1 Pedro 1:5 - Táurinakene máechejiriruwa’i ema Viya tikaijare

⁵ Puítisera, tétavikawa'i eta máitupajijiasirawa'i ema Viya eta majaneasira'e'i, táichavene'i eta ekasiñawaira'i maye'e. Taicha mawara'a tikuchuku'a'eyare te jena sache táepanirawayare eta viúritaresiraya.

Ignaciano

⁵ Puítisera, tétavi­cavahi eta máitupa­ji­jia­si­ravahi ema Viya eta majanea­si­rahehi, táichavenehi eta ecasi­ña­vairahi mayehe. Taicha mavaraha ticuchu­cu­ha­heyare te jena sache táepani­ra­vayare eta viúrita­re­siraya.

1 Pedro 1:5 ပူးပေါင်းရင်းမြစ်များ

San Juan 12:48

Nákanisera nasamairikaipa'inénipuka eta néchejiriruwana, wá'isera nasuapanu'ini, nasapi'a tépurunuana'i, murakayare'i eta náikuñayare. Eta náepuruira'i eta néchejiriruwana, étaipa tiviuchawakainapa te jena sacheyare taitekapiraya eta nakayesesere'iraya.

San Juan 17:15

Wa'i nuyaseakavi eta pivirawakaina'ini te juka apake'e. Nuyaseakavi nuti eta pikatiuchirawakaina'ini maye'e ema wínaraji.

San Juan 4:14

Nákanisera téranayare eta une níjararuyare'i nuti, waipa tiápechawanaima'i timauneana. Máichekuarakirenapa eta náitaresira.

San Juan 5:24

“Yátupikeneware numetaka'e. Nákani tikakiñanayare tisuapanayare eta néchejiriruwana, nasuapaware eta nukawana'ira'i maye'e ema Tata, ena máichekuarakirenapa eta naitaresira; waipa tikaikuñanaima'i. Taicha ena, tiúchuku'anaipa taye'e eta náikuñayareni.

Romanos 11:20

Taka'e, échapawa eti apanawa, machu ákutiriana ena nujaneanana, ena eta nákipaisirawa'i tímikutijirika'i tikaechuana'i, táichavene'i eta namakasiñawaira'i me Viya, puiti étipa náitsiwa'i ena eta ekasiñawaira'i maye'e, wá'isera ekukasiñawawaika, ekuneuchawa eti apanawa, epikaucha ema Viya.

Romanos 8:18

Németeaka'i nuti, tayanapane ichapepuka eta vikatajiwaira'i puiti juka sácheana, tájinachucha táichawa'i taicha jarari'iyare eta ichape táitsiwayare, vijakapaya eta ichape viúrikakarewaya te majaraiwa ema Viya.

1 Corintios 1:21

Tamutusera eta mapanereruana'i ema Viya, tétavikawa'i eta tapachinawawaka'i. Narari'i ena tisuapanapa'i eta maechejiriruwa. Tayanapane ena apamuriana náimijacha'i súnsurupiana'i eta maechejiriruwa. Ena nani achaneana, tamapuruji eta náechemaraiwana'i, taicha wa'i táimimatichawaka'ini me Viya.

2 Corintios 1:24

Wa'i nuwara'a nupamika'e eta esuapiranuina'ini nápepejika'e'ini, taicha eti muraka'eipa'i eta esuapira'i eta juka vé'iru'i. Nuwara'a'isera nimikataka'e eta tápajusirawaina eta iúrisamurewayare eti.

Gálatas 2:20

Eta nusuapira'i eta máepenira'i ema Cristo te crusu, nujakapakare'i me Viya, puiti, waipa nútijiwaina necha eta nítaresira'i, émapa téchanu'i ema Cristo tamutu eta nítaresira'i. Émapa nukasiña'i taicha yátupi'i eta makasiñakarewa'i taicha yátupikene'i Machicha'i ema Viya. Eta máemunasiranu'i, tímijararekawa'i níchavene'i nuti.

Efesios 2:8

Taicha eta viúchukuirayare eta viápechirawaya vítareka, étavene'i eta majapanuira'avi'i ema Viya. Vijakapakareipa eta maye'e, táichavene'i eta vikasiñaira'i ema Jesús. Wa'i étaparakaina takuchuku'a'avi'ini eta víchakeneana'i, ema'i ema Viya tijarakasicha'avi'i eta viuchukuira.

Efesios 3:17

nuyaseakaware yátupina eta ekasiñairaya ema Cristo, yátupinaware eta é'isiraina eta máimiturapiana. Túme'eyare eta émunaraiwa'i. Tájina ti'apapika'eima'i eta é'isira'i.

