1 Juan 5:18 - Táurinakene máechejiriruwa’i ema Viya tikaijare

¹⁸ Vecha eta wa'i vímisiapawaima'i taye'e eta vikapekaturairana viti machichanaveana'i ema Viya, taicha ema Machicha ema Viya tijaneaka'avi'i vimutu víti, wa'i márata'aima'i tikaetema'avi ema wínaraji.

Ignaciano

¹⁸ Vecha eta vahi vímisia­pa­vaimahi tayehe eta vicape­ca­tu­rairana viti machicha­na­veanahi ema Viya. Taicha ema Machicha ema Viya tijanea­ca­havihi vimutu víti. Vahi márata­haimahi ticaete­mahavi ema Váinaraji.

1 Juan 5:18 ပူးပေါင်းရင်းမြစ်များ

San Mateo 5:37

Tikamunukare átupiruwa áka'e: ‘Tiuri’ te wá'ipuka ewara'a'i, átupiruwa áka'e ‘wa'i.’ Te émuna'akawapuka enaka eta échejiriruwa jákani emaitaureyare, étapa tiasi'a maye'e ema Wínaraji.

San Mateo 6:13

Wa'i pikuisapa'avi vicha eta tamaurikeneana pikatiucha'avi maye'e ema wínaraji.’

San Juan 1:13

Tási'a ena machichanaveana'i ema Viya, éma'i tinerejika'avi'i. Wa'i étaparakaina'i eta nakachichaira'avi'i ena tikachicha'aviana.

San Juan 14:30

Ánipine puiti eta juka néchejirisirawa'i eta eye'e, taicha áwanepaipa títekapa ema wínaraji, ema yátupi'i tákenu'i eta juka apake'e. Wá'ikenesera títa'akanuima'i nuti,

San Juan 15:4

Eta taka'e, ímiyanawayare eta iúrujiasiranuyare nuti, takuti eta náwa'asira'e'i eti, apaesa ákuti eta tatawa tika'iriki. Taicha te viyuvetuka eta tatawa eta uwa, waipa tika'ima'i, ene eka'e'i eti, te wa'i ekuimiyanawa iúrujiakanu.

San Juan 15:7

“Ímiyanawa yátupina eta iúrujiasiranu. Yátupinaware eta ítauchiraina eta nímiturapiana. Tási'a, te eyaseakanupuka jákani ewara'akeneana'i, nuti níjaraka'eya.

San Juan 15:9

Ímiyanawa eta iáwa'asiranu, taicha tétavikawa'i eta némunasira'e'i, takuti'i eta máemunasiranu'i ema Tata.

Hechos 11:23

Taka'e, te títekapapa ema Bernabé te Antioquía, máima'apa eta máimikatasirawaka'i ema Viya. Tiúrisamureine'i, maechejirikawakapa namutu ena, eta náetumechirakakaina eta náe'isira'i ema Viákenu.

Santiago 1:18

Taicha ema mawaraira'i machicha'aviyare'i, eta taka'e tijaraka'avipa eta arairu vitaresirayare'i, taye'e eta yatupikene maechejiriruwa, taicha maichekuarakirenapa eta vitaresira.

Santiago 1:27

Vítisera, eta vítauchira'i eta yátupikene té'ikakare, te viwara'a tájina véchejisiakarewaina te mamira'u ema Tata Vikaiyakene: tatuparaka'i vijapanuyare vítatiyare ena amaperuana wáchachichana énapa ena náepenaimakeneana taye'e eta nakamunuirawana'i, tituparaka'avi'iware wa'i víchaima'i eta pekatuana te juka apake'e.

1 Pedro 1:23

Kape juka, eta ítaresira'i, tájina wa'i íturuekene'a'ini eta iúchukuiraya. Puítipasera machicha'eipa'i ema Viya. Ítsiwachaipa'i eta ítaresiraini'i eta esuapira'i eta máechejiriruwa. Eta tikaitareka'eyare'i; jé'eware eta máitawakaka'i.

1 Juan 2:29

Eti écha'i eta máetaviuchira eta máuriwa'i ema Jesucristo. Tási'a, ímatiyare ena apamuriana machichanaveana ema Viya, táichavene eta náichira'i eta táurikeneana.

1 Juan 3:12

Tási'a, wa'i vikukuti ema Caín, máwa'aru'i ema wínaraji. Ema Caín makapaka'i ema maparapéni Abel, táichavene'i eta máetaviuchira'i eta mawínarajiwa'i. Ema Abel, táimikapaka'i eta masuapajiraiwa'i, máichira'i eta táurikeneana.

1 Juan 3:3

Tási'a, vimutu víti vikunewayare eta vikutiraya ema Jesucristo, puiti wákutikaka viúri'ini tákuti'ini eta máuriwa'i ema.

1 Juan 3:9

Víti machicha'avipa ema Viya, wáipa vímisiapawaima'i te pekatuana, taicha vikutinapa ema eta tamajinaira'i matapirawaina, ema tájina mapekaturaina. Eta makachichaira'avi'i ema Viya, wa'i vikapekaturaima'i.

1 Juan 4:6

Vítisera machicha'avi'i ema Viya. Tisamararaka'aviana ena tímatiana ema Viya, énasera ena apamuriana máimatira'ana ema Viya, wa'i tiúrima'i eta nasamira'avi. Etainapa, tímatikareanaya ena máwa'aruana ema Machanewa Viya, énerichuware tímatikareanaya ena máwa'aruana ema wínaraji.

1 Juan 5:1

Yátupi'i eta makachichaira'avipa ema Viya vimutu viti visuapana'i ema Jesús eta émaira'i ema Cristo. Tási'a, vémunaka'i ema tikachicha'avi'i.

1 Juan 5:15

Tási'a, vécha'i eta máijarasira'aviya tamutu eta viyasearuana, taicha vécha'i eta tasamakarewa'i eta viyasearapiana'i eta maye'e.

1 Juan 5:19

Taicha vécha'i eta makachichaira'avi'i ema Viya, kamuripananasera ena machanerana'i ema wínaraji.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.

1 Juan 5:21

Nuchichanaveana, wa'i ekukasiñaraji; wa'i ekukuti ena achaneana tikasiñarajiana eta achanemirana.

1 Juan 5:4

tási'a, viti machichanaveana ema Viya virata'aya vínajika eta tamaurikeneana eta vítaresiraya. Taicha tímikataka'avi'ipa ema Jesús, táichavene'i eta vikasiñaira'i eta maye'e.

San Judas 1:21

Tauri eta ítaresira, wa'i ekuemitisikawa'ini eta táetaviuchirawa'i eta máemunasira'e'i ema Viya, tási'a ekuchapa eta jena sácheyare táepanirawaya eta vítaresira, máitawakakayare eta vítaresiraya, taicha eta majapanuira'avi'i ema Viákenu Jesucristo.

San Judas 1:24

Ema Viya, tétavikawa eta máitupaijiasirawa'i. Makarichu'i ema marata'a tikatiucha'avi taye'e eta víkuñayare'ini. Taicha mawara'a'i máepachinachayare eta iáchanewana, takuija'iwaréni eviurewaina eta mámira'eyare te mamira'u te jena sácheyare,

Apocalipsis 2:13

Nuti nímati tamutu eta píchakeneana'i, eta piavi'aira'i te mawasa ema Wínaraji, wá'isera ínajikawa'ini, étumechawaichucha eta é'isiranu'i nuti. Étaipa te íma'apa eta nakapasira'i ema nuchaneraini Antipas, yátupikene'i eta masuapiranu'i ema, ena machanerana'i ema Wínaraji nakapaka'i ema te jena iávi'a'i eti.