1 Pedro 1:2 - Táurinakene máechejiriruwa’i ema Viya tikaijare

² emutu eti, yátupikene'i eta manerejisira'e'i ema Tata Vikaiyakene taicha taka'e'i eta mapanereru'i akane eta táepanirawa'i. Émaipa ema Machanewa Viya, tiáwa'aka'eipa máepachiasira'e'i eta epekaturana eta te máitine ema Jesucristo. Apaesa ejachapa ichapemurikene eta majapanuraiwa etapa eta viuriwayare.

Ignaciano

² Emutu eti, yátupi­quenehi eta manere­ji­si­rahehi ema Tata Vicaiyaquene taicha tacahehi eta mapane­reruhi acane eta táepani­ravahi. Émaripa ema Espíritu Santo, tiávahá­ca­heripa máepachia­si­rahehi eta epeca­turana eta te máitine ema Jesucristo, máitsiva­chi­na­he­hivare eta ítare­sirana, máimica­ta­si­ra­he­hivare eta esuapa­ji­raivahi me Viya. Puiti, nuvaraha tajurucaini eta ecaicu­tiaraira eta máemuna­si­rahehi ema Viya; tájinavare tahapa­pi­ri­cahini eta táurivahi eta epane­reruana.

1 Pedro 1:2 ပူးပေါင်းရင်းမြစ်များ

San Mateo 24:22

Tási'a ema Viya te wa'i makukaechepaikawane eta ekuñaraki, nakuija nakuitareka'ini, námutu'ini tepenarakana, eta sera, eta maemunasira'avi'i ema, makaechepaikawane'i eta tiñe'ikare, taicha viti manerejiruana'i.

San Mateo 24:24

Taicha titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

San Mateo 24:31

Tási'a ema, mawanekainapa ena maye'eana ángeleana, murakayare eta nakachujairayarepa'i, apaesa nakurujika ena manerejiruana'i, tiási'anayare te apachakaya te jákani návi'a'i te anuma.

Marcos 13:20

Tási'a ema Tata te wa'i makukaechepaikawane eta ekuñaraki, nakuija nakuitareka'ini, námutu'ini tepenarakana, eta sera, eta maemunasira'avi'i ema, makaichekawane'i eta tiñe'ikare, taicha viti manerejiruana'i.

Marcos 13:22

Tási'asera titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

Marcos 13:27

Ema mawanekainapa ena ángeleana, tási'a nakurujikayare ena manerejiruana'i, tiási'anayare te apake'e, te'epa te jákani návi'a'i te anuma.

San Lucas 18:7

Ene maka'e'i ema Viya, wa'i máyererejima'i eta makatiuchira'ewaneya eti manerejiruana'i, esamakareyare'i taicha eta emakainajiruwaira'i eta eyujarasiraina'i tamutu sácheana, yátiana ¿tiyereyarepuke eta majikapira'e?

Hechos 15:18

Etara eta jukana maimeru'avi'i ema Viákenu, eta juka akanewakaipa'i, eta maijarasira'avi'i eta maechejiriruwa.’

Hechos 2:23

Emara ema maka achane, eta taitauchirawaya eta mapanereruana mawara'akene maicha ema Viya, eta taka'e, máisapa'i eta íjararesira'i ema Machicha naye'e ena wínarajikeneana achaneana, ema, émetataru'i te crusu, ema, ímikaparu'i.

Hechos 20:32

“Puítisera, nuparapenaveana, nuyanainapa, nuyáseucha'eyaresera me Viya etapa eta maechejiriruwana eta maemunasira'avi'i. Ema titupajijiakawa'i eta maijarasira'eyare eta etumewayare ejurusiraya eta itaresira maijarasira'eyare tamutu eta ikuchi'i, te mawasa anuma.

Romanos 1:5

Puiti ema Viákenu Jesucristo tijapanunu'i eta matuparasiranu'i eta nuyaniraya nupaikaya te tamutu awasareana, nukametarairuyare'i eta najakapakarewayare'i me Viya namutu ena tisuapanayare ema.

Romanos 1:7

Emutu eti ekawasana te Roma, maemunarukene ema Viya manerejiru'ekene'i machaneranayare'i santuana: Nu'asulupayacha ema Tata vikaiyakene eta iuriwaina eta itaresira te maijare ema Viakenu Jesucristo.