Filipenses 1:6

Ema Viya, tétavikawa eta máurichira'e'i eta ítaresira kape juka. Nuti, tétavikawa'i eta nukasiñawaira'i maye'e eta máimiyanirawaina eta máurichira'eyare, mawaraira'i iuri eta machimapira'eya ema Jesucristo te jena sache machavirayare.

Filipenses 4:7

Jé'esare, ema Viya makaepa'ayare eta jákani ekatisamurewana eta juka máijarasira'eyare'i táuriwayare eta esamureana étapa eta epanereruana, táichavene eta iúrujiasira'i ema Jesucristo. Eta makurisamurechira'avi'i ema Viya, tétavikawa'i eta takachuriasira'i eta nakurisamurechira nákani achaneana.

2 Timoteo 3:15

Piámawa'i te amuyavicha'a pímati'i eta Takapika'ukene Ajureka, eta tímitukavi'i taye'e eta piúchukuiraya te apana vítaresira, táichavene'i eta pisuapira'i yátupi ema Jesucristo.

Tito 2:13

Tási'a, vikunewainapa eta machavirayare ema Viákenu Jesucristo, ema Makatiura'ikene'i viye'e. Eta máitesiraya mámayarepa'i eta tapachinakene majaraiwa.

Hebreo 6:12

Wá'isera nuwara'a plúju'ena, ímiyanawa'i é'ika ákuti ena echamurianaini yátupikene'i eta nakasiñawaira'i me Viya, nakamicha'i tamutu, apaesa ekutikakapa eta ejakapiraya eta íkuchi'i maye'e ema Viya.

Hebreo 9:28

éneichuware ema Cristo, éta'eichu'i eta máepenira'i makaepa'airayare eta vipekaturana viti kamurikeneana achaneana. Yátupisera tiápechawaya tímerekawa, wáipasera étaima'i tímiteka mawachachaya eta pekatuana. Eta tímitekayare ema, tépana'aviyarepa viti vé'ikana'i vikuchapana'i ema eta makuchukuira'aviyare'i.

1 Pedro 1:13

Eta taka'e, ekaratakawa taye'e eta epanereruana, táuriwaina eta ítaresiraya. Ekasiñawayare eta ejakapirayare eta íkuchi'i me Viya, máijararu'eyare te machawapa ema Viákenu Jesucristo.

1 Pedro 4:13

Ewapinawachucha taicha ekapayayaraka'i eta makatajiwaira'i ema Cristo apaesa ewapinawa te jena sácheyare eta enekapirayare ema eta máukupaisiraya mámirayarepa'i eta majaraiwa.

1 Pedro 5:1

Nuwara'a nechejirika'eya emutu eti pastoreana ejaneakana'i ena vichamuriana. Nuti éneichuware pastulerunu'i. Éneichuware nitametaka'eya eta nímararasira'i eta makatajiwaira'i ema Cristo. Esuapanuyare puiti eta nechejirapi, taicha vikutikakayare eta vikatupara'airaya viávi'ayare te majaraiwa ema Cristo te táitekapa eta machaviraya.

2 Pedro 1:3

Ema Viya tetavikawa eta maitupajijiasirawa'i, tijaraka'avi'i tamutu eta vikamunukeneana te juka vitaresirapa, etapa eta, maimimatichira'avipa ema Viakenu Jesucristo, mawaraira'i vitaucha eta mawara'akene vicha, ema tichu'a'avi'i taichavene eta maitupajijiasirawa'i, etapa eta maemataneana tiaramikareana vima'akeneana'i.

1 Juan 3:2

Nuparapenaveana némunarukeneana, machicha'avipa ema Viya. Vuícha'asera tímecha'avi ema eta viúriwayare. Véchaipasare eta vikutirayare ema Jesucristo eta te machawa. Taicha víma'ayare eta máima'ikene ema.

San Judas 1:1

Nuti Judas mawanara ema Jesucristo, maparapenuware ema Santiago, néchejika'ewaka emutu eti maichu'akene'i maemunaruana ema Tata Viya, taicha tetavikawa'i eta majaneasira'e'i ema Jesucristo.

San Judas 1:24

Ema Viya, tétavikawa eta máitupaijiasirawa'i. Makarichu'i ema marata'a tikatiucha'avi taye'e eta víkuñayare'ini. Taicha mawara'a'i máepachinachayare eta iáchanewana, takuija'iwaréni eviurewaina eta mámira'eyare te mamira'u te jena sácheyare,