1 Pedro 2:1 - Táurinakene máechejiriruwa’i ema Viya tikaijare

¹ Eta taka'e, támutupa ínajika eta ewainararajiwanaini'i, tamutu eta ekaetemaraiwaini'i, eta apipiemaira'eni'i, eta ekapinaruraiwaini'i, étapa eta écheji'iwanaini'i.

Ignaciano

¹ Eta tacahe, támutupa ínajica eta evaina­ra­ra­ji­va­nainihi, tamutu eta ecaete­ma­rai­vainihi, eta apipie­mai­ra­hénihi, eta ecapi­na­ru­rai­vainihi, étapa eta échaji­va­nainihi.

1 Pedro 2:1 ပူးပေါင်းရင်းမြစ်များ

San Mateo 15:7

¡Apimirana! Tatupiruwa'i eta máechejiriruwa'i ema profeta Isaías te techejisia'epa eti, te maka'epa:

San Mateo 23:28

Ene eka'e'i eti: Tikutima'ine'i iúri'i te namira'u ena achaneana. Étasera te esamureana táurujisiawa'i eta ewínarajiwana, takutikene eta apimiraira'e'i.

San Mateo 24:51

Eta taka'e, ema mákenu makawanairipinapa náestakayare muraka nakutiyare ena apimirana eta nakatajiwaira, nájina nájapanuima'i, tayanapane máiya'ainepuka, eta maeñamirawayare.

San Mateo 7:5

¡Apimira!, tatiwanuma pive'a eta pisureru te piuki'a, tási'a pimairikainapa tiuri, tási'a pive'asarenapa eta masureru te mauki'a ema pipareapiya.

Marcos 12:15

Émasera ema Jesús máimatiwane'i eta apimirairawaka'i ena, tási'a máichawakapa: –¿Tája'a takayema ewara'a ímiakipaikanu? Níma'aseji, iáminanu étapena eta reale, apaesa íma'a.

San Lucas 11:44

“¡Páure'esami eti, ekuti'i eta naekari. Ena achaneana nakatayayajika'i, wá'isera naecha'ini!”

San Lucas 12:1

Taka'e, te jena sácheana'i, títekaparakanapaichucha ena kamurikeneana achaneana. Tiyututukawanapa, tupiajirikakanapa. Ema Jesús natiwapa maechejika ena maimitureana maichawaka: “Échapawa taye'e eta lewadura eta tasisijisira'i eta masa. Takuti'ichu eta tapareasira'i eta apimirairana'i ena fariséuana.

San Lucas 6:42

Tasi'a piti wa'i pipanerecha eta táichapewa eta péjekapirawana, waipaine'i taurikaima'i paka'e nuvinavi eta pisureru te piuki'a, ¿taja'a takayema pipatsikawa'i picha ema pipareipiya? ¡Apimira!, tatiwanuma pive'a eta pisureru te piuki'a, tási'a pimairikainapa tiuri, tási'a pive'asarenapa eta masureru te mauki'a ema pipareapiya.

San Juan 1:47

Te náitekapauchapa, ema Jesús máimararakaipa ema Natanael, maka'epa: –Tétavikawa'i táuriwa'i eta pítaresira'i. Yátupikenevi israelita. Wa'i pítuka piwayuareka.

Romanos 1:29

Tétavikawa'i eta náepiyaresira'i eta napekaturana tamaurikeneana, nave'a'i esu esena apayena, ena amaperuana náicha'i eta natu'usiwana'i, té'ara'iana naye'e nákani matapirawareana'i, tamutupa nawara'a nakaye'e, káetemara'iana, tikapinarura'iana, tikapa'iana, tipiararekana te tisemana, tiwayuarekana, sémarairi'iana, técheji'iana,

1 Corintios 14:20

Nuparapenaveana, eti waipa amaperu'éna'ini. Nuwara'a táuripaini eta epanereruana, eta íchirayare eta táurikeneana. Nuwara'asera ákuti'ini ena amaperuana eta ichiraya eta tamaurikeneana, étisera ákutipa ena achaneana chanaruanapa naitukapa tipanererekana.

1 Corintios 5:8

Táitusiawa puiti, tamutusera sácheana vikuneuchawaya taye'e eta tamaurikeneana, wa'i pekatumare'avima'i. Tamutu sácheana eta juka vítaresira'i matapiraware'avina'i, tájinasarepa víchirawaima'i te mamira'u ema Viya.

2 Corintios 12:20

Nuti, te níteka eta ara eye'e, nupika'i wa'i núrikaima'i áka'ema'i'ini eta nuchimapira'eya, e'ajirikaka, ekapinarukaka, esemajirikaka, íputsimuriákaka, épiyekenerejirikaka, iúme'ajirikaka, ekasiñawawairika, wá'ipuka takuakejirikaka'i eta epanereruana.

Efesios 4:31

Wáipa ekunaka eta semanereana, waipaware ekatianara'ima'i, wáipaware ekusemarairi'i, wá'iware ekuijajachawa ekapiarakawa, wa'i ekuichanareka. Ínajikaya eti tamutu eta júkana tamaurikeneana.

