1 Pedro 1:8 - Táurinakene máechejiriruwa’i ema Viya tikaijare

⁸ Eti, wicha'a ímati'ini eta mamira ema Viákenu. Émunaka'isera ema. Ichape'iware eta ekasiñawaira'i eta maye'e. Tási'a, ichapeyare'iwa eta iúrisamurewaya, tájina eviyaima'i ákayema'ini,

Ignaciano

^8-9 Éti, vuíchaha ímatihini eta mamira ema Viáquenu. Émuna­ca­hisera éma. Ichape­hivare eta ecasi­ña­vairahi eta mayehe. Tásiha, ichape­ya­rehiva eta iúrisa­mu­revaya, tájina eviyaimahi ácaye­mahini eta ecuna­chiraya éma, te jena sache iúchucu­hainapa eta ítare­siraya máichecua­ra­qui­renapa. Étasera eta táitsivahi eta ecasi­ña­vairahi mayehe ema Viáquenu.

1 Pedro 1:8 ပူးပေါင်းရင်းမြစ်များ

San Mateo 10:37

“Ena temunakapanana ena naiyana, esupuka esu naena, wáipa tatuparaka'ini nuchaneranaina'ini, enaipa nákani tínajikawana eta náe'isiranu'i, éneichuware waipa tatuparaka'ini nuchaneranaina'ini,

San Juan 14:15

“Eta esuapiranu'i tímereucha'eya eta yátupira'i eta émunasiranu'i.

San Juan 14:21

Nákani náimatiyare eta nuwanairipiana, náitauchayarewa, eta tímikaecherachayare eta yátupi'i eta náemunasiranu'i. Tási'a, ichapeyare eta namunawayare me Tata táichavenena'i eta náemunasiranu'i. Nuti apanaware ichapeyarewa eta némunasirawakayare. Tási'a, nímerekawayarewa naye'e.”

San Juan 14:24

Nákanisera wa'i témunakanuanaima'i, wá'iware nasuapaima'i eta nuwanairipiana. Eta juka nuwanairipiana esamakeneana'i puiti, wa'i tási'akenena'ini te nuchuti. Tási'akene'i me Tata, ema tiwanekanu'i.

San Juan 16:22

Ene eka'eya eti, ekatisamure'i puiti, ánipichusera. Té'esera te viápechawa víma'akakaya, tétavikawa eta iúrisamurewaya. Nájinainawarepa ti'apapika'ema'i eta iúrisamurewa.

San Juan 20:29

Ema Jesús majikapapa: –Pipaenumawa pisuapanu eta pímairanuipa'i. Tétavikawasera náurikakarewa nákani tisuapajira'iana'i wa'i tákamesa'ini náima'anu'ini.

San Juan 8:42

Ema Jesús majikapawarepa: –Te yátupina'ini machicha'ena'ini ema Viya, etupiruwaipa'ini émunakanu. Taicha nuti étakene'i nási'a me Viya. Wa'i nútijiriruwaina'ini eta nítesira'i puiti. Nuwanekasiwa'i maye'e.

Hechos 16:34

Te táekenepa eta juka, mámamuri'apa te mapena, máenikawakapa, tiúrisamureipa'i ema, énapa namutu ena tiávi'ana'i te mapena, eta makuchukuirawakayare ema Viya eta nasuapiraipa.

Romanos 14:17

Taicha eta Mawasa akenuka ema Viya, wa'i étaparakaina jákani vinikakenerepiana, vérakeneana. Étaipa eta tikunachakare'i maye'e, eta víchirapaipa eta táurikeneana. Mawara'a'iware vítukawa'ini eta vikurujisirakaka'i, apaesa táimiyanawa'ini eta viúrisamurewa vimutu maicha ema Machanewa Viya.

Romanos 15:13

Ema Viya, tétavikawa'i eta makunekarewa'i, tikasiñakare'iware. Máijaraka'eni eti eta tawayuchiraina eta iúrisamurewaina, tawayuchirainaware eta ekasiñaira maye'e, apaesa tanarakaini tamutu eta epanereruana. Eta máwa'asira'e'i ema Machanewa Viya.

1 Corintios 16:22

Nákanisera máesachara'ana'i ema Viákenu náimainawapainepa ena eta náikuñayare te machawapa. ¡Tata Viákenu, pítekawaneni!

2 Corintios 1:22

Manakaipawa eta maikutiara eta viye'e viti, tási'a tíjaraka'aviwarepa eta máwa'asira'avi'i ema Machanewa Viya te visamureana.

