1 Pedro 1:1 - Táurinakene máechejiriruwa’i ema Viya tikaijare

¹ Nuti Pedro, maye'enu apústule ema Viákenu Jesucristo. Nukajure'e eta juka eti nuchamuriana éjanerepairuana'i ekakijikeneana'i taye'e eta apana awasareana, eti iávi'ana'i te Tinapaika te Ponto, eti iávi'ana'i te Galacia, eti iávi'ana'i te Capadocia, eti iávi'ana'i te Asia, étipa eti iávi'ana'i te Bitinia,

Ignaciano

¹ Núti Pedro, mayehenu apóstole ema Viáquenu Jesucristo. Nucajurehe eta juca nucartane eti nuchamuriana éjane­re­pai­ruanahi ecaqui­ji­que­neanahi tayehe eta apana avasareana: eti iávihanahi te provincia Ponto, eti iávihanahi te Galacia, eti iávihanahi te Capadocia, eti iávihanahi te Asia, étipa eti iávihanahi te Bitinia.

1 Pedro 1:1 ပူးပေါင်းရင်းမြစ်များ

San Mateo 10:2

Eta juka, eta naíjareana ena dóseana apústuleana: Ema tínapuika ema Simón Pedro, émapa ema maparapeichu Andrés, ema Santiago émapa ema maparapeichu Juan, machichanaveana ema Zebedeo,

San Mateo 24:22

Tási'a ema Viya te wa'i makukaechepaikawane eta ekuñaraki, nakuija nakuitareka'ini, námutu'ini tepenarakana, eta sera, eta maemunasira'avi'i ema, makaechepaikawane'i eta tiñe'ikare, taicha viti manerejiruana'i.

San Mateo 4:18

Taka'e, eta mapaisirapa'i ema Jesús te tachausi eta Kákiure te Galilea, máima'awakapa ena apinana kaparapekakana: Ema émana tikaijare'i Simón Pedro émapa ema Andrés. Eta náematanerepi ena titukawara'iana eta jima, nákijiereka'i eta naye'e yuta'e te une.

San Lucas 18:7

Ene maka'e'i ema Viya, wa'i máyererejima'i eta makatiuchira'ewaneya eti manerejiruana'i, esamakareyare'i taicha eta emakainajiruwaira'i eta eyujarasiraina'i tamutu sácheana, yátiana ¿tiyereyarepuke eta majikapira'e?

San Juan 11:52

étasera juka máepenirayare'i ema Jesús, mawacharekainapa eta naviurewa'i namutu nákani machaneranayare'i ema Viya, te apánapanenejikeneana awasareana. Wa'i tákarichu'ini eta naviurewana ena israelítana. Taicha te táekenenapa, mawara'a'i makurujimuri'ayare'i, étamurianayare'i namutu ena.

San Juan 7:35

Taka'e, ena tikatianakana'i tiyaserejirikakanapa: –¿Távi'apapuka makáiju'enapa eta waipa virata'aima'i vikapayakaima'i víti? ¿Mawara'apuka tiyanayare, makapayakaya ena vijaneanana israelítana tiávi'ana'i te tayere'ikene. Mawara'apuka máimitukayare ena apawasana?

Hechos 18:2

Ánaki makainunapa ema émana juriyu tikaijare'i Áquila, ema maka máuchusine'i te tinapaika te Ponto. Ema Áquila, tási'a ésupa esu mayena Priscila naitekapirawa'i, násinepa'i te Italia, taicha ema akenuka emperador Claudio makawanairipipa náuchuka namutu ena juriyuana eta te Roma, taka'e ema Pablo tiyanapa maejirapana'i

Hechos 18:23

Tiyere'i eta kajeana manasiranuma'i taye'e eta awasare Antioquía, taka'e, tiápechawaware tipaika'i, máejirawakapa'i ena machamuriana taye'e eta awasarechichana te Galacia étapa eta Frigia, maechejirikawakapaipa ena te'ikana ema Viya.

Hechos 19:10

Apina añu eta máimituresira'i, eta maechejiriruwa ema Jesús. Taka'e'i eta máechejiriruwa ema, naye'e ena achaneana tikawasana'i eta te awasarechichana táunawana'i eta Efeso, tinápaika eta Asia. Tási'a, nasamairíkapa, ena israelítana énapa ena griegoana eta maechejiriruwa ema Viakenu Jesús.