1 Tesalonicenses 2:3

Taicha wa'i véjekapawa'ini eta vímitusira'e'i, wá'isera étaina'ini vipanerechapa'ini eta tájiparakana tamaurikeneana, wá'iware viwayuarakina eta véchejisirapa'i.

1 Timoteo 3:11

Énerichuware, ena esenana, takamunu'i tikapika'uanaya, wa'i nakuecheji'i, súkani tijaneakawa'i eta suítaresira, tájina náichirawaima'i, títaura'ianayare.

Tito 2:3

Énerichuware ena vénara'ana ichanaruana, pímitukayarewa ena tauri eta náitaresiraina taicha ena, tuparairukana'iware maye'e ema Viya, waipa técheji'ianaima'i, wá'iware takuwayuaka eta térakare. Naimereka yatupina eta náuriwaina naye'e ena amaperuanacha'a esenachichana

Hebreo 12:1

Puíticha víti apanaware vikamichayare tamutu eta vikatajiwairana, wákutiwaka eta nakamichira ena nani náinapureana'i té'ikana'i ema Viya, taicha puiti ena tímararaka'aviana'i víti tája'apuka táicharakawa'i eta vipaisira'i víti, eta taka'e, tituparaka'avi vínajikayare'i eta táitiasira'avi'i eta tájiparakana, tiámaparaura'iana taye'e eta pekatuana, taka'e, vikamichayare tamutu, táuriwaya eta vikaemataneasira'i ema Viya, apaesa vijakapa eta víkuchi'i.

Santiago 1:21

Eta taka'e ínajikapa eta tamaeperajisira eta iáchanewana, taicha tétavikawaware eta tapamisira'avi'i icha eta tamaurikeneana, puítisera nutuparaka'e, ínajikapa tamutu eta júkana, ekasamureyarepa eta máechejiriruwa ema Viya eta ímitukasiwana'i, yátupina esuapa, jé'eware, eta tikuchuku'a'eyare eta iachanewana.

Santiago 3:14

Te etiari'ipuka eti ímijachawa'i échema'a'i tamutu, tási'a ekapinarura'i'i te esamureana, ewara'apa iápajupanawayare'i naye'e ena apamuriana eta ítupajijiasirawaya, wa'i yátupina'ini eta ítupajijiasirawaina'ini.

Santiago 4:11

Nuparapenaveana, wa'i ekuechejika maye'e mákani echamuri'i. Taicha mákani téchejika'i maye'e mákani machamuri mapanararachapuka, émaipa máepururipa'i eta mawanairipi tási'a mapanararchaipa'i. Etasera eta napanararacha eta wanairipi, timikutijirikawapa émaina'ini takenuina'ini, taicha wa'i masuapa'ini.

Santiago 4:5

Eti ímijachaipapuka táepiyewa'i eta táechejiriruwa'i eta Takapika'ukene Ajureka. Ani taka'e'i: “Eta máwa'asira'avi'i ema Machanewa Viya, téñama'avi'ipa wa'i vi'apasamurechaima'i taye'e eta tamaurikeneana.”

Santiago 5:9

Nuparapenaveana, wa'i ekukicha eta tájiparakana naye'e ena echamuriana. Wá'isera ekuemeteaka ena, apaesa takuija eta táimikatsiriaka'e te ekayasesere'ipa te mamira'u ema Viya. Échaichu'i eti eta táne'irapa eta máuchujisirayare ema Juez, ekayasesere'inapa.

1 Pedro 2:16

Yátupi'i waipa tapamiru'ena'i eti eta esuapira'i eta wanairipianaini. Wá'isera ekuyunaka eta wa'i tapamisira'ena'ini, táetseraruina icha eta tamaurikeneana. Esapi'asera ímerekawayare yátupi'i eta mawanara'era'i ema Viya.

1 Pedro 2:22

Ema Cristo, tájina'ineni maviurewaina'ini, mapekaturaina'ini. Nájinaware makaetemakenena'ini.

1 Pedro 3:10

Taicha: “Mákani mawara'a'i tiúritaresira te apake'e, tamutuyare sacheana tiúriya, wa'i tikaetemarekaima'i wa'iware tépiya'ira'ima'i, wa'i téchejijikaima'i, wa'iware tiwayuarekaima'i,

1 Pedro 4:2

eta taka'e eti, táichavene'i eta iúrujiasira'i ema Cristo, tímikutijirikawaipa épenaipa'ini, ínajikaipaware eta pekatu. Puiti, tatuparaka'i ekaemataneakayare ema Viya. Waipa tiwayuaka'ema'i eta tajamuraraiwa eta iáke'e.

1 Pedro 4:4

Puítisera eti, waipa ekasirikimuri'ini ena émunakasareana. Waipa íchaima'i eta táiñema'ikene. Ichapemurine'i eta náejiasira'e'i. Tási'a, téchejikanapa eta eye'e.

Apocalipsis 14:5

Tájina náimatiya'ini eta náepiya'ira'i'ini, tájinaware natapirawaina'ini te mamira'u ema Viya.