2 Corintios 12:4

necha'isera eta mamira'i ánaki te anuma taurikakarekene, eta masami'a'i eta techakareana tayumururewana'i, wá'isera táisapakare'ini naecha'ini ena achaneana.

2 Corintios 4:18

Eta taka'e, wa'i vipikakarakawaima'i eta viátajiwana'i, taicha wa'i táunakakare'ini. Vikasiñawa'isera maye'e ema Viya eta máimisiapira'aviya te máwasa anuma. Tási'a, máichekuarakirenapa eta viúrikakarewaya eta viávi'airaya taye'e.

2 Corintios 5:7

Puitisera tayanapaneni wa'i vima'a ema Viya, vikasiñawasera eta maye'e ema.

2 Corintios 9:15

¡Tétavikawa'i eta viúrikakare'i maicha ema, tájinapa viviya apanaina wákayema eta vi'asulupayachira ema Viya táichavene'i eta juka vijarakasi!

Gálatas 5:22

Emasera ema Machanewa Viya eta maematane, tíjaraka'avi'i eta vémunaraiwaya, viúrisamurerekawayare, tinarakainapa eta vipanereruana máicha, tíjaraka'avi eta vikamichiraya, vijapanura'iya máicha, vikajiraiwayarewa máicha, vétaviuchaya eta viúriwayare,

Gálatas 5:6

Eta máwa'asira'avi ema Jesucristo, wa'i étaparakaima'i eta vinaka'ini eta vikutiarana te viake'e. Takarichu tikamunukare'i eta vikasiñairayare yátupina ema, eta vikasiñawaira'i me Viya vémunakainapa namutu.

Efesios 3:19

Nuyaseaka'i ema Viya eta erata'airaina ákaikutiaraina eta maemunasira'avi, ichapepana'i taye'e eta vimatiraipa taye'e eta vipanereruana, apaesa ejákapa tamutu eta maikure'avi' ema Viya.

Efesios 6:24

nuyaseucha'eware táetaviucha'ini eta iúrikakarewaya emutu eti yátupi'i eta émunasira'i ema Viákenu Jesucristo.

Filipenses 1:25

Tási'a, németeaka wicha'a mawara'a népena'ini ema Viákenu, nunasiyarecha'a jakani apaesa nimikataka'echa'a eta vimiyanirawaina eta viurisamurewaina te visamureana eta vikasiñawairaina me Viya.

Filipenses 3:3

Jé'esaresera vítikene'i machanerana'i ema Viya. Taicha manaka'i eta maikutiara te visamureana maicha ema Machanewa Viya. Viwapinawa'iware táichavene'i eta vikasiñaira'i eta machanera'avira'i ema Jesucristo. Vécha'i wa'i étaparakaina'ini vítaucha'ini eta wanairipiana.

Filipenses 4:4

Támutu'ini sácheana iúrisamurereakawa'ini me Viákenu. Nuwara'a nápecha'e numetaka'e: ¡Iúrisamurereakawa'ini maye'e!

Hebreo 11:1

Te yátupi visuapa eta máechejiriruwa ema Viya, vikasiñayare ema, vikasiñawaware eta maye'e eta máitauchirayare tamutu eta máijararuwana'i, tayanapane wicha'a víkuima'a'i.

Hebreo 11:27

Eta makasiñawaira'i me Viya, ema Moisés tiyanapa manakikapa eta awasare Egito, wa'i mapika'ini eta masemanewa ema rey. Tetumechawaichucha eta mawara'akene'i maitaucha, takutipa maima'a'ini ema Viya.

1 Pedro 1:6

Puiti, apánapanenejiyarecha'a eta ekatajiwairayarecha'a, nukasiñawa'isera eye'e eti, wa'i ekainajiruwaima'i, eta ekasiñawaira'i me Viya, ewapinawaichucha eta ekamichira'i tamutu, taicha ímati'i waipa táunaima'i eta ekatajiwairaya.

1 Pedro 2:7

Eti, esuapana ema Viya, eta juka mari tetavikawa'i eta tasiwachawa'i eye'e eti; enasera ena masuapajiraira'ana titauchawainapa eta takayemakene eta Takapika'ukene Ajureka: “Eta juka mari naepurukene'i ena tepiyarekara'iana eta templo, Eta juka mari etapa tikunachakare'i tetavikawa'i eta tatumewa'i tasiwachawa'i.”

1 Pedro 5:4

Taka'e te machawapa ema yátupikene Pastor eta viye'e, tétavikawaya eta makunachira'eya. Tíjaraka'enapa eta íkuchi'i, máitawakakainapa eta ekachaneraya ema te mávi'a'i eta te majaraiwa'i.