Romanos 11:2

Eta akane, tétavikawa'i eta máemunasirawaka'i ema Viya ena israelítana, puíticha wa'i mainajiakawaka'ini. Échawa eti eta takayema'i eta Takapika'ukene Ajureka eta máichawakenewa'i ema profeta Elías. Ani taka'e'i eta mametauresirawa'i me Viya eta mayujarasira'i:

Romanos 11:28

Taka'e, ena nujaneanana nakatianakapa puiti eta juka vé'iru'i. Étasarepa ítujisiawayare eti. Émasera ema Viya máemunakawakaichucha, taicha manerejiruana'i ena náchukanaveanaini.

Romanos 15:16

Ema, tituparakanu'i eta nuyanirayare nupaipika te tamutu awasareana, nukametarairuiraya naye'e namutu ena achaneana eta najakapakareipa'i me Viya eta nakasiñawaira'i eta maye'e. Tituparakanu'iware eta nujaneasira'eyare emutu eti esuapana'i ema. Tási'a, nuwara'a nuti nímereka'eya te mamira'u ema Viya te jena sache tikutiyare'i námawa'u'e. Ema tiúrisamurenapa eta majakapira'eya, taicha máepachiaru'eipa'i ema Machanewa Viya.

Romanos 16:19

Namutu'i tímati'eana eti, náecha'iware eta esuapajiraiwa'i. Eta taka'e, tétavikawa'i eta núrisamurewa'i ícha. Ekajurukaseraini eta íchira'i eta táurikeneana. Wa'i ekukicha eta tamaurikeneana.

Romanos 16:26

Ena israelítana énapa ena apánapanenejikeneana achaneana, namutu tijakapakareanayare'i. Étaipa eta náechejisi'akeneana'i ena víyara'anaini profetana taye'e eta Takapika'ukene Ajureka. Nájinasera nákaikutiara'ini.

Romanos 8:13

Taicha te etachuchapuka esuapa eta tamaurikeneana tawara'akeneana'i eta iáke'e, tájinapa iuchukuiyaima'i, ekaikuchi'i eta épeniraya, té'esera é'ika'i eta mawara'akene'i ema Machanewa Viya, ínajikayarewa eta íchira eta tawara'akeneana'i eta iáke'e, ejákapainapa eta íkuchi'i eta ítaresirainapa.

Romanos 8:33

Puiti tájinapa viviurewaina táimikuñaka'avi'ini viti manerejiruana'i, taicha ema Viya tépachiaka'avipa eta majakapira'avi'i.

1 Corintios 1:30

Puítisera eti, majakapakeneanaripa ema Viya. Máwa'aru'ewarepa ema Jesucristo maicha ema Maiya. Taka'e, ichapeipa eta échemaraiwa'i máicha, santu'eipa máicha, ekutipaipa eta masantuwa'i ema. Iuchukurepaipa'i taye'e eta tikaviurekarewana.

1 Corintios 6:11

Eneni'i eka'e eti te wicha'a imati'ini ema Viya. Puitisera ejachapaipa eta iuriwayare epáchi'aipa eta epeketurana, puitisera santu'eripa'i maicha ema Viákenunu Jesucristo émapa ema Machanewa Viya.

2 Corintios 10:5

Eta taka'e'i eta nukaepa'aira'i eta semanereana, wa'i náwara'a'ini máimikatakawaka'ini ema Viya. Wá'isera náwara'a'ini náesenika'ini ema. Níturukayare'isera nákani murakapanereruana'i eta nasuapiraina yátupi ema Cristo,

Colosenses 3:12

Ema Viya tétavikawa'i eta máemunasira'e'i, eta taka'e, tinerejika'e'i eti machaneranayare'i ema, ekutipaipa ema, eta masantuwa'i. Eta taka'e, puiti étijiwainapa ekarawa'uyare eta táuriwayare eta ítaresirayare, étaviuchayare eta ejapanuraiwaya, émunara'iyarewa, ímerekaya eta emansuwayare, ekamicha tamutu.

2 Tesalonicenses 2:13

Étisera, nuparapenaveana, máemunaruana'i ema Viya. Víti tatuparaka vi'ásulupayachaparakayare ema Viya íchavene'i eti, taicha manerejiru'e'i ema Viya te tépanawainapa. Táitusiawa, te esamapa eta vimetarairu'i, etupiruwapa ejakapa'i; taicha esamapa eta máichuira'e'i ema Machanewa Viya.

2 Timoteo 2:10

Nukamicha'isera tamutu eta náichiranu'i, nuwaraira'i nasuapa'ini nákani máichu'akeneánayarepa'i ema Viákenu Jesucristo, apaesa náuchuku'a'ini ena apanawa, náitujikawa'ini nasiapa taye'e eta táurikakarekene máwasa, máichekuarakirenapa eta vikachaneraya ema.

