1 Juan 5:20 - Táurinakene máechejiriruwa’i ema Viya tikaijare

²⁰ Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.

Ignaciano

²⁰ Vítisera véchahi eta máitesirahi eta te juca apaquehe ema Machicha ema Viya. Éma tímitu­pa­na­havihi. Émavenehi témese­ni­ca­havihi mayehe ema Maiya ema yátupi­quenehi Viya. Máichavene ema Machicha Jesucristo, viávahá­caripa víti ema yátupi­quenehi Viya. Émara ema macari­chu­quenehi yátupi­quenehi Viya. Éma, tíjara­ca­haviya eta vítare­siraya máichecua­ra­qui­rénapa.

1 Juan 5:20 ပူးပေါင်းရင်းမြစ်များ

San Mateo 13:11

Ema Jesús májikapawakapa: “Émasera ema Viya timimaticha'e eti, eta juka maeñaure'i te mawasa ema Viya akenuka te anuma, énasera ena apamuriana achaneana wa'i maitametakawakaima'i.

San Lucas 21:15

Taicha nuti, níjaraka'eyare eta ítusirayare ekatiuchirawaya, nájina ákutima'i eta ítupaijiasirawaya, ichape ekachuriakayare ena iánaranaya.

San Lucas 24:45

Máemechawakaipa'i eta nakaikutiarairayare'i eta táechejiriruwana eta Takapika'ukene Ajureka,

San Juan 1:18

Yátupikene, nájina náimati'ini eta máima'i ema Viya, makarichukene ema Machicha, émaichu'ineni ema Viya kachanekakana'i ema Maiya, éma'i tímimaticha'avi'i ema Maiya.

San Juan 10:30

Taicha nuti emapa ema Tata vikutikaka'i eta vítupaijiasirawawaka'i.

San Juan 14:20

Te nuchawapa nítareka, échawainapa eti eta máwa'asiranu'i ema Tata, échawainawarepa eta náwa'asira'eware nuti, eti apana iáwa'akanu'iware.

San Juan 14:23

Ema Jesús májikapapa: –Nákani témunakanuana, nasuapayare eta nuwanairipiana'i. Tási'a, ema Tata, tétavikawayare'i eta máemunasirawakaya. Tási'a, vítijapainapa viáwa'akawakayare ena.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 14:9

Ema Jesús majikapawarepa: –Ánakiapaipa eta pikachaneranu'i piti Felipe, wícha'akaruware pímatinu. Eti íma'anuipa'i, ímatinuipaware yátupi'i. Tímikutijirikawaipa'i émaina'ini ímararaka'ini ema Tata. ¿Tája'a takayema piwara'aicha'aware nímechavi ema Tata?

San Juan 15:4

Eta taka'e, ímiyanawayare eta iúrujiasiranuyare nuti, takuti eta náwa'asira'e'i eti, apaesa ákuti eta tatawa tika'iriki. Taicha te viyuvetuka eta tatawa eta uwa, waipa tika'ima'i, ene eka'e'i eti, te wa'i ekuimiyanawa iúrujiakanu.

San Juan 17:14

Taicha ena achaneana te juka apake'e, ichapemuri'i eta nakatianasirawaka'i táicha yatupi'i ena waipa taye'eanaina'ini te juka apake'e, tikutinuanaipa'i nuti wa'i taye'enuina'ini te juka apake'e.

San Juan 17:25

Tata, yátupikenevi'i eta piuriwa'i, ena achaneana te juka apake'e wa'i náimativi'ini, nútisera nímativi'i, etajuka naecha'i eta piwanesiranu'i

San Juan 17:3

Níjarakayare eta náitaresirayare máichekuarakireyare, ena píjararunuanayare apaesa náimativi, piti Tata pikarichu yátupikenevi'i Viya, nútipa nuti Jesucristo, nuti piwanerunu'i te juka apake'e.

San Juan 20:28

Taka'e, ema Tomás tipiarakapa: –¡Tátachicha, piti yátupikenevi Viya!

