1 Pedro 1:3 - Táurinakene máechejiriruwa’i ema Viya tikaijare

³ Tétavikawa'i eta vikunachira'i ema Viya, Makaiyakene ema Viákenu Jesucristo, tétavikawa'i eta majapanuira'avi'i, tepanawa'i maicha eta vitaresira eta machavira'i titareka ema Viákenu Jesucristo. Eta juka yátupikenepa eta viuchukuiraipa,

Ignaciano

^3-4 Tétavi­cavahi eta vicuna­chirahi ema Viya, Macaiyaquene ema Viáquenu Jesucristo. Tétavi­cavahi eta majapa­nui­ra­havihi, vijaca­pa­carehi mayehe eta macachi­chai­ra­ha­viripa. Tásiha, viratahahi vicamichahi tamutu eta viátajivana te juca vítare­sirana taicha vicuchapahi eta sácheyare visiapaya eta mávasa ema Viya. Máitava­ca­cayare eta vítare­si­rayare, táichavenehi eta máechepu­sirahi ema Machicha Jesucristo te máecari. Ánaqui, tájinapa ticapa­ca­hemahi, váipavare íchaimahi eta tamauri­queneana. Máitava­ca­cayare eta iúrisa­mu­re­rea­si­ra­va­nayare.

1 Pedro 1:3 ပူးပေါင်းရင်းမြစ်များ

San Juan 1:13

Tási'a ena machichanaveana'i ema Viya, éma'i tinerejika'avi'i. Wa'i étaparakaina'i eta nakachichaira'avi'i ena tikachicha'aviana.

Romanos 12:12

Iúrisamurereakawa eta ejakapiraya eta ekuchapakene'i. Ekamichawaya taye'e eta ekatajiwairana. Wa'i takuechuki'a eta eyujarasirana.

Romanos 15:13

Ema Viya, tétavikawa'i eta makunekarewa'i, tikasiñakare'iware. Máijaraka'eni eti eta tawayuchiraina eta iúrisamurewaina, tawayuchirainaware eta ekasiñaira maye'e, apaesa tanarakaini tamutu eta epanereruana. Eta máwa'asira'e'i ema Machanewa Viya.

Romanos 4:25

Ema Viya Maíjarakapa ema Jesús eta maepenina'aviyare'i taichavene'e eta vipeketurana, tási'a techepukapa te maekari eta makatiuchira'aviyare'i taichavene eta viviurewana.

Romanos 5:10

Eta máepenira'i ema Machicha, puiti ema Viya tíchu'a'avi'i vipauchayare ema, tájina vipika'ini eta viáwa'asiraipa ema, tási'a puiti, eta vikasiñawaira'i eta maye'e, waipa véñamawa'ini, taicha taimikaecheracha'i eta mauriwa'i viye'e ema Viya.

Romanos 8:11

Táichavene eta máwa'asira'eipa puiti eti ema Machanewa Viya, ema kaechepuka'i ema Jesús, ema tiawa'aka'e'i eti. Émaparakaichu'i ema tikaechepuka'i te maekari ema Jesucristo. Émaichu tikaechepukayare eta iáke'eana tíjaraka'eyare eta arairu itaresiraya. Ema Machanewa Viya ema tiawa'aka'e'i eti.

Romanos 8:24

Yátupi'i puiti eta machicha'avira'i ema Viya. Ichapeware eta vikasiñawa'i eta maye'e eta vikuchapira'i eta viúchukuirayare.

1 Corintios 13:13

Jarari'i mapana eta juka vichakeneanaya: wakasiñawa me Viya, eta vikuchapira eta viúriwaya, tási'a etapa eta vemunasirakakaya; etasera eta tiuripana eta'i eta vemunaraiwa.

1 Corintios 15:20

¡Yátupikene'isera eta máechepusira'i ema Cristo te máekari! Taka'e, ema ekutiarare'i viye'e eta véchepusirayare víti apanaware te vépenaipapuka.

2 Corintios 1:3

Nuti nuwara'a nukunachaparaka ema Viya Makaiyakene ema Viákenu Jesucristo, taicha ema, vikaiyakene'iware víti, tétavikawa'i eta majapanuira'avi'i, tétavikawa'iware eta makurisamurechira'avi'i.

Gálatas 6:16

Eti, te esuapa eta juka nímiturapiana'i eye'e, nuwara'a máijaraka'e eta iuriwaina ema Viya, máijaraka'e'ini táuriwaina eta epanereruana taicha eti yátupikene'i machanera'e'i ema Viya.

