ekatupara'aipa santu'enapa, ekutiyare ena tiyujarakara'iana eta te templo, eta maye'e ema Viákenu Jesucristo imereka'ini eta iamawa'uana te mamira'u eta mawara'keneana yatupi ema Viya.

Ignaciano

⁵ Éneripa ecahehi éti, ecutiripa eta márijahiana máepena­cacahi. Tacahe puiti, táuripa eta ecacha­ne­ra­ca­cainapa. Macarichu ema Viya ema ecaema­ta­neacaya. Tivayua­caheya eta esuapa­ji­raivaya eta máijara­si­ra­he­yarehi eta émata­ne­pa­chuyare. Éneri­chuvare ecatu­pa­rahaipa sántuhénapa. Ecutiyare ena tiyuja­ra­ca­rahiana eta te Templo. Ecatu­pa­ra­hai­pavare eyaseu­rahiya nayehe ena echamuriana. Étapa eta ecama­vahuira me Viya, étaripa eta esuapa­ji­raivahi, eta ehasu­lu­pa­ya­chirahi ema Viya, étapa eta ecuna­chirahi éma. Tamutu eta juca, ecuri­sa­mu­re­chayare éma, taicha émarichuhi ema Jesucristo ticaite­ca­pi­na­he­yarehi me Viya.

1 Pedro 2:5 ပူးပေါင်းရင်းမြစ်များ

Romanos 12:1

Taka'e, nuparapenaveana, nuwara'a ákaikutiara yátupina eta majapanuira'e'i ema Viya. Eta táetaviuchira'i eta majapanuira'e'i, ekatupara'a'i íjarakawa yátupina eta iáke'eana étapa eta iáchanewana eta é'isiraina émainachucha ema Jesucristo, takuti'i eta iámawa'u'i me Viya, jé'esare, tétavikawaya eta ekurisamurechiraya ema taye'e tamutu eta ekaemataneasirana ema.

Romanos 15:16

Ema, tituparakanu'i eta nuyanirayare nupaipika te tamutu awasareana, nukametarairuiraya naye'e namutu ena achaneana eta najakapakareipa'i me Viya eta nakasiñawaira'i eta maye'e. Tituparakanu'iware eta nujaneasira'eyare emutu eti esuapana'i ema. Tási'a, nuwara'a nuti nímereka'eya te mamira'u ema Viya te jena sache tikutiyare'i námawa'u'e. Ema tiúrisamurenapa eta majakapira'eya, taicha máepachiaru'eipa'i ema Machanewa Viya.

1 Corintios 3:16

¿Échaichu'i eti eta máwa'asira'e'i ema Machanewa Viya, eti maye'e'i templo ema Viya?

1 Corintios 3:9

Víti mamusura'avi'i ema Viya, eti ekuti'i eta sukurekana eta makajurusira'e'i ema Viya, ekuti'iware eta makaemataneasira eta petiyare maepiyaru ema Viya. Eta é'isira'i ema Jesús takuti'i eta náepiyasira'i eta ichapekene peti.

1 Corintios 6:19

¿Échaichu'iware eti eta máwa'asira'eipa ema Machanewa Viya eta te iáke'eana, taicha mawaneruichu'i ema Viya eta máwa'asira'eyare'i ema Machanewa Viya? Waipa étina'ini echa eta iáke'eana.

2 Corintios 6:16

Éneichuware, tiáwa'aka'avipa ema Viya, émaipa ema Vikaiyakene. Eta taka'e, wa'i táurika'ini eta vikasiapirawa'ini eta naye'e ena wa'i machaneranaina'ini ema Viya, taicha apana'i ema nasiñaraji. Taicha ani maka'e'i: “Náwa'akawakaya ena té'ikanuana'i; nuti naye'enu'i Viya taicha ena yátupikeneana'i nuchanerana'i.”

Gálatas 6:10

Táitusiawa, te tatiari'inapuka eta vikamunukarewana naye'e ena achaneana, te víma'a'ipuka eta nakamunuirawa'i, vítijiwayare víchayare eta táurikeneana naye'e. Tavetijipa te éna'ipuka tipaucha'aviana'i ena vichamuriana'i taye'e eta juka vé'iru'i, vikajiyare'i ena.

Filipenses 1:11

nuwara'aware iápajusirawaina'ini eta íchakeneana táurikeneana eta ekaemataneasira'i ema Viákenu Jesucristo. Tási'a, tétavikawayare'i eta nakunachirayare'i ema Viya ena achaneana eta náimaira'e'i eti.