San Juan 8:42

Ema Jesús majikapawarepa: –Te yátupina'ini machicha'ena'ini ema Viya, etupiruwaipa'ini émunakanu. Taicha nuti étakene'i nási'a me Viya. Wa'i nútijiriruwaina'ini eta nítesira'i puiti. Nuwanekasiwa'i maye'e.

Hechos 20:28

Tiuri puiti, ejaneakawayare eti, éneichuware ejaneakayare ena iúmuriwana, taicha etupara'aipa maye'e ema Machanewa Viya eta ejaneasirayare ena manerejiruana'i ema Viákenu, énavene'i tépena'i ema, máepusaika'i eta máitine.

Romanos 9:5

Mametaka'iware eta máitesirayare'i ema tikatiura'iyare naye'e. Ena nani, tétavikawa'i eta táuriwa'i eta náikuchiyare'ini taicha manerejikawaka'i ema Viya ena máumuriwanaichu'i ema Cristo, najaneanaichu'i eta máukupaisira'i te juka apake'e. Puíticha émaipa técha'i tamutu. Máitawakakaipa eta vijirauchira'i. Amén.

1 Corintios 1:30

Puítisera eti, majakapakeneanaripa ema Viya. Máwa'aru'ewarepa ema Jesucristo maicha ema Maiya. Taka'e, ichapeipa eta échemaraiwa'i máicha, santu'eipa máicha, ekutipaipa eta masantuwa'i ema. Iuchukurepaipa'i taye'e eta tikaviurekarewana.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

2 Corintios 5:17

Puíti'ipa viti viúrujiakana'i ema Cristo, apana'avipa. Vínajikaipa eta viye'erepini'i tamaurikeneana. Tamutupa arairu'i puiti eta viye'erepiana.

Efesios 3:18

Eta taka'e namutu ena machanerana ema Viya, narata'ainapa nakaikutiara ena eta maemunaraiwa ema viákenu Jesucristo etapa eta taichapewa eta maemunasira'avi ema Viákenu Jesucristo.

Filipenses 3:9

puiti eta náwa'asira'i ema; wa'i étaina'ini eta táuriwa'i eta né'isira'i eta viye'erepiana. Ema Viya tijakapanupa táichavene'i eta nukasiñawaira'i me Cristo. Taicha namutu ena tikasiñawana'i ema, tijakapakareanaya me Viya.

1 Timoteo 3:16

Taicha eta juka vé'iru'i vimutu, tétavikawa'i eta táuriwa taechapewa'i: Ema Viakenu timerekawa'i eta máukupaisira'i makake'era'i eta juka viake'e'i viti achaneana, émaipa ema Machanewa Viya makametarapi'iware eta yátupira'i Machicha ema Viya. Náima'a'iware ena ángeleana eta máechepusira'i te máekari. Nakametarairpa tamutu awasareana, namutu achaneana nasuapa'i te juka apake'e. Ichapemuriana ena tijachapána eta majaraiwa te anuma.

Tito 2:13

Tási'a, vikunewainapa eta machavirayare ema Viákenu Jesucristo, ema Makatiura'ikene'i viye'e. Eta máitesiraya mámayarepa'i eta tapachinakene majaraiwa.

Hebreo 1:8

Ánisera taka'e'i eta táechejisi'aira'i ema Cristo: “Máitawakakayare'i eta akenukavirayare, tétavikawa eta tatupiruwairayare'i eta piwanairipi.

1 Juan 2:23

Nájina tiáwa'akanaima'i ema Tata, ena wa'i nasuapa'ini ema Jesús eta machichaira'i ema Tata Vikaiyakene. Viáwa'aka'isera víti ema Tata Vikaiyakene vimutu viti visuapana'i ema Jesucristo eta machichaira'i ema Viya.

1 Juan 2:24

Tási'a, ekapanereruyarechucha eti, eta máechejiriruwa, tamutu eta esamakeneanaipa'i te tépanawainapa eta ekasiñaira'i ema Jesucristo. Eta ekapanereruira eta júkana, iáwa'akayare ema Tata émapa ema Machicha.