Efesios 1:17

Ema, makaiyakene'i ema Viákenu Jesucristo, máetaviure'i eta majaraiwa te mávi'a'i te anuma, nuyaseaka'i máijaraka'e'ini eta échemaraiwaina'ini maicha ema Machanewa Viya, apaesa ímatiekene'a'ini yátupina eta emétakasiwanaya eta mapanereruana'i ema Viya, nuwara'a ímatipaipaichaini ema.

Efesios 1:3

Nuti nukunachaparaka ema Viya, ema Makaiyakene ema Viákenu Jesucristo taicha ichape eta máimikatasira'avi'i táichavene'i eta viúrujiasira'i ema Cristo. Puiti tachicha'avi'ipa eta anuma, ichape eta viúrikakarewa'i maicha ema Machanewa Viya.

Efesios 1:7

Ema Viakenu Jesucristo máepusaika'i eta maitine te crusu maepenine'i, mawaraira'i tikatucha'aviyare'i, makaepa'apa eta vipekaturana, taichavene eta maemunasira'avira majapanuira'avi'i.

Efesios 2:4

Tétavikawa'isera eta majapanuira'avi'i ema Viya. Ichapeware eta máemunasira'avi'i,

Efesios 3:20

Tétavikawa'i eta nukunachira'i ema Viya, taicha máituruekene'a'i tíjaraka'avi tamutu, máemetavika'i eta viyasearuana'i, étapa eta vipanerechirana, tétavikawa eta máitupajijiasirawa ema Machanewa Viya eta máetupirisira'i eta visamureana.

Colosenses 1:23

Taka'e, nuwara'a étumechawayarechucha, ímiyanawa táuri eta é'isira'i. Wa'i ekuyakujiekene'awa eta ekuchapira'i eta iúchukuiraya. Wa'i ekuemepurureka eta esuapiraipa'i eta máechejiriruwa ema Viya. Tétavikawa'i tasuapakarewa'i naye'e namutu ena achaneana te juka apake'e. Núti'ipa nuti Pablo wanairukakenenu'i, étaichu'iware taka'e'i eta nukametarairuira'i.

Colosenses 1:27

Tétavikawa'i táramikarewa'i maicha ema Viya eta máimimatichira'avi'i eta juka tayumururewaini'i ímitukasiwa'i puiti eti apawasanana'i. Eta juka, éma'i ema Jesucristo títekapaucha'eipa'i tiáwa'aka'eipa. Puiti, ejákapakarepa me Viya. Ekunewainapa maicha ema Jesucristo eta esiapiraya te máwasa anuma.

1 Tesalonicenses 1:3

Taicha tamutu sácheana vécharairika'eparaka eta ímeresira'i eta esuapira'i é'isira'i ema Viákenu Jesucristo, étapa eta epamisirawa'i ekaemataneaka'i yátupi, táichavene eta émunasira'i ema, étapa eta ekamichira'i tamutu táichavene eta ekuchapirawa'i eta machaviraya. Ema Tata Vikaiyakene máima'a tamutu eta íchararakawana.

1 Tesalonicenses 4:13

Nuparapenaveana, éneichuware viwara'a vimetaka'e eta náichararakawayare ena vichamuriana náepenakeneanaipa. Wa'i ekukatisamurewa naye'e. Ena apamuriana achaneana tikatisamurewanapa te náekarapana ena náepenakeneana, taicha wa'i nákasiñawa'ini me Viya. Wa'i ekuka'e eti.

2 Tesalonicenses 2:16

Nuparapenaveana, tétavikawa'i eta máemunasira'avi'i ema Viákenu Jesucristo, émapa ema Tata Vikaiyakene. Tayanapane wa'i viúri'ini, énasera nawara'a'i tikurisamurecha'avianaya. Tási'a, vikunewainapa eta viúrikakarewaya, máichekuarakirenapa náicha,

1 Timoteo 1:14

Tási'asera tétavikawa'i eta máemunasiranu'i ema Viákenu Jesucristo, ichapeine'i eta máijarasiranu'i eta nusuapira'i yátupi ema, étapa eta máijarasiranu'i eta némunaraiwa'i.

Tito 2:13

Tási'a, vikunewainapa eta machavirayare ema Viákenu Jesucristo, ema Makatiura'ikene'i viye'e. Eta máitesiraya mámayarepa'i eta tapachinakene majaraiwa.

Hebreo 3:6

Émasera ema Viakenu Jesucristo, ema machicha'i, matupiruwa'i eta maitauchira'i tamutu eta mawana'i'i me Viya, te vímiyanawa eta juka vé'isira'i ema, vikasiñawaira eta maye'e, viúrisamure eta vikuchapira'i eta viúchukuiraya te jena sácheyare.

