1 Pedro 1:6 - Táurinakene máechejiriruwa’i ema Viya tikaijare

⁶ Puiti, apánapanenejiyarecha'a eta ekatajiwairayarecha'a, nukasiñawa'isera eye'e eti, wa'i ekainajiruwaima'i, eta ekasiñawaira'i me Viya, ewapinawaichucha eta ekamichira'i tamutu, taicha ímati'i waipa táunaima'i eta ekatajiwairaya.

Ignaciano

⁶ Puiti, apana­pa­ne­ya­rechaha eta ecata­ji­vai­ra­ya­rechaha. Nucasi­ña­va­hisera eyehe éti, vahi ecaina­ji­ru­vaimahi. Eta ecasi­ña­vairahi me Viya, evapi­na­vaichucha eta ecami­chirahi tamutu, taicha ímatihi vaipa táunaimahi eta ecata­ji­vairaya.

1 Pedro 1:6 ပူးပေါင်းရင်းမြစ်များ

San Mateo 11:28

Yare, ekasiñanu emutu eti evitajiruana'i taicha eta émataneana tási'a etipa éyarekara'iana eta iámakeneana, núti nukanaraka'eyare.

San Mateo 26:37

Tási'a mámapa ema Pedro, énapa ena apinana machichanaveana ema Zebedeo, tási'a tépanawapa eta máeñamirawa'i, tikatisamurewapa.

San Mateo 5:12

Ewapinawachucha íurisamurechucha, taicha ejechapaya eta ichapekene íjarakasiya tiasi'a te anuma. Ene naka'e'i eta nakatajiwaira'i ena nainapureanaini'i profetanaini, eye'e eti.

San Lucas 1:47

taicha tétavikawapa eta táurisamurewa eta nusamure ñicha eñi Viya tikatiura'ikene eta nuye'e.

San Lucas 10:20

Wá'isera ekukasiñawawaika eta erata'aira'i iákijika ena éreanana. Iúrisamurereakawasera eta táejasiraipa te anuma eta íjare.

San Lucas 2:10

Tási'asera, ema ángele máichawakapa: “Wa'i ekupika, yare, juka'i eta tímitekanu'i nuti numetapana'eyare. Tétavikawa táurisamurekarewaya naye'e namutu ena achaneana:

San Juan 16:22

Ene eka'eya eti, ekatisamure'i puiti, ánipichusera. Té'esera te viápechawa víma'akakaya, tétavikawa eta iúrisamurewaya. Nájinainawarepa ti'apapika'ema'i eta iúrisamurewa.

San Juan 16:33

Numetaka'eware tamutu eta juka apaesa etupiaka eta iuriwaina nuye'e apaesa takuija ekuichirawaina. Tayanapane ekatajiwayare muraka te juka apake'e, étumechawasera eta nuye'e, taicha nuti máijararunu'i ema Tata eta nukapakemuri'airayare namutu ena nánarana'i.

Hechos 14:22

Eta te juka awasareana, náimitukawarepa ena té'ikanaripa ema Jesús. Náetumechawakapa eta nakasiñawairaina, eta náe'isiraya ema Viya, tási'a náichawarepa. Échawa eta esiapiraya eta máwasa ema Viya, wa'i maejerarena taicha natiari'ya ena katianaka'eanayare ekatajiwayare táichavene eta é'isira ema Viákenu.

Romanos 12:12

Iúrisamurereakawa eta ejakapiraya eta ekuchapakene'i. Ekamichawaya taye'e eta ekatajiwairana. Wa'i takuechuki'a eta eyujarasirana.

Romanos 5:11

Tási'a wa'i takarichu'ini puiti eta viúrisamurewa'i maye'e ema Viya, eneichuware eta máichavene'i ema Viákenu Jesucristo, tétavikawa'i eta viúriwa'i maye'e.

Romanos 5:2

Máichavene'i ema Cristo, tétavikawa'i eta majapanuira'avi'i ema Viya. Tási'a, tijakapa'avipa, táichavene'i eta vikasiñawaira'i eta maye'e, vijakapirayare eta víkuchi'i visiapirayare te majaraiwa'i ema Viya.

