1 Juan 5:10 - Táurinakene máechejiriruwa’i ema Viya tikaijare

¹⁰ Tási'a, te vikasiña ema Machicha ema Viya, visuapawa vikasiñawa te visamure eta yátupira'i eta mametasira'i ema Viya. Ena apamuriana wa'i nasuapa'ini ema Viya, náimikutichapa máepiya'ira'i'íni ema Viya, taicha wa'i nasuapa'ini eta mametarapiana'i maye'e ema Machicha Jesucristo.

Ignaciano

¹⁰ Tásiha, te vicasiña ema Machicha ema Viya, visuapava vicasiñava te visamure eta yátupirahi eta mameta­sirahi ema Viya. Ena apamuriana vahi nasuapahini ema Viya, náimicu­tichapa máepiya­hi­ra­hihíni ema Viya, taicha vahi nasuapahini eta mameta­ra­pianahi mayehe ema Machicha.

1 Juan 5:10 ပူးပေါင်းရင်းမြစ်များ

San Juan 3:16

Taicha ema Viya, tétavikawa'i eta máemunasira'avi viti achaneana te juka apake'e. Eta máemunasira'avi, máijaraka'i ema makarichukene'i Machicha, eta máukupaisira'i eta ani viye'e. Tíjaraka'aviya eta vítaresiraya máichekuarakinepa eta vitaresira.

San Juan 3:18

“Nákani tikasiñanayare ema Machicha ema Viya, wa'i tikaikuñanaima'i; nákanisera wa'i nakasiña'ini ema, táimikuñakawakayare'i eta naviurewana'i, taicha wa'i nasuapa'ini ema machicha makarichukene Viya.

San Juan 3:33

Vítisera viti visuapana'i eta mametarapiana, vímati'i eta yátupi'i eta máechajiriruwana ema Viya mámakeneana'i ema maka Jesús;

San Juan 5:38

eti wa'i esuapanu'ini nuti mawaneru'i ema. Eta tímereucha'e'i eta wá'iware iúnaka'ini eta máechejiriruwana te esamureana.

Hechos 8:37

Ema Felipe máichapa: –Te yátupi'ipuka eta pisuapira'i te pisamure eta pikasiñairaya ema Jesús, níkachasikaviya. Tasi'a ema achane májikapapa: –Yátupi nusuapa ema Jesucristo eta émaira'i machicha ema Viya.

Romanos 8:16

Émaichu ema Machanewa Viya ema tiawa'aka'avi'i eta viachanewa viti emara timireucha'aviyare'i eta machichaira'avi'i ema Viya.

Gálatas 4:1

Nuwara'a nímikutiarachiná'eyare: Te matiari'ipuka ema achane kamuri'i eta máima'akeneana te mapena, te matiari'ipuka ema machicha, té'esera te amuyaicha'a ema, natiari'iyare'i ena téchapajirikanayare, énapa ena tímitukanayarewa, tayanapane émaina makaye'e tamutu eta tima'akareana.

Gálatas 4:6

Puiti, eta machichaira'eripa ema Viya, tíjaraka'eipa ema Machanewa Viya tiáwa'aka'eripa te esamureana. Émapa témecha'e'i maye'e ema Viya, tímituka'epa eta eyujarauchirawaya: “¡Tátachicha! ¡Vikaiyakene!”

Colosenses 3:3

Taicha íjararuwaipa eta ínajisirayare eta júkana, puiti tikaitareka'eipa ema táichavene'i eta iáwa'asiraipa ema Jesucristo.

Hebreo 3:12

Eta taka'e, nuparapenaveana, nuwara'a ejaneakawayare yátupina, machu é'ika eta napanereru ena masuapajiraira'ana, machu emutsera'awa íminajikawa eta é'isira'i ema yátupikene'i Viya Vikaiyakene.

2 Pedro 1:19

Víti vítametaka'i eta nakayemakeneana'i ena profetana, eta náechejisi'aira'i ema Viákenu. Eta náimiturapiana takuti'i eta tajaraiwa eta lámpara, tamikauchira'avi'i apaesa táuri eta vítaresirana te juka apake'e. Taka'e, étumechawa eta ekuchapirawaya eta sácheyare, márajapainapa ema yátupikene eta majaraiwa, tétavikawayarepa eta mamikauchira'eyare tamutu eta esamureana.

1 Juan 1:10

Té'esera vika'e'ipuka tájina vipekaturaina, vépiyaekene'a'i ema Viya, vímikutijirikapa ema maepiya'ira'ini, wa'i tátupiruwa'isni eta vijachapiraina'ini eta máechejiriruwa.

1 Juan 5:1

Yátupi'i eta makachichaira'avipa ema Viya vimutu viti visuapana'i ema Jesús eta émaira'i ema Cristo. Tási'a, vémunaka'i ema tikachicha'avi'i.

Apocalipsis 12:17

Taka'e, eta táimairawa'i eta Serpiente wa'i tárata'a'ini, tavetijipaicha eta tasemira'i suye'e esu esena. Tiyanapa naye'e ena suchamuriana, énapa apavekeneana'i. Tawara'apa takapakayare'i ena sukutikeneana'i tisuapana'i ema Viya, té'ikana'iware eta máimiturapiana'i ema Jesucristo.

Apocalipsis 2:17

¡Ema tikakiña masayare eta makayemakene ema Machanewa Viya naye'e ema pichamuriana! Enasera ena tita'arekanayare nijarakayare eta nanikayare eta maná, nijarakayareware eta marichi tijapu, eta taye'e marichicha tikajuyare eta taijare arairu, najinasera timatina makarichu ema tijachapayare maimatiyare eta taijare.

Apocalipsis 2:28

Tétavikawayare eta ejaraiwayare ekutiyare eta jarairiki te tiane'ipa tijara'i.