Santiago 1:18

Taicha ema mawaraira'i machicha'aviyare'i, eta taka'e tijaraka'avipa eta arairu vitaresirayare'i, taye'e eta yatupikene maechejiriruwa, taicha maichekuarakirenapa eta vitaresira.

1 Pedro 1:13

Eta taka'e, ekaratakawa taye'e eta epanereruana, táuriwaina eta ítaresiraya. Ekasiñawayare eta ejakapirayare eta íkuchi'i me Viya, máijararu'eyare te machawapa ema Viákenu Jesucristo.

1 Pedro 1:21

Éneichu táichavene'i eta é'isira'i ema Cristo, ímatipa puiti ema Viya, ema tikaechepuka'i ema Machicha te máekari. Puíticha téjakaipa ema te máwakure'i te anuma. Eta taka'e, tétavikawaine'i eta ekasiñawaira'i maye'e ema, ekuchapawaipa eta maijararu'eyare ema Viya.

1 Pedro 1:23

Kape juka, eta ítaresira'i, tájina wa'i íturuekene'a'ini eta iúchukuiraya. Puítipasera machicha'eipa'i ema Viya. Ítsiwachaipa'i eta ítaresiraini'i eta esuapira'i eta máechejiriruwa. Eta tikaitareka'eyare'i; jé'eware eta máitawakaka'i.

1 Pedro 2:2

Ákuti ena amuyana nauchusirawana ichape eta nawaraira eta terana eta leche tipachiama tiurinama, apaesa eta tikajurukayare'i tauri eta najurusira nauchuku'a.

1 Pedro 3:15

íjarakawasera yátupi eta é'isira ema Viákenu. Te nayasereka'epuka eta takayema'ipuka eta é'isira'i ema Cristo, táuri eta ejikapirawaka taye'e eta ekuchapakene.

1 Pedro 3:21

Puiti, eta une, nímikuticha'e'i eta víkachasi. Eta vikaikachasira'i, wa'i étaparakaina táepachiaka'avi'ini eta viáke'e. Étasera eta vikaikachasira'i, étapa tímereucha'avi eta majapanuira'avi'ipa ema Viya, tamutu eta vipekaturana. Yátupina eta viúchukuirayare táichavene'i eta máechepusira'i te máekari ema Jesucristo.

1 Pedro 3:5

Taicha akane ena vénara'ana esenana náinapureana'i té'ikana'i ema Viya, taka'e'i eta náurinachirawa'i eta náitaresirana, taicha yátupi'i eta nakasiñawaira'i maye'e ema Viya, tási'a, tétavikawa'i eta napikauchira'i ena náimanaveana.

1 Juan 2:29

Eti écha'i eta máetaviuchira eta máuriwa'i ema Jesucristo. Tási'a, ímatiyare ena apamuriana machichanaveana ema Viya, táichavene eta náichira'i eta táurikeneana.

1 Juan 3:3

Tási'a, vimutu víti vikunewayare eta vikutiraya ema Jesucristo, puiti wákutikaka viúri'ini tákuti'ini eta máuriwa'i ema.

1 Juan 3:9

Víti machicha'avipa ema Viya, wáipa vímisiapawaima'i te pekatuana, taicha vikutinapa ema eta tamajinaira'i matapirawaina, ema tájina mapekaturaina. Eta makachichaira'avi'i ema Viya, wa'i vikapekaturaima'i.

1 Juan 4:7

Nuparapenaveana némunakasareana, takamunu eta vémunakaka wámutu, taicha ema Viya tímituka'avi'i eta vémunasirakakaya. Vimutu viti vémunakaka'i, étapa tímereucha'avi'i eta makachichaira'avi'i ema Viya, yátupi'i eta vímatira'i ema.

1 Juan 5:1

Yátupi'i eta makachichaira'avipa ema Viya vimutu viti visuapana'i ema Jesús eta émaira'i ema Cristo. Tási'a, vémunaka'i ema tikachicha'avi'i.

1 Juan 5:18

Vecha eta wa'i vímisiapawaima'i taye'e eta vikapekaturairana viti machichanaveana'i ema Viya, taicha ema Machicha ema Viya tijaneaka'avi'i vimutu víti, wa'i márata'aima'i tikaetema'avi ema wínaraji.

1 Juan 5:4

tási'a, viti machichanaveana ema Viya virata'aya vínajika eta tamaurikeneana eta vítaresiraya. Taicha tímikataka'avi'ipa ema Jesús, táichavene'i eta vikasiñaira'i eta maye'e.