1 Pedro 1:7 - Táurinakene máechejiriruwa’i ema Viya tikaijare

⁷ Ema Viya máisapa'i eta juka ekatajiwairana, mawaraira'i ímereuchawayare eta yátupikene'i eta ekasiñawaira'i eta maye'e. Ekutiyare eta uru te nakaitsamaraji te yuku te yátupi'ipuka étakene'i. Étisera étaviviriaka'i eta tatumewa eta uru, taicha eta uru títawayare'i, témitiakayare'i. Te wa'i ekainajiruwa eta ekasiñawaira'i maye'e ema Viákenu, tétavikawayare eta ekunachakarewayare'i maye'e ema eta machimapira'eyare te machawa.

Ignaciano

⁷ Ema Viya máisapahi eta juca ecata­ji­vairana, mavarairahi ímereu­cha­vayare eta yátupi­quenehi eta ecasi­ña­vairahi eta mayehe. Ecutiyare eta oro te nacaitsa­maraji te yucu te yátupi­hipuca étaquenehi. Étisera étavi­vi­riacahi eta tatumeva eta oro, taicha eta oro títava­yarehi, témitia­ca­yarehi. Te vahi ecaina­jiruva eta ecasi­ña­vairahi mayehe ema Viáquenu, tétavi­ca­vayare eta ecuna­cha­ca­re­va­yarehi mayehe éma eta machima­pi­ra­heyare te machava.

1 Pedro 1:7 ပူးပေါင်းရင်းမြစ်များ

San Mateo 19:28

Ema Jesús majikapawakapa: –Nutupiruwa numetaka'e járajapayare eta sachewayare, takaitsiwairayare tamutu. Te maejakapa ema Machicha ema Ajaira te maejasi'ayare te tajara'ikene majarapi. Taka'e eti e'ikanuana'i éjakainapa taye'e eta dósekene Majarapi, éjakainapa taye'e eta ekatupara'airaya, étinapa ewanerekaya naye'e ena dósemurikeneana israelítana.

San Mateo 25:21

Ema náeja'aru máichapa: ‘Tiuri, tájina táichawa tétavikawa eta piúriwa piti numusura. Puiti nutuparakavinapa eta kamurikene, pisiapa eta nuye'e, piúrisamurerekawainapa.’

San Mateo 25:23

Ema maeja'aru máichawarepa: ‘Tiuri, tétavikawa eta piúriwa píti apana. Pisiapainapa eta nuye'e, piurisamurerekainapa.’

San Lucas 12:33

Íjararekayare eta íma'akeneana, íjarakayare nákani tikamunuwana'i. Máima'ainepa ema Viya, tíjaraka'eyare eta táitsiwayare ánaki te anuma, máitawakakainapa eta ekaima'akeneraya. Wá'iware táeñamawakare, taicha nájinapa tiámeyecha'ema'i, tajinaware kachusirina.

San Lucas 17:30

Ene taka'eyare eta machavirayare ema machicha ema achane.

San Juan 12:26

Éneichuware mákani tiwara'ayare tikaemataneakanu, yátupiyare eta máe'isiranu, tási'a, nuti nukaejakayare ema te néjasi'ayare nuti, ema maka, tétavikawayare eta makunachirayare ema Tata.

San Juan 5:44

Eti, wa'i esuapanu'ini taicha eta ewaraira'i ekunachakarewa ena achaneana. Esapi'achucha eti wa'i áwara'a'ini ekunachakare me Viya.

Hechos 8:20

Taka'e, ema Pedro májikapapa: –Pémitiekene'aya píti étapa eta piplatane, taicha píti wa'i tiuri eta pipanereru. Pímijacha'ipuka vikawacharapiyare eta máijararu'aviana ema Viya.

Romanos 2:10

Étisera eti íchana'i eta táurikeneana, tíjaraka'enapa ema Viya eta majaraiwa'i etapa eta iúriwaya. Namutu ena tichana'i eta taurinakene tétavikawaya eta ekunachakarewaya maye'e, ekutikakaya emutu eta iúrikakarewaya, eti israelítana. Wa'i ekachurikaima'i ena apawasana.

Romanos 2:29

Nákanisera yátupikene'i eta nasuapajiraiwa, jé'eware ena juriyuana wa'i tákamesaima'i nanaka eta naikutiarana te náke'eana, taicha ena yátupikene'i nama te nasamureana: Wa'i étaparakina eta naitauchiraya eta naye'erepiana, taicha eta juka tiasi'a me Viya, wa'i napanereruina ena achaneana.

Romanos 2:7

Ema maíjarakawakainapa, máichekuarakireyare eta naítaresiraya, ena tikuchapawanaya eta nasiapiraya eta te majaraiwa'i ema Viya, ena tepiyakana'i eta taurikene;

Romanos 8:19

Jé'eware, tétavikawa'i eta tajamurachakarewa'i te táitekapapa eta sácheyare, eta vímairaya eta vikuchapakene'i eta takaitsiwairaya eta viáke'e vimutu viti machichanaveana ema Viya.

1 Corintios 3:13

Taicha tatiari'iyare eta sácheyare maitsamarekaya te yuku eta vemataneana'i, máima'ayare ema Viya eta vémataneanapachu, te wa'i táurini, eta mayukune taijuchayare eta vemataneana'i.

1 Corintios 4:5

Eta taka'e, wa'i táurika'ini tatiwaina'ini ekaune'ini eta júkana, te wicha'a ímatiekene'a'i, ekuchapaya eta mápechirawayare títeka ema Viákenu, ema tímikaecherachayare eta tayumururewa'i te timapiku, ema tímereucha'aviya eta vipanereruana te visamureanapachu. Taka'e, ema Viya tikunacha'avinapa eta viúriwana'i.