Hechos 6:9

Tatiari'iware te Jerusalén eta apana peti náurujisirarewa ena juriyuana. Tiúrujikawana'i ena israelítana esclawuanaini náuchukureanapa. Ena tiási'ana'i te Cirene, te Alejandría, te Cilicia, étapa te Asia. Nákapaemajirikapa ema Esteban,

Hechos 8:4

Tasi'asera ena tiuchukana'i te Jerusalén tejena awasareana náitekapi'apa'i ena najunakeneana'i, tímiyanawanaichucha tikametarairuana eta máimiturapiana ema Viákenu.

1 Corintios 16:19

Téchejika'eana namutu ena vichamuriana tikawasana'i taye'e eta awasareana te juka Asia. Téchejika'eware ema Áquila ésupa esu Priscila, énapa namutu ena tiúrujirikawana'i te napena, taicha énaichu'i vikutikeneana'i eta vé'isira'i ema Viákenu.

2 Corintios 1:8

Nuparapenaveana, nuwara'aware numetaka'e eta víchararakawa'i víti taye'e eta jena awasare tinapaika Asia. Ichapemuri'i eta vikatajiwaira'i, tiáne'ipa véchuri'ayareni eta vitumewana'i taye'e eta vikamichirana tamutu, wáipaware vémeteaka'ini viúchuku'a'ini taye'e eta vépenira.

Gálatas 1:2

Puiti nukajure'e eta eye'e eti nuchamuriana ekawasana'i taye'e eta awasareana taye'eana Tinapaika te Galacia, téchejika'eana ena apamuriana vichamuriana te juka návi'a'i.

Efesios 2:12

échaichu'i kapeni juka tainapuisine, eti wicha'a imati'ini ema Viakenu Jesucristo, erajikawa'i taye'e eta mawasa Israel, tajinaware ímatiya'ini, etaipa eta maikure'avi'i ema Viya. Vijurupairuchucha te juka apake'e, tajina vimatiya'ini ema Viya, najinaware vikuchapakenena'ini.

Efesios 2:19

Eta taka'e, tájinapa táeñamakare'ini, eta ejákapakarewa me Viya. Esiapamuri'apa naye'e ena machanerana ema. Tachicha'eipa eta máwasa anuma.

2 Timoteo 1:15

Títekapa, péchaichu'i píti eta namáimikatasiranu'i ena náiyara'ana'i ena vichamuriana tikawasana'i te Asia, émaipa ema Fijelo emapa ema Hermójenes tijunijikanuapa énawanerekaina'ini naimikatakanu'ini.

Hebreo 11:13

Taka'e, namutu ena nani néchejisi'akeneana'i, tímiyanawana'i eta nasuapira'i ema Viya tamutu eta náitaresirana'i. Tétavikawa'i eta nakasiñawaira'i eta máitauchiraya eta máijararuwana'i. Te nawapureana, náima'apa eta náwasakeneyare'i, tiurisamureanapa, naecha'isera ena, eta juka apake'e, wa'i nawapaikaima'i ena, taicha naetavirupaichucha.

Santiago 1:1

Nuti Santiago, mawanaranu'i ema Viya, emapa ema Viákenu Jesucristo. Nuwara'a nukaitekapa eta juka néchejiriruwa eye'e emutu eti nujaneanana israelítana éjanerepairuana'i te tamutu awasareana.

1 Pedro 2:11

Némunarukeneana nuparapenaveana, puiti tímikutijirikawa'i apawasa'e'ini, taicha iávi'aicha'a te juka apake'e. Eta taka'e, waipa táurika'ini ícha'ini eta tajamurachakeneana eta iáke'eana. Taicha eta, tawara'a'i tákamitiekene'a eta iáchanewana.

2 Pedro 1:1

Nuti Simón Pedro, mawanaranu'i ema Jesucristo. Maye'enu'i apústule. Nukajure'e eti nuchamuriana, taicha tétavikawa'i eta ewapinairawa'i eta juka vé'iru'i. Puiti eti apanawa ejakapakare'iware me Viya, ekaikuchipaware eta iúchukuiraya maicha ema Viákenu Jesucristo.

Apocalipsis 1:11

Ánipa maka'e'i: Piájuchaya tamutu eta juka píma'akeneanaya te ajumeruka, pímiamarekapa eta piajure naye'e ena siétemurikeneana pichamuriana tikawasana'i te Asia: ena tiávi'ana'i te Éfeso, ena tiávi'ana'i te Esmirna, ena tiávi'ana'i te Pérgamo, ena tiávi'ana'i te Tiatira, ena tiávi'ana'i te Sardis, ena tiávi'ana'i te Filadelfia, énapa ena tiávi'ana'i te Laodicea.”