Tito 1:1

Eta najure nuti Pablo, mawanaranu ema Viya apústulenu'iware maye ema Viákenu Jesucristo, mawanerunu'i ema, apasea ena manerejiruana'i ema Viya naimatiekene'a eta yátupikene'i makasiñakarewa ema Viya, eta juka tiavi'a'i te juka viawapairu'i,

Hebreo 10:22

Eta taka'e, tatupiruwayare'i eta visamureana eta vikaiju'éraya ema Viya, wákasiñawa'ini eta maye'e, wa'i véñamawaima'i taicha ema masipakaipa'i eta visamureana apaesa takuija vitapirawaina taye'e eta vipekaturana, tímikutijirikawa'i vikawa'ini eta te tapachinakene une.

Hebreo 11:28

Eta masiñawaira'i me Viya, ema Moisés, máitauchapa eta mawanairipi ema Viya. Mawanekawaka ena machamuriana nakapakayare eta uvesachicha, nátsikiriakaya eta iti te tapaja eta napenana, apaesa wa'i makuesirujikawaka ema ángele ema tiamayare'i eta náepenira ena náechavimuri te jákani peti.

Hebreo 12:24

matiari'iware ema Jesús ema tiyaseura'ikene eta viye'e, taye'e eta Arairu maechejiriruwa, émaipa máepusaikapa eta máitine tasipa'aka'aviyare'i, eta taka'e eta máitine tikunachakarepana'i taye'e eta máitine ema víyara'aini Abel.

Hebreo 5:9

Eta tamutuirapa eta máepenira'i, téchepukawarepa, tási'a marata'apa eta makuchuku'aira'aviyare vimuti viti visuapana'i ema. Máitawakakayare'i eta vítaresiraya máicha,

1 Pedro 1:14

Ímerekawayarewa eta machichaira'e'i, esuapajira'iyare. Waipa ekukicha eta íchakeneanaini eye'erepianaini kape juka te wicha'a ímati'ini ema Viya.

1 Pedro 1:19

Étasera eta máitine máepusairu'i ema Cristo, eta mawacharesira'e'i, étivene'i ímijarareka'i ema, kúti'ipa te káijararekasi eta uvesa matapirawarekene'i.

1 Pedro 1:20

Akane te tépanawainapa eta apake'e ema Viákenu Jesucristo tikatupara'aipa taka'eyare'i eta máepeniraya. Wá'isera táitauchawawane'ini. Tapaenumawapa puiti, títauchawa'i étavenepa eta iúchukuirayare'i eti.

1 Pedro 1:22

Puiti tipachinaipa eta iáchanewana táichavene'i eta esuapira'i eta yátupikene máimiturapiana ema Jesucristo. Eta taka'e, ímerekawainapa puiti yátupina eta émunasirakaka'i naye'e ena echamuriana. Ewapinawaware eta te esamureana eta émunasirakakaira'i.

1 Pedro 2:9

Étisera manerejiru'eipa ema Viya, machicha'eipa. Tachicha'eipaware eta máwasa. Tituparaka'eipaware ema eyaseuchinawakayare ena achaneana eta maye'e. Majupa'a'e'iware ema Rey. Puiti émapa makarichu'i técha'e'i, taicha maveku'akene'eipa taye'e eta timapiku, tímisiapa'eipa taye'e eta táurikakarekene majaraiwa ema.

2 Pedro 1:2

Puiti, nuwara'a tajuruka'ini eta ekaikutiaraira eta máemunasira'e'i ema Viya, tási'akene'i eta ímatiekene'airapaipa'i eta mapanereruana ema, émapa ema Viákenu Jesucristo, tájinaware ta'apapirika'ini eta táuriwa'i eta epanereruana.

2 Juan 1:1

Nuti víyara'anupa, nukatupara'akene'i naye'e ena vichamuriana nukajurevi eta juka nechejiriruwana emutu eti nuparapenaveana, manerejiru'e ema Viya, namutu ena echamuriana. Yatupi eta nemunasira'e'i, wa'isera nakarichu'i nemunaka'e'ini eneichuware ena vichamuriana timatiana eta yatupikene temunaka'eana'iware.

2 Juan 1:13

Téchejikaviana ena suchichanaveana esu péchavi, ésuichuware manerejiru'i ema Viya.

San Judas 1:2

Puiti, nuwara'a tajuruka'ini eta ewapinairawaka'i eta máemunasira'e'i ema Viya, étapa eta majapanuira'e'i; tájinaware ta'apapirika'ini eta táuriwa eta epanereruana.