Romanos 9:2

eta taka'e, ichape eta náimipanerechiranu'i nukatisamurewa'iware, wa'ikene tinajiakanu,

2 Corintios 4:17

Taicha eta viátajiwana'i puiti juka vítaresiraicha'a, wa'i táunakakare, tékatikawanachucha. Éneichuware, jarari'i eta táitsiwa'i, taicha vijakapa'i eta táetaviuchirawaya eta viúrikakarewayare, máichekuarakirenapa.

2 Corintios 6:10

Tikutimai'i eta vikatisamurewa'i ichape, viurisamurereakawa'i, vikutima'i eta páure'avi'i eta náimaira'avi'i, ichapemuriana'isera ena víjararuana'i eta nakaima'akene'i, ani, tájina víma'akenena, té'esera te apana vítaresira, tétavikawaya eta vikaima'akeneraya.

Gálatas 5:22

Emasera ema Machanewa Viya eta maematane, tíjaraka'avi'i eta vémunaraiwaya, viúrisamurerekawayare, tinarakainapa eta vipanereruana máicha, tíjaraka'avi eta vikamichiraya, vijapanura'iya máicha, vikajiraiwayarewa máicha, vétaviuchaya eta viúriwayare,

Filipenses 2:26

Mawara'aipaichaware tíma'a'e ema apanawa, téñamawaipa'i eta eye'e emutu eti taicha máecha'i eta esamairisira'i eta makajumaira'i.

Filipenses 3:3

Jé'esaresera vítikene'i machanerana'i ema Viya. Taicha manaka'i eta maikutiara te visamureana maicha ema Machanewa Viya. Viwapinawa'iware táichavene'i eta vikasiñaira'i eta machanera'avira'i ema Jesucristo. Vécha'i wa'i étaparakaina'ini vítaucha'ini eta wanairipiana.

Filipenses 4:4

Támutu'ini sácheana iúrisamurereakawa'ini me Viákenu. Nuwara'a nápecha'e numetaka'e: ¡Iúrisamurereakawa'ini maye'e!

1 Tesalonicenses 1:6

Jé'esare puiti, étijiwapa eta épanirawa'i é'ika'avi eta viúriwa'i víti, vikutiyare eta máuriwa ema Viákenu. Ekátajiwanuma'i ichape taicha eta ejakapira'i eta vimetarapiana. Iúrisamure'isera maicha ema Machanewa Viya.

Santiago 1:2

Nuparapenaveana nemunaruana, eti nuwara'a nechejirika'eya, te tatiari'inapuka eta ekatajiwairana puiti juka ítaresira'i, wa'i ekukainajiruwa, ekaurisamurechawachucha, ewapinawaya, taicha iúripanayare eta iúchukuirayare.

Santiago 1:9

Émaipa mákani vichamuri, te páure'ipuka eta máitaresira'i, tiwapinawayaresera taicha eta máimikatasiraipa ema Viya taicha eta máemunasira'i.

Santiago 4:9

¡Puiti, ekatisamurrewa, íyauchawa táichavene'i eta éjekapirawana'i! ¡Waipa ekuekarairikawa, íyauchawapa eta iurisamurewa itsiwachapa taye'e eta ekatisamuewaira!

1 Pedro 3:17

Te máisapa ema Viya eta náemekatajiwachira'e táichavene'i eta iúriwa'i, tikunachakareyare maye'e. Tájinasera ekunachakarewaima'i te ekaviurewa'i.

1 Pedro 4:7

Tiáne'ipa eta táitavirayare tamutu eta juka. Eta taka'e, ekaratakawa eta epanereruana apaesa táuriwaina eta eyujarasiranaya.

1 Pedro 5:10

Ema Viya, tíchu'a'avi'i, mawara'a'i visiapa te máwasa, táichavene'i eta vé'isira'i ema Jesucristo. Ánipinesera eta ekatajiwairaya puiti juka sácheana. Émasera ema Viya, tétavikawa'i eta majapanuraiwa'i. Ema, tímararaka'e'i eta ekamichira'i; tási'a ema, tíjaraka'enapa eta ewayuchirawaya eta etúmewaya.