Filipenses 2:17

Nímikuticha'e eta esuapajiraiwa'i taye'e eta ekaemataneasira'i ema Viya, takuti'i eta iámawa'u'i maye'e, nuti, tijurikati táimikapakanupuka eta nukametarairuira'i eta eye'e, eta népenirainapukaini takutiyarewa eta námawa'u'i maye'e ema Viya, takachane eta iámawa'u'i eti, nuti nuwapinawa'i eta níjarasirawa'i népena, núrisamure'iware eta nukamawa'uira'i me Viya.

Filipenses 4:18

Nuti ichapemuripa eta nujakapira'i eta enakiruwana, eta mámakenepa'i ema Epafrodito, ichapekenepa taratawaira eta nuvira eta nukamunukeneana, takutirine'i eta inciensoina'ini, eta táijiyewa'i te mamira'u ema Viya, tiwapinawa ema Viákenu eta majakapira'i.

Colosenses 3:17

Tamutu jákani ekaematanerana, échejirisirawana, ímereuchawa eta machanera'eira'i ema Viákenu Jesucristo, iámirapaipa eta máijare, te tamutu eta jákani íchararakawana, e'asulupayachayare'i ema Tata Vikaiyakene.

1 Timoteo 3:15

apaesa te wa'i nukuitujikawawane pítukapa eta táuriwaina eta pítaresiraya, taicha machichavi'i píti ema Viya, viti manerejiruana'i ema yátupikene'i Viya, viúnaka'i vímitureka'i yátupi eta máechajiriruwana.

Hebreo 3:6

Émasera ema Viakenu Jesucristo, ema machicha'i, matupiruwa'i eta maitauchira'i tamutu eta mawana'i'i me Viya, te vímiyanawa eta juka vé'isira'i ema, vikasiñawaira eta maye'e, viúrisamure eta vikuchapira'i eta viúchukuiraya te jena sácheyare.

1 Pedro 2:9

Étisera manerejiru'eipa ema Viya, machicha'eipa. Tachicha'eipaware eta máwasa. Tituparaka'eipaware ema eyaseuchinawakayare ena achaneana eta maye'e. Majupa'a'e'iware ema Rey. Puiti émapa makarichu'i técha'e'i, taicha maveku'akene'eipa taye'e eta timapiku, tímisiapa'eipa taye'e eta táurikakarekene majaraiwa ema.

1 Pedro 4:11

Eti máimitureana ema Viya, eta échejisira, ekuneuchawa yátupi eta máechejiriruwana ema Viya. Eti ímikatara'iana ítatiwaka ena echamuriana, wa'i éñamaima'i eta etumewa máijararu'e'i ema Viya. Étavene'i eta é'isira'i ema Jesucristo, tamutu tauri eta jákani íchakeneana apaesa nakunacha ema Viákenu namutu ena tíma'a'eana. Ema, ¡tétavikawa'i eta makunachakarewa'i! ¡Máitawakaka'iware eta vé'isiraya ema! Amén.

1 Pedro 4:17

Puiti juka sácheana viáwakure'i, táitekapaure'avi'ipa ichape eta vikatajiwairayare, viti manerejiruana ema Viya. Te tepanawa'i viye'e viti manerejiruana eta vikatajiwaira'i, ¿navetijipuka ena nasuapajiraira'ana eta maechejiriruwana ema Viya ichapeyare eta najakapirayare eta natajiwanayare naikuñayare?

Apocalipsis 1:6

eneichuware, tinaka'avi'i te namuri ena manerejiruana'i; tuparairuka'aviyare'i eta maye'e, mawaraira'i viyujarakará'iyare maye'e ema Viya. Támutu'ini sácheana vikunacha eta máitupajijiasirawa'i ¡viáramiparaka'ini eta akenukaira'i! Amén.

Apocalipsis 20:6

¡Tiúrikakareanayare ena nani tiápechawanayare títarekana puiti juka masantuchainapa ema Viya! Waipa tiápechawanaima'i tépenana, tiyujarakara'ianaya maye'e ema Viya, étapa me Cristo. Taicha ema Cristo máijarakainapa eta mil añu eta nakatupara'airayare.

Apocalipsis 3:12

Emutu eti ekamichana'i, ímiyanawa'iware eta é'isiranu'i; nítsirijikawayare eye'e. Máichekuarakireyare eta ekachaneraya ema Tata te máwasa. Iámayare eta máijare, étapa eta níjare arairu. Iámayareware eta táijare eta arairu Jerusalén, taicha tachicha'ewakaya.

Apocalipsis 5:10

Píjaraka'avi'iware eta narrey-wayare'i, pijaraka'iware eta mayujarakaraiwayare'i ema Viákenuyare'i Viya, enainapa akenukanayare'i taye'e te juka apake'e.”