1 Juan 2:6

Ema tika'eana viti viáwa'aka ema Viya, tási'a, takamunu'i eta táuri'ini eta naitaresiraina'ini tákuti'ini eta táuriwa'i eta máitaresira'i ema Jesucristo.

1 Juan 4:14

Tási'a, viti vikachaneanaipa ema Jesús, vimetakawakapa'i namutu ena vímanaruanapa'i eta máukupaisiraipa te anuma, taicha viwara'a náimatiyare namutu eta mawanesira'i ema Viya máiteka ema Machicha tikatiucha'aviyare vimutu viti achaneana te juka apake'e.

1 Juan 4:16

Víti vécha'i eta yátupira'i máemunasira'avi'i ema Viya. Ema Viya emakene temunara'i, ema yatupikene temunara'i, timatikare'i eta mawa'asira'i ema Viya, tási'a ema Viya mawa'aka'iware ema.

1 Juan 4:2

Eta juka eta ímatiarayare ena máwa'aruana ema Machanewa Viya: te naka'e'ipuka: Ema Jesucristo yátupikene'i achane eta máuchusira'i.

1 Juan 5:1

Yátupi'i eta makachichaira'avipa ema Viya vimutu viti visuapana'i ema Jesús eta émaira'i ema Cristo. Tási'a, vémunaka'i ema tikachicha'avi'i.

1 Juan 5:15

Tási'a, vécha'i eta máijarasira'aviya tamutu eta viyasearuana, taicha vécha'i eta tasamakarewa'i eta viyasearapiana'i eta maye'e.

1 Juan 5:18

Vecha eta wa'i vímisiapawaima'i taye'e eta vikapekaturairana viti machichanaveana'i ema Viya, taicha ema Machicha ema Viya tijaneaka'avi'i vimutu víti, wa'i márata'aima'i tikaetema'avi ema wínaraji.

1 Juan 5:5

Víti visuapa'i eta yátupira'i Machicha ema Viya ema Jesús. Tási'a, viti vé'ikana'i ema, vikarichu'i víti virata'a vínajika eta tamaurikeneana'i eta vítaresira.

Apocalipsis 15:3

Tási'a tijirana'i eta jirasare majirasaini ema Moisés, mawanaraini ema Viya. Eta jirasare maye'e ema Cordero, ani taka'e'i: “Píti ichapekenevi'i akenuka, tétavikawa eta pítupajijiasirawa. Tamutukene'i píturuekene'a. Tétavikawapa eta táramikarewa'i eta pépiyaruana'i. Tiúrikakare'iware eta pinakipairuana'i. Wa'i apánapanenejina'ini eta péchejiriruwana. Píti akenukavi'i, péchaya tamutu awasareana.

Apocalipsis 19:11

Níma'awarepa eta anuma téjiaka'i, tási'a tiúchukapa eta kawayu tijapu. Eta máijare ema, yátupikene títaura'i, taicha ema, tatupiruwa eta ma'akenukawa'i.

Apocalipsis 3:14

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Laodicea: ‘Ani taka'e eta Amén, taicha maye'e ema tamutu titauchawa eta maechejiriruwa ema Viya naye'e ena nachanerana, ema titametakara'i matupiruwa eta maitauraiwa, ema taepaninewa eta maepiyaruana vima'akeneana'i puiti.

Apocalipsis 3:7

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Filadelfia: ‘Ani maka'e'i ema yátupikene'i Viya, yátupikene'iware eta masantuwa'i, makarichu'i ema técha'i eta tapajakura eta arairuyare awasare Jerusalén, takuti eta máechapajirisira'i ema náchukaini rey David eta táinapuiruini'i Jerusalén.

Apocalipsis 6:10

Puiti ena, tipiaraikana'i muraka naka'e'i: “Tátachicha, santukenevi'i píti. Yátupikenevi'i eta pikasiñakarewa. ¡Puiti viwara'a pítauchayare eta pitsirijiekene'airayare ena tikapaka'aviana'i te apake'e! Tási'a viwara'apa nakáemechara'ipaini.”