Santiago 1:12

Tétavikawa eta náuriwayare nákani vichamuriana tikamichana'i tamutu eta nátajiwana'i, járajapayare eta sacheanayare eta najakapiraya eta naikuchi'i táitsiwayare'i maicha ema Viya, máijarakainapa eta táuriwayare eta náitaresirayare, taicha tikunachakareana'i, taicha maitauchayare'i eta mapanereru'i ema Viya naye'e ena témunakana'i ema.

1 Pedro 1:13

Eta taka'e, ekaratakawa taye'e eta epanereruana, táuriwaina eta ítaresiraya. Ekasiñawayare eta ejakapirayare eta íkuchi'i me Viya, máijararu'eyare te machawapa ema Viákenu Jesucristo.

1 Pedro 1:5

Puítisera, tétavikawa'i eta máitupajijiasirawa'i ema Viya eta majaneasira'e'i, táichavene'i eta ekasiñawaira'i maye'e. Taicha mawara'a tikuchuku'a'eyare te jena sache táepanirawayare eta viúritaresiraya.

1 Pedro 2:4

Yátupina eta ekasiñawaira me Viákenu, taicha tétavikawa'i eta makasiñakarewa'i, makuti eta mari máepenakaka'i ema, náepurukene'i ena achaneana, manerejiru'isera ema Viya taicha tétavikawa'i eta makunachakarewa'i maye'e.

1 Pedro 2:7

Eti, esuapana ema Viya, eta juka mari tetavikawa'i eta tasiwachawa'i eye'e eti; enasera ena masuapajiraira'ana titauchawainapa eta takayemakene eta Takapika'ukene Ajureka: “Eta juka mari naepurukene'i ena tepiyarekara'iana eta templo, Eta juka mari etapa tikunachakare'i tetavikawa'i eta tatumewa'i tasiwachawa'i.”

1 Pedro 4:12

Némunarukeneana nuparapenaveana, wa'i ekuarami eta murakairaya eta iátajiwanayare, tímikutijirikawayare'i táramikare'ini eta eye'e.

1 Pedro 4:13

Ewapinawachucha taicha ekapayayaraka'i eta makatajiwaira'i ema Cristo apaesa ewapinawa te jena sácheyare eta enekapirayare ema eta máukupaisiraya mámirayarepa'i eta majaraiwa.

1 Pedro 5:1

Nuwara'a nechejirika'eya emutu eti pastoreana ejaneakana'i ena vichamuriana. Nuti éneichuware pastulerunu'i. Éneichuware nitametaka'eya eta nímararasira'i eta makatajiwaira'i ema Cristo. Esuapanuyare puiti eta nechejirapi, taicha vikutikakayare eta vikatupara'airaya viávi'ayare te majaraiwa ema Cristo te táitekapa eta machaviraya.

2 Pedro 1:1

Nuti Simón Pedro, mawanaranu'i ema Jesucristo. Maye'enu'i apústule. Nukajure'e eti nuchamuriana, taicha tétavikawa'i eta ewapinairawa'i eta juka vé'iru'i. Puiti eti apanawa ejakapakare'iware me Viya, ekaikuchipaware eta iúchukuiraya maicha ema Viákenu Jesucristo.

2 Pedro 1:4

Taye'e te juka vima'akeneana'i taurinakeneana eta taka'e tíjaraka'avipa eta vikuchi'i, taicha taetaviure'i eta, maitupajijiasirawa, tetavikawaware eta tasiwachawa'i, apaesa visiapa taye'e eta mawasa ema Viya, apaesa wa'ipa vikuima'a eta tamaurikeneana, tajamurachakeneana eta viake'e te juka apake'e.

2 Pedro 3:14

Eta taka'e, némunarukeneana nuparapenaveana, puiti eta ekuchapirayare eta juka takaitsiwairaya tamutu, étumechawachucha eta ekasiñaira'i ema Viákenu, apaesa tauri eta machimapira'eyare, takuija etapirawaina'i.

San Judas 1:24

Ema Viya, tétavikawa eta máitupaijiasirawa'i. Makarichu'i ema marata'a tikatiucha'avi taye'e eta víkuñayare'ini. Taicha mawara'a'i máepachinachayare eta iáchanewana, takuija'iwaréni eviurewaina eta mámira'eyare te mamira'u te jena sácheyare,

Apocalipsis 1:7

¡Íma'a, márajapainapa ema Cristo támayarepa'i eta úkaji! Namutuyare nanekapa ena achaneana te juka apake'e, tási'a, tipikanainapa ena tijarachana'i; tási'a namutu ena tiavi'ana'i te apake'e tíya'a'akawanainapa eta naimairayare. Eta taka'eyare eta juka, amén.

Apocalipsis 2:10

Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.

Apocalipsis 3:10

Piti, pítaucha'i eta nuwanairipi eta pikamichiraya tamutu, eta taka'e, nujaneakaviya nuti apaesa wa'i takuimive'avi te táitekapapa eta natajiwanayare namutu ena achaneana táwapa'iana'i te juka apake'e.

Apocalipsis 3:18

Eta taka'e nuwara'a nechejirikavi piwachareka nuye'e eta uru tiurinakene takaijukenepa yuku, apaesa yátupina pikaima'akene. Piwacharena nuye'e eta pimuiri'aina tijapu eta pikamuiri'a apaesa taepakucha eta pitsirira eta mamuriarevira, étapa eta pipurujina te piuki'a apaesa pimairirika.