1 Juan 5:13 - Táurinakene máechejiriruwa’i ema Viya tikaijare

¹³ Nukajure'e eta juka eti esuapana maye'e ema machicha ema Viya, apaesa echa eta maichekuarakirenapa eta itaresira tiuri.

Ignaciano

¹³ Tiuri, némuna­ca­sareana, nuvaraha échayare eta ítare­si­rayare máichecua­ra­qui­rénapa, taicha ecasiñahi ema Machicha ema Viya. Eta tacahehi eta nucaju­rei­rahehi.

1 Juan 5:13 ပူးပေါင်းရင်းမြစ်များ

San Juan 1:12

Énasera nákani tijachapana'i, tási'a nasuapa'i ema, maijaraka'i, maimikacheracha'i eta yátupikene'i machichanaveana'i ema Viya.

San Juan 2:23

Eta manasiraicha'a'i ema Jesús te Jerusalén, te Páskuamu'u, kamuri'i eta tiáramikareana máichakeneana'i. Kamuriana'iware ena achaneana tíma'ana'i.

San Juan 20:31

Nuwara'asera ákaikutiara eta nájureana'i apaesa esuapa'ini ema Jesús eta émairakene'i Cristo, Machichakene'i ema Viya. Taicha te esuapapuka ema, máitawakakayare eta ítaresirayare te maijare ema.

San Juan 21:24

Yátupikene ema'i ema maka ema máimiture yátupikene'i timecha'aviyre tamutu eta juka makajure'i eta yátupikeneana maima'akeneana'i.

San Juan 3:18

“Nákani tikasiñanayare ema Machicha ema Viya, wa'i tikaikuñanaima'i; nákanisera wa'i nakasiña'ini ema, táimikuñakawakayare'i eta naviurewana'i, taicha wa'i nasuapa'ini ema machicha makarichukene Viya.

San Juan 5:24

“Yátupikeneware numetaka'e. Nákani tikakiñanayare tisuapanayare eta néchejiriruwana, nasuapaware eta nukawana'ira'i maye'e ema Tata, ena máichekuarakirenapa eta naitaresira; waipa tikaikuñanaima'i. Taicha ena, tiúchuku'anaipa taye'e eta náikuñayareni.

Hechos 3:16

Puiti, ímararaka'i eta manarasira'i ema maka masarini. Eta juka eta tímikaecheracha'i eta machavira'i títareka ema Jesús. Taicha éma'i tíjaraka'avi'i eta vítupajijiasirawa'i eta vikanarasira'i ema maka achane, táichavene'i eta vikasiñaira'i ema.

Hechos 4:12

Najina apanaina makuti'ini nakatiucha'avi'ini, taicha ema Viya manerejiru'ichu'i ema Jesús eta makuchukuira'aviyare. Nájina apanaina manerejiruina'i te vimuri viti achaneana eta te juka apake'e.

2 Corintios 5:1

Viti vikuti'i eta peti tiavi'a te juka apake'e, taicha eta, wa'i murakaina'ini eta takaepiyakasiwa'i. Jarari'isera eta vipenayare'i te anuma víkuchi'i maye'e ema Viya. Eta, nájinapa tirata'aima'i tiákipaika, taicha wa'i náepiyaruina'ini ena achaneana.

Gálatas 4:6

Puiti, eta machichaira'eripa ema Viya, tíjaraka'eipa ema Machanewa Viya tiáwa'aka'eripa te esamureana. Émapa témecha'e'i maye'e ema Viya, tímituka'epa eta eyujarauchirawaya: “¡Tátachicha! ¡Vikaiyakene!”

1 Pedro 5:12

Ímati emutu ema vichamuri Silwano. Ema, tétavikawa'i eta máitauraiwa'i tamutu. Puiti, éma'i tiáminanu'i eta juka najure. Esamanusera eta nechejirisira'eya, eta numetasira'e'i tamutu eta juka, nuwara'a nétumecha'e eta vé'iru'i, taicha yátupi'i eta vikaiju'eira'i me Viya.

1 Juan 1:4

Tási'a, vikajure'epa eta juka, taicha viwara'a yátupina eta iúrisamurewaina.

1 Juan 2:1

Nuchichachichana, nukajure'e'i eta júkana taicha nuwara'a wa'i ekukapekaturaini. Té'esera íchapuka eta pekatu, marari'i ema tikatajira'i viye'e te mamira'u ema Tata Vikaiyakene, tikaijare Jesucristo ema tikatajika'avira'i, ema, matapiraware; tétavikawa eta máuriwa.

1 Juan 2:21

Nukajure'e'i táichavene'i eta ímatira'i eta yatupikeneana, écha'iware ena timatiana eta yatupikeneana waipaine'i tepiya'ira'ianaima'i.

1 Juan 2:25

Eta'i eta juka máikure'avi'i ema Viakenu Jesucristo, tíjaraka'aviya máichekuarakirenapa eta vítaresira.

1 Juan 2:26

Puiti narari'i ena nawara'ayare tiwayuaraka'eana. Eta taka'e, nukajure'e'i apaesa ekuneuchawa eti naye'e ena témejekapawara'iana.

1 Juan 3:23

Eta juka mawanairipiana'i, étara eta visuapayare'i maye'e ema Machicha Jesucristo, tási'a vinunayare'i vemunakakayare'i, vitauchayare'i eta mawanairipi'i ema.

1 Juan 4:9

Ema Viya, tímecha'avi'ipa eta máemunasira'avi'i, eta mawanesira'i ema makarichukene Machicha, mawaneka'i títeka te juka apake'e, tíjaraka'aviyare eta vítaresirayare máichekuarakirenapa.

1 Juan 5:10

Tási'a, te vikasiña ema Machicha ema Viya, visuapawa vikasiñawa te visamure eta yátupira'i eta mametasira'i ema Viya. Ena apamuriana wa'i nasuapa'ini ema Viya, náimikutichapa máepiya'ira'i'íni ema Viya, taicha wa'i nasuapa'ini eta mametarapiana'i maye'e ema Machicha Jesucristo.

1 Juan 5:11

Étaichuware eta juka eta mametasira'i ema Viya, eta máijarasira'aviripa eta vítaresirayare máichekuarakirenapa, ema Machicha ema Viya, ema técha'i eta